ਕੋਰੋਨਾਵਾਇਰਸ ਅਪਡੇਟ: ਰੂਸ 'ਚ ਤੇਜ਼ੀ ਨਾਲ ਵਧ ਰਹੇ ਕੇਸ; ਮੋਦੀ ਨਾਲ ਮੀਟਿੰਗ ਦੌਰਾਨ ਕੈਪਟਨ ਨੇ ਰੱਖੀ ਆਪਣੀ ਗੱਲ

ਕੋਰੋਨਾਵਾਇਰਸ ਕਾਰਨ ਪੂਰੀ ਦੁਨੀਆਂ ਵਿੱਚ 41 ਲੱਖ ਤੋਂ ਵੱਧ ਲੋਕ ਲਾਗ ਦਾ ਸ਼ਿਕਾਰ ਹੋ ਗਏ ਹਨ ਜਦਕਿ 2 ਲੱਖ 82 ਹਜ਼ਾਰ ਤੋਂ ਵੱਧ ਲੋਕਾਂ ਦੀ ਮੌਤ ਹੋ ਗਈ ਹੈ।

ਲਾਈਵ ਕਵਰੇਜ

11 ਮਈ 2020ਪਾਕਿਸਤਾਨ : ਲੌਕਡਾਊਨ 'ਚ ਢਿੱਲ ਮਗਰੋਂ 10,000 ਪੌਜ਼ਿਟਿਵ ਕੇਸ
ਲੌਕਡਾਊਨ ਦੌਰਾਨ ਮਸਜਿਦਾਂ ਖੋਲ੍ਹਣ ਤੋਂ ਇਲਾਵਾ ਪਾਕਿਸਤਾਨ ਸਰਕਾਰ ਹੌਲੀ-ਹੌਲੀ ਕੁਝ ਹੋਰ ਪਾਬੰਦੀਆਂ ਖ਼ਤਮ ਕਰ ਰਹੀ ਹੈ।
ਜਦੋਂ ਕਿ ਪਾਕਿਸਤਾਨ ਵਿਚ ਕੋਰੋਨਾ ਵਾਇਰਸ ਦੀ ਲਾਗ ਦੇ 30,000 ਤੋਂ ਵੱਧ ਮਾਮਲੇ ਸਾਹਮਣੇ ਆ ਚੁੱਕੇ ਹਨ ਅਤੇ 660 ਤੋਂ ਵੱਧ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ।
ਪਿਛਲੇ ਇਕ ਹਫਤੇ ਵਿਚ ਪਾਕਿਸਤਾਨ ਵਿਚ 200 ਤੋਂ ਵੱਧ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ ਅਤੇ ਲੌਕਡਾਊਨ ਵਿਚ ਢਿੱਲ ਦੇਣ ਦੇ ਬਾਅਦ ਲਾਗ ਦੇ 10,000 ਤੋਂ ਵੱਧ ਨਵੇਂ ਮਾਮਲੇ ਸਾਹਮਣੇ ਆ ਚੁੱਕੇ ਹਨ।
ਸਥਾਨਕ ਮੀਡੀਆ ਦੇ ਅਨੁਸਾਰ ਬਲੂਚਿਸਤਾਨ ਸਰਕਾਰ ਨੇ ਡਾਕਟਰਾਂ ਅਤੇ ਮਾਹਰਾਂ ਦੀਆਂ ਸਾਰੀਆਂ ਚੇਤਾਵਨੀਆਂ ਦੇ ਬਾਅਦ ਵੀ ਸੋਮਵਾਰ ਤੋਂ ਸਥਾਨਕ ਬਾਜ਼ਾਰਾਂ, ਸ਼ਾਪਿੰਗ ਮਾਲ, ਖ਼ਾਸਕਰ ਕੱਪੜਿਆਂ ਦੀਆਂ ਦੁਕਾਨਾਂ ਖੋਲ੍ਹਣ ਦੀ ਆਗਿਆ ਦੇ ਦਿੱਤੀ ਹੈ।
ਦੂਜੇ ਸੂਬਿਆਂ ਵਿਚ ਵੀ ਇਸੇ ਤਰ੍ਹਾਂ ਢਿੱਲ ਦਿੱਤੀ ਗਈ ਹੈ। ਹਾਲਾਂਕਿ ਸਿੰਧ ਪ੍ਰਾਂਤ ਨੇ ਆਦੇਸ਼ ਦਿੱਤਾ ਹੈ ਕਿ ਵਪਾਰੀ ਹਫਤੇ ਵਿੱਚ ਸਿਰਫ ਚਾਰ ਦਿਨ ਦੁਕਾਨਾਂ ਖੋਲ੍ਹ ਸਕਦੇ ਹਨ, ਬਾਕੀ ਬਾਜ਼ਾਰ ਬੰਦ ਰਹਿਣਗੇ.
ਪਾਕਿਸਤਾਨ ਦੇ ਸਿਹਤ ਵਿਭਾਗ ਅਨੁਸਾਰ ਕੋਇਟਾ ਪ੍ਰੈਸ ਕਲੱਬ ਦੇ 50 ਪੱਤਰਕਾਰਾਂ ਦਾ ਕੋਰੋਨਾ ਟੈਸਟ ਕੀਤਾ ਗਿਆ ਸੀ, ਜਿਨ੍ਹਾਂ ਵਿਚੋਂ 24 ਪੱਤਰਕਾਰ ਕੋਰੋਨਾ ਵਾਇਰਸ ਦੇ ਪੌਜ਼ਿਟਿਵ ਪਾਏ ਗਏ ਹਨ।
ਦੂਜੇ ਪਾਸੇ ਅਮਰੀਕਾ ਵਿਚ ਫਸੇ ਲਗਭਗ 1500 ਪਾਕਿਸਤਾਨੀਆਂ ਵਿਚੋਂ 200 ਲੋਕਾਂ ਦੇ ਸਮੂਹ ਨੂੰ ਵਾਸ਼ਿੰਗਟਨ ਤੋਂ ਪਾਕਿਸਤਾਨ ਭੇਜਿਆ ਗਿਆ ਹੈ।
ਐਤਵਾਰ ਨੂੰ, ਇੱਕ ਚਾਰਟਰਡ ਫਲਾਈਟ ਇਨ੍ਹਾਂ ਲੋਕਾਂ ਨਾਲ ਸੰਯੁਕਤ ਰਾਜ ਤੋਂ ਰਵਾਨਾ ਹੋ ਗਈ ਹੈ। ਸੋਮਵਾਰ ਨੂੰ ਵੀ 150 ਪਾਕਿਸਤਾਨੀ ਵਿਦਿਆਰਥੀਆਂ ਵਾਲਾ ਇੱਕ ਜਹਾਜ਼ ਅਮਰੀਕਾ ਤੋਂ ਪਾਕਿਸਤਾਨ ਲਈ ਉਡਾਣ ਭਰੇਗਾ।
ਤਸਵੀਰ ਸਰੋਤ, Getty Images
11 ਮਈ 2020ਕੈਪਟਨ ਨੂੰ ਮੋਦੀ ਸਰਕਾਰ ਨਾਲ ਕੀ ਹੈ ਨਰਾਜ਼ਗੀ
ਕੈਪਟਨ ਅਮਰਿੰਦਰ ਸਿੰਘ ਨੇ ਕਿਹਾ ਕਿ ਕੇਂਦਰ ਸਰਕਾਰ ਨੂੰ ਕਹਿਣਾ ਚਾਹੀਦਾ ਹੈ ਕਿ ਤੁਸੀਂ ਮੁੱਖ ਮੰਤਰੀ ਹੋ ਤੇ ਆਪਣੇ ਸੂਬੇ ਨੂੰ ਸਮਝਦੇ ਹੋ। ਤੁਸੀਂ ਆਪਣੀ ਯੋਜਨਾ ਬਣਾਉ ਤੇ ਅਸੀਂ ਤੁਹਾਡੀ ਮਦਦ ਕਰਾਂਗੇ ਜਿੱਥੇ-ਜਿੱਥੇ ਤੁਹਾਨੂੰ ਲੋੜ ਹੈ।
"ਦਿੱਲੀ ਵਿਚ ਬੈਠਾ ਇੱਕ ਜੁਆਇੰਟ ਸੈਕਟਰੀ ਜੋ ਸ਼ਾਇਦ ਕਦੇ ਪੰਜਾਬ ਵੀ ਨਹੀਂ ਆਇਆ ਹੋਣਾ ਉਹ ਸਾਨੂੰ ਹੁਕਮ ਦੇ ਰਿਹਾ ਹੈ।...ਸਾਡੇ ਹੱਥਾਂ ਵਿਚ ਕੁਝ ਨਹੀਂ ਹੈ। ਅਸੀਂ ਉਹੀ ਕਰ ਰਹੇ ਹਾਂ ਜਿਵੇਂ ਕਿਹਾ ਜਾਂਦਾ ਹੈ।"
ਪੂਰੀ ਖ਼ਬਰ ਪੜ੍ਹਨ ਲਈ ਕਲਿੱਕ ਕਰੋ
11 ਮਈ 2020ਕੋਰੋਨਾਵਾਇਰਸ : ਭਾਰਤ ਵਿਚ ਸਭ ਤੋਂ ਵੱਡਾ ਉਛਾਲ
#CoronaWatch ਪਿਛਲੇ 24 ਘੰਟਿਆਂ ਦੌਰਾਨ 4213 ਨਵੇਂ ਕੇਸ ਵਧਣ ਨਾਲ ਭਾਰਤ ਵਿਚ ਕੁੱਲ 67152 ਮਾਮਲੇ ਹੋ ਗਏ ਹਨ। ਸੋਮਵਾਰ ਸਵੇਰੇ 8 ਵਜੇ ਤੱਕ ਕੌਮੀ ਤੇ ਸੂਬਾ ਵਾਰ ਅੰਕੜੇ ਕੁਝ ਇਸ ਤਰ੍ਹਾਂ ਹਨ।
ਤਸਵੀਰ ਸਰੋਤ, PIB
11 ਮਈ 2020ਅੰਮ੍ਰਿਤਸਰ ਦੀ ਹੌਲਸੇਲ ਕੱਪੜਾ ਮਾਰਕੀਟ ਵੀ ਖੋਲੀ ਗਈ
ਅੰਮ੍ਰਿਤਸਰ ਵਿਖੇ ਟਾਹਲੀ ਸਾਹਿਬ ਕੱਪੜੇ ਦੀ ਹੌਲਸੇਲ ਮਾਰਕੀਟ ਨੂੰ ਸਵੇਰੇ 6 ਵਜੇ ਤੋਂ 10 ਵਜੇ ਤੱਕ ਖੋਲ੍ਹ ਦਿੱਤਾ ਗਿਆ। ਡਿਊਟੀ ਦੇ ਰਹੇ ਸਬ ਇੰਸਪੈਕਟਰ ਬਲਦੇਵ ਸਿੰਘ ਨੇ ਦੱਸਿਆ ਕਿ ਇੱਥੇ ਸੋਸ਼ਲ ਡਿਸਟੈਂਸਿੰਗ ਦੇ ਨਿਯਮ ਦੀ ਪਾਲਣਾਂ ਕੀਤੀ ਜਾ ਰਹੀ ਹੈ।
Skip X post
X ਸਮੱਗਰੀ ਦੀ ਇਜਾਜ਼ਤ?
ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
ਚਿਤਾਵਨੀ: ਬੀਬੀਸੀ ਦੂਜੀਆਂ ਵੈਬਸਾਈਟਸ ਦੀ ਸਮੱਗਰੀ ਲਈ ਜ਼ਿੰਮੇਵਾਰ ਨਹੀਂ ਹੈ।
End of X post
11 ਮਈ 2020ਕੌਮਾਂਤਰੀ ਅਪਡੇਟ : ਯੂਰਪੀਅਨ ਮੁਲਕ ਹਟਾਉਣ ਲੱਗੇ ਪਾਬੰਦੀਆਂ
- ਯੂਪਰੀਅਨ ਮੁਲਕਾਂ ਵਿਚ ਕੋਰੋਨਾ ਲਾਗ ਦੇ ਮਾਮਲੇ 15 ਲੱਖ ਨੂੰ ਪਾਰ ਕਰ ਚੁੱਕੇ ਹਨ ਪਰ ਇੱਥੇ ਸਰਕਾਰਾਂ ਹੌਲੀ ਹੌਲੀ ਲੌਕ ਡਾਊਨ ਖਤਮ ਕਰ ਰਹੀਆਂ ਹਨ।
- ਕੁਝ ਯੂਰਪੀਅਨ ਮੁਲਕਾਂ ਵਿਚ ਲੌਕਡਾਊਨ ਪਾਬੰਦੀਆਂ ਹੌਲ਼ੀ ਹੌਲ਼ੀ ਹਟਣ ਨਾਲ ਲੋਕ ਅਜ਼ਾਦੀ ਨਾਲ ਘੁੰਮਣ ਲੱਗੇ ਹਨ।
- ਫਰਾਂਸ ਵਿਚ ਕਈ ਹਫ਼ਤਿਆਂ ਤੋਂ ਬਾਅਦ ਲੋਕੀਂ ਪਹਿਲੀ ਵਾਰ ਬਿਨਾਂ ਪਰਮਿਟ ਤੋਂ ਘਰੋਂ ਬਾਹਰ ਜਾ ਸਕਣਗੇ।
- ਸਪੇਨ ਵਾਲੇ ਮੈਡਰਿਡ ਤੇ ਬਾਰਸੀਲੋਨਾ ਦੇ ਬਾਰ-ਰੈਂਸਟੋਰੈਂਟਾਂ ਦੇ ਬਾਹਰ ਖੁੱਲ਼ੀ ਥਾਂ ਵਿਚ ਮਿਲ ਸਕਣਗੇ।
- ਯੂਕੇ ਦੇ ਪ੍ਰਧਾਨ ਮੰਤਰੀ ਨੇ ਇਸੇ ਹਫ਼ਤੇ ਤੋਂ ਕੁਝ ਸ਼ਰਤਾਂ ਲਾ ਕੇ ਲੋਕਾਂ ਨੂੰ ਪਾਬੰਦੀਆਂ ਤੋਂ ਕੁਝ ਛੋਟਾਂ ਦਾ ਐਲਾਨ ਕੀਤਾ ਹੈ।
- ਲੋਕ ਘਰਾਂ ਤੋਂ ਬਾਹਰ ਪਾਰਕਾਂ ਵਿਚ ਬੈਠ-ਉੱਠ ਸਕਣਗੇ ਪਰ ਵਿਦੇਸ਼ ਤੋਂ ਆਉਣ ਵਾਲਿਆਂ ਨੂੰ 14 ਕੁਆਰੰਟਾਇਨ ਹੋਣਾ ਪਵੇਗਾ।
- ਵੂਹਾਨ ਵਿਚ ਪੰਜ ਨਵੇਂ ਕੇਸ ਆਉਣੇ ਅਤੇ ਉੱਤਰ ਵਿਚ ਪੌਜ਼ਿਟਿਵ ਕੇਸਾਂ ਦਾ ਸਾਹਮਣੇ ਆਉਣਾ ਚਿੰਤਾ ਦਾ ਮੁੱਦਾ ਹੈ
- ਨਿਊਜ਼ੀਲੈਂਡ ਵਿਚ ਵੀ ਪਾਬੰਦੀਆਂ ਵਿਚ ਛੋਟ ਦਿੱਤੀ ਜਾ ਰਹੀ ਹੈ।
ਤਸਵੀਰ ਸਰੋਤ, AFP
ਤਸਵੀਰ ਕੈਪਸ਼ਨ, ਕੋਰੋਨਾਵਾਇਰਸ
11 ਮਈ 2020ਕੋਰੋਨਾ ਕੇਸਾਂ ਦਾ ਅੰਕੜਾ 40 ਲੱਖ ਤੱਕ ਕਿਵੇਂ ਟੱਪ ਗਿਆ
ਥੱਲੇ ਦਿੱਤੇ ਗਏ ਚਾਰਟ ਵਿਚ ਦਿਖ ਰਿਹਾ ਹੈ ਕਿ ਮਾਰਚ ਮਹੀਨੇ ਦੇ ਅੱਧ ਤੋਂ ਗਲੋਬਲ ਪੱਧਰ ਉੱਤੇ ਪੌਜ਼ਿਟਿਵ ਕੇਸਾਂ ਵਿਚ ਬਹੁਤ ਤੇਜ਼ੀ ਨਾਲ ਵਾਧਾ ਹੋਇਆ ਹੈ।
ਇਸ ਦਾ ਇੱਕ ਕਾਰਨ ਵਾਇਰਸ ਦਾ ਫੈਲਣਾ ਹੈ, ਦੂਜਾ ਕੋਵਿਡ-19 ਦੀ ਟੈਸਟਿੰਗ ਜ਼ਿਆਦਾ ਹੋਣਾ।
ਦੂਜੇ ਪਾਸੇ ਜਿੰਨੀ ਤੇਜ਼ੀ ਨਾਲ ਪੌਜ਼ਿਟਿਵ ਮਾਮਲੇ ਵਧੇ ਹਨ ਓਨੀ ਤੇਜ਼ੀ ਨਾਲ ਮੌਤਾਂ ਦੀ ਗਿਣਤੀ ਨਹੀਂ ਵਧੀ ਹੈ।
ਤਸਵੀਰ ਕੈਪਸ਼ਨ, ਜਿੰਨੀ ਤੇਜ਼ੀ ਨਾਲ ਪੌਜ਼ਿਟਿਵ ਕੇਸ ਵਧੇ ਹਨ ਓਨੀ ਤੇਜ਼ੀ ਨਾਲ ਮੌਤਾਂ ਦੀ ਦਰ ਨਹੀਂ ਵਧੀ
11 ਮਈ 2020ਕੋਰੋਨਾਵਾਇਰਸ ਨਾਲ ਲੜਾਈ ਵਿੱਚ ਕੋਈ ਇੱਕ ਮਾਡਲ ਪੂਰੇ ਭਾਰਤ 'ਚ ਸਫ਼ਲ ਕਿਉਂ ਨਹੀਂ ਹੋ ਰਿਹਾ
ਵਿਕਾਸ ਪਾਂਡੇ, ਬੀਬੀਸੀ ਪੱਤਰਕਾਰ
ਭਾਰਤ ਕੋਰੋਨਾਵਾਇਰਸ ਨਾਲ ਲੜ ਰਿਹਾ ਹੈ ਪਰ ਦੇਸ਼ ਵਿੱਚ ਕੁਝ 'ਸਫ਼ਲ ਮਾਡਲਾਂ' ਦਾ ਜਸ਼ਨ ਮਨਾਇਆ ਗਿਆ ਹੈ। ਇਨ੍ਹਾਂ ਮਾਡਲਾਂ ਨੂੰ ਪੂਰੇ ਦੇਸ਼ ਵਿੱਚ ਲਾਗੂ ਕਰਨ ਦੀਆਂ ਗੱਲਾਂ ਕੀਤੀਆਂ ਗਈਆਂ ਹਨ।
ਜਦਕਿ ਮਾਹਰਾਂ ਦਾ ਕਹਿਣਾ ਹੈ ਕਿ ਇਸ ਤਰ੍ਹਾਂ ਨਾਲ ਕਾਹਲਬਾਜ਼ੀ ਵਿੱਚ ਖ਼ੁਸ਼ੀ ਮਨਾਉਣ ਨਾਲ ਅੱਗੇ ਚੱਲ ਕੇ ਹਾਲਾਤ ਖ਼ਰਾਬ ਹੋ ਸਕਦੇ ਹਨ।
ਪਰ ਕੋਈ ਮਾਡਲ ਸਫ਼ਲ ਕਿਉਂ ਨਹੀਂ ਹੁੰਦੇ , ਪੂਰੀ ਰਿਪੋਰਟ ਪੜ੍ਹਨ ਲਈ ਕਲਿੱਕ ਕਰੋ
ਵੀਡੀਓ ਕੈਪਸ਼ਨ, ਕੋਰੋਨਾਵਾਇਰਸ ਨਾਲ ਕਿਵੇਂ ਲੜਦਾ ਹੈ ਸਾਡਾ ਸਰੀਰ?
11 ਮਈ 2020ਦਿੱਲੀ ਤੋਂ 336 ਪੰਜਾਬੀਆਂ ਨੂੰ ਲਿਆਉਣ ਲਈ 13 ਬੱਸਾਂ ਰਵਾਨਾ
ਪੰਜਾਬ ਸਰਕਾਰ ਨੇ ਦਿੱਲੀ ਦੇ ਗੁਰਦੁਆਰਾ ਮੰਜਨੂੰ ਕਾ ਟਿੱਲਾ ਵਿਚ ਫਸੇ 336 ਪੰਜਾਬੀਆਂ ਨੂੰ ਲਿਆਉਣ ਲਈ 13 ਰੋਡਵੇਜ਼ ਦੀਆਂ ਬੱਸਾਂ ਭੇਜੀਆਂ ਹਨ।
ਪੰਜਾਬ ਸਰਕਾਰ ਮੁਤਾਬਕ ਪੰਜਾਬ ਲਿਆਕੇ ਇਨ੍ਹਾਂ ਸਾਰਿਆਂ ਨੂੰ ਹੈਲਥ ਪ੍ਰੋਟੋਕਾਲ ਮੁਤਾਬਕ ਏਕਾਂਤਵਾਸ ਵਿਚ ਰੱਖਿਆ ਜਾਵੇਗਾ।
Skip X post
X ਸਮੱਗਰੀ ਦੀ ਇਜਾਜ਼ਤ?
ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
ਚਿਤਾਵਨੀ: ਬੀਬੀਸੀ ਦੂਜੀਆਂ ਵੈਬਸਾਈਟਸ ਦੀ ਸਮੱਗਰੀ ਲਈ ਜ਼ਿੰਮੇਵਾਰ ਨਹੀਂ ਹੈ।
End of X post
11 ਮਈ 2020ਉੱਤਰੀ ਕੋਰੀਆ ਨਾਲ ਲੱਗਦਾ ਚੀਨੀ ਸ਼ਹਿਰ ਸੀਲ
ਚੀਨ ਦੇ ਸ਼ੂਲਾਨ ਸ਼ਹਿਰ ਵਿਚ 11 ਨਵੇਂ ਕੋਰੋਨਾ ਕੇਸ ਪੌਜ਼ਿਟਿਵ ਆਉਣ ਤੋਂ ਬਾਅਦ ਸ਼ਹਿਰ ਨੂੰ ਸੀਲ ਕਰ ਦਿੱਤਾ ਗਿਆ ਹੈ।
ਚੀਨ ਦੇ ਸਰਕਾਰੀ ਮੀਡੀਆ ਮੁਤਾਬਕ ਸਾਰੇ ਕੇਸ ਕੱਪੜੇ ਧੌਣ ਵਾਲੀਆਂ ਔਰਤਾਂ ਨਾਲ ਸਬੰਧਤ ਹਨ।
45 ਸਾਲਾ ਔਰਤ, ਜਿਸ ਨੇ ਆਪਣੇ ਪਤੀ, ਭੈਣ ਤੇ ਪਰਿਵਾਰ ਦੇ ਕੁਝ ਹੋਰ ਮੈਂਬਰਾਂ ਨੂੰ ਰੋਗੀ ਬਣਾ ਦਿੱਤਾ ਹੈ, ਦੀ ਕੋਈ ਟਰੈਵਲ ਹਿਸਟਰੀ ਨਹੀਂ ਹੈ।
ਸ਼ਹਿਰ ਦੀਆਂ ਜਨਤਕ ਥਾਵਾਂ ਬੰਦ ਕਰ ਦਿੱਤੀਆਂ ਗਈਆਂ ਹਨ, ਪਬਲਿਕ ਟਰਾਂਸਪੋਰਟ ਦਾ ਚੱਕਾ ਜਾਮ ਹੋ ਗਿਆ ਹੈ ਅਤੇ ਸ਼ਹਿਰ ਨੂੰ ਅੱਤ ਜੋਖ਼ਮ ਵਾਲੀ ਸ਼੍ਰੇਣੀ ਵਿਚ ਰੱਖਿਆ ਗਿਆ ਹੈ।
ਸ਼ੁਲਾਨ ਚੀਨ ਦੇ ਜਿਲਿਨ ਸੂਬੇ ਦਾ ਸ਼ਹਿਰ ਹੈ, ਇਹ ਉੱਤਰੀ ਕੋਰੀਆ ਦੀ ਸਰਹੱਦ ਉੱਤੇ ਪੈਦਾ ਹੈ। ਜਿਹੜਾ ਕਿ ਕੋਈ ਵੀ ਕੋਰੋਨਾ ਕੇਸ ਨਾ ਹੋਣ ਦਾ ਦਆਵਾ ਕਰਦਾ ਹੈ।
ਤਸਵੀਰ ਕੈਪਸ਼ਨ, ਸ਼ੁਲਾਨ ਸ਼ਹਿਰ ਜਿਲਿਨ ਸੂਬੇ ਵਿਚ ਪੈਂਦਾ ਹੈ, ਜਿੱਥੇ 11 ਨਵੇਂ ਕੇਸ ਆਏ ਹਨ।
11 ਮਈ 2020ਭਾਰਤ 'ਚ ਇੱਕ ਦਿਨ ਦਾ ਸਭ ਤੋਂ ਵੱਡਾ ਉਛਾਲ, 4200 ਤੋਂਂ ਵੱਧ ਮਾਮਲੇ
ਭਾਰਤ ਵਿਚ ਪਿਛਲੇ 24 ਘੰਟਿਆਂ ਦੌਰਾਨ ਸਭ ਤੋਂਂ ਵੱਡਾ ਉਛਾਲ ਆਇਆ ਹੈ। ਸਰਕਾਰੀ ਅੰਕੜਿਆਂ ਮੁਤਾਬਕ ਮੁਲਕ ਵਿਚ 4213 ਨਵੇਂ ਮਾਮਲੇ ਸਾਹਮਣੇ ਆਏ ਹਨ, ਜਿਸ ਨਾਲ ਕੁੱਲ ਮਾਮਲਿਆਂ ਦੀ ਗਿਣਤੀ 67000 ਤੋਂ ਟੱਪ ਗਈ ਹੈ।
ਮੌਤਾਂ ਦਾ ਅੰਕੜਾਂ ਵੀ 2200 ਨੂੰ ਪਾਰ ਕਰ ਗਈ ਹੈ।
Skip X post
X ਸਮੱਗਰੀ ਦੀ ਇਜਾਜ਼ਤ?
ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
ਚਿਤਾਵਨੀ: ਬੀਬੀਸੀ ਦੂਜੀਆਂ ਵੈਬਸਾਈਟਸ ਦੀ ਸਮੱਗਰੀ ਲਈ ਜ਼ਿੰਮੇਵਾਰ ਨਹੀਂ ਹੈ।
End of X post
11 ਮਈ 2020ਮਾਸਕ ਪਾਉਣ ਬਾਰੇ ਕੀ ਕਹਿੰਦੀ ਹੈ ਰਿਸਰਚ
ਕੋਰੋਨਾਵਾਇਰ ਦੀ ਲਾਗ ਨੂੰ ਰੋਕਣ ਲਈ ਕਈ ਤਰ੍ਹਾਂ ਦੇ ਦਾਅਵੇ ਪ੍ਰਤੀ ਦਾਅਵੇ ਕੀਤੇ ਜਾ ਰਹੇ ਹਨ।
ਪੰਜਾਬ ਤੇ ਭਾਰਤ ਦੇ ਬਹੁਤ ਸਾਰੇ ਸੂਬਿਆਂ ਸਣੇ ਦੁਨੀਆਂ ਭਰ ਵਿਚ ਮਾਸਕ ਪਾਉਣਾ ਲਾਜ਼ਮੀ ਕੀਤਾ ਗਿਆ ਹੈ।
ਪਰ ਵਿਸ਼ਵ ਸਿਹਤ ਸੰਗਠਨ ਦੋ ਹਾਲਾਤ ਵਿਚ ਮਾਸਕ ਪਾਊਣ ਨੂੰ ਲਾਜ਼ਮੀ ਮੰਨਦਾ ਹੈ, ਪਹਿਲਾ ਜੇਕਰ ਕੋਈ ਵਿਅਕਤੀ ਕੋਰੋਨਾ ਦੇ ਲੱਛਣਾ ਵਾਲਾ ਹੋਵੇ, ਦੂਜਾ ਜਨਤਕ ਥਾਵਾਂ ਉੱਤੇ ਭੀੜ ਵਿਚ ਜਾਣ ਸਮੇਂ।
ਮਾਸਕ ਬਾਰੇ ਕੀ ਕਹਿੰਦੀ ਹੈ ਰਿਸਰਚ ਤੇ ਕਿੰਨੀ ਦੂਰੀ ਤੱਕ ਫੈਲਦਾ ਹੈ ਕੋਰੋਨਾ ਦੇਖੋ ਇਹ ਵੀਡੀਓ
ਵੀਡੀਓ ਕੈਪਸ਼ਨ, ਕੋਰੋਨਾਵਾਇਰਸ: ਮਾਸਕ ਪਾਉਣ ਨੂੰ ਲੈ ਕੇ ਆਈ ਨਵੀਂ ਰਿਸਰਚ ਕੀ ਕਹਿੰਦੀ ਹੈ?
11 ਮਈ 2020ਸੈਕਸ ਵਰਕਰ ਕਰ ਰਹੀਆਂ ਕੋਰੋਨਾ ਦੀ ਟਰੇਸਿੰਗ
ਜ਼ਾਂਬੀਆ ਦੇ ਸਿਹਤ ਮੰਤਰੀ ਨੇ ਕੋਰੋਨਾ ਵਾਇਰਸ ਖ਼ਿਲਾਫ਼ ਜੰਗ ਵਿਚ ਵਾਇਰਸ ਦੀ ਟਰੇਸਿੰਗ ਵਿਚ ਮਦਦ ਲਈ ਜ਼ਾਂਬੀਆ ਦੇ ਸੈਕਸ ਵਰਕਰਾਂ ਦੀ ਪ੍ਰਸ਼ੰਸਾ ਕੀਤੀ ਹੈ।
ਸਿਹਤ ਮੰਤਰੀ ਨੇ ਸਰਹੱਦੀ ਕਸਬੇ ਨਕੋਂਡੇ ਵਿਚ ਵਾਇਰਸ ਟਰੇਸਿੰਗ ਦੇ ਕੰਮ ਵਿਚ ਸਹਾਇਤਾ ਲਈ ਇਨ੍ਹਾਂ ਸੈਕਸ ਵਰਕਰਾਂ ਦੀ ਪ੍ਰਸ਼ੰਸਾ ਕੀਤੀ ਹੈ।
ਪਿਛਲੇ ਦਿਨਾਂ ਵਿਚ ਉੱਤਰੀ ਕਸਬੇ ਵਿਚ ਲਾਗ ਦੇ ਕਈ ਦਰਜਨ ਨਵੇਂ ਮਾਮਲੇ ਸਾਹਮਣੇ ਆਏ ਹਨ। ਜ਼ਿਆਦਾਤਰ ਮਾਮਲੇ ਸੈਕਸ ਵਰਕਰਾਂ ਅਤੇ ਟਰੱਕ ਡਰਾਇਵਰਾਂ ਨਾਲ ਸਬੰਧਤ ਸਨ।
ਦੇਸ਼ ਦੇ ਸਿਹਤ ਮੰਤਰੀ ਨੇ ਸੈਕਸ ਵਰਕਰਾਂ ਦੇ ਸਮੂਹ ਦੀ ਪ੍ਰਸ਼ੰਸਾ ਕਰਦਿਆਂ ਕਿਹਾ ਕਿ ਇਹ ਕਮਿਊਨਿਟੀ ਵਾਇਰਸ ਦੀ ਟੇਰਸਿੰਗ ਵਿਚ ਅਧਿਕਾਰੀਆਂ ਦੀ ਮਦਦ ਕਰ ਰਹੀ ਹੈ।
ਜ਼ਾਂਬੀਆ ਦੇ ਸਿਹਤ ਮੰਤਰੀ ਨੇ ਕਿਹਾ ਕਿ ਉੱਤਰੀ ਪ੍ਰਾਂਤ ਵਿੱਚ ਮਿਲੇ 85 ਮਾਮਲਿਆਂ ਵਿੱਚੋਂ 76 ਜਾਂ ਤਾਂ ਸੈਕਸ ਵਰਕਰ ਜਾਂ ਟਰੱਕ ਡਰਾਈਵਰਾਂ ਦੇ ਹਨ।
ਸਿਹਤ ਮੰਤਰੀ ਸ਼ੀਤਲੂ ਸ਼ਿਲੂਫਿਆ ਨੇ ਕਿਹਾ ਕਿ ਸੈਕਸ ਵਰਕਰ ਕਾਫ਼ੀ ਸਹਿਯੋਗ ਦੇ ਰਹੇ ਹਨ। ਉਹ ਸਾਨੂੰ ਉਹ ਸਾਰੀ ਜਾਣਕਾਰੀ ਦੇ ਰਹੀਆਂ ਹੈ, ਜਿਸਦੀ ਸਾਨੂੰ ਲੋੜ ਹੈ।
ਜ਼ਾਂਬੀਆ ਵਿੱਚ ਲਾਗ ਦੇ ਕੁੱਲ 27 ਮਾਮਲੇ ਹਨ। ਜਦਕਿ ਹੁਣ ਤੱਕ 7 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ।
ਤਸਵੀਰ ਸਰੋਤ, AFP
11 ਮਈ 2020ਦੱਖਣੀ ਕੋਰੀਆ ਤੇ ਚੀਨ ਵਿਚ ਕੋਰੋਨਾ ਦੇ ਮੁੜ ਵਧਣ ਦੀ ਚੇਤਾਵਨੀ ਜਾਰੀ
ਦੱਖਣੀ ਕੋਰੀਆ ਨੇ ਕੋਰੋਨਾ ਦੇ ਨਵੇਂ ਮਾਮਲਿਆਂ ਵਿਚ ਤੇਜ਼ੀ ਨਾਲ ਹੋ ਰਹੇ ਵਾਧੇ ਦੇ ਮੱਦੇਨਜ਼ਰ ਵਾਇਰਸ ਦੀ ਦੂਜੀ ਲਹਿਰ ਦੇ ਬਾਰੇ ਵਿਚ ਚੇਤਾਵਨੀ ਜਾਰੀ ਕੀਤੀ ਹੈ। ਇਹ ਚੇਤਾਵਨੀ ਅਜਿਹੇ ਸਮੇਂ ਜਾਰੀ ਕੀਤੀ ਗਈ ਹੈ ਜਦੋਂ ਦੇਸ਼ ਵਿੱਚ ਲੌਕਡਾਊਨ ਵਿੱਚ ਰਿਆਇਤਾਂ ਦਿੱਤੀਆਂ ਜਾ ਰਹੀਆਂ ਸਨ।
ਚੀਨੀ ਅਧਿਕਾਰੀਆਂ ਨੇ ਵੀ ਉੱਤਰ ਪੂਰਬੀ ਚੀਨ ਵਿਚ ਕੋਰੋਨਾ ਵਾਇਰਸ ਦੀ ਦੂਜੀ ਲਹਿਰ ਦੇ ਬਾਰੇ ਵਿਚ ਚੇਤਾਵਨੀ ਜਾਰੀ ਕੀਤੀ ਹੈ। ਇੱਥੇ ਜਿਲੀਨ ਪ੍ਰਾਂਤ ਦਾ ਇੱਕ ਸ਼ਹਿਰ ਖ਼ਤਰਨਾਕ ਹਾਲਾਤ ਦੀ ਸ਼੍ਰੇਣੀ ਵਿੱਚ ਰੱਖਿਆ ਗਿਆ ਹੈ।
ਟੋਕਿਓ ਵਿੱਚ ਕੋਰੋਨਾ ਦੀ ਲਾਗ ਵਾਲੇ ਮਰੀਜ਼ਾਂ ਦੇ ਹਸਪਤਾਲਾਂ ਵਿੱਚ 90% ਬੈੱਡ ਭਰੇ ਗਏ ਹਨ। ਜਪਾਨ ਦੇ ਸਿਹਤ ਮੰਤਰੀ ਨੇ ਐਤਵਾਰ ਨੂੰ ਇਸ ਦੀ ਜਾਣਕਾਰੀ ਦਿੱਤੀ।
ਆਸਟ੍ਰੇਲੀਆਦੇ ਸਾਊਥ ਵੇਲਜ਼ ਪ੍ਰਸ਼ਾਸਨ ਨੇ ਸ਼ੁੱਕਰਵਾਰ ਨੂੰ ਰੈਸਟੋਰੈਂਟਾਂ, ਖੇਡਾਂ ਦੇ ਮੈਦਾਨਾਂ ਅਤੇ ਬਾਹਰੀ ਪੂਲ ਖੋਲ੍ਹਣ ਦੀ ਆਗਿਆ ਦੇ ਦਿੱਤੀ ਹੈ। ਵਿਆਪਕ ਜਾਂਚ ਤੋਂ ਬਾਅਦ ਕੋਰੋਨਾ ਦੀ ਲਾਗ ਦੇ ਮਾਮਲਿਆਂ ਵਿੱਚ ਕਮੀ ਆਈ ਹੈ।
ਤਸਵੀਰ ਸਰੋਤ, EPA
ਤਸਵੀਰ ਕੈਪਸ਼ਨ, ਆਸਟ੍ਰੇਲੀਆ ਵਿਚ ਮਾਮਲੇ ਘਟਣ ਤੋਂ ਬਾਅਦ ਸਕੂਲ ਮੁੜ ਖੁੱਲੇ ਹਨ
11 ਮਈ 2020ਕੋਰੋਨਾਵਾਇਰਸ: ਕੀ AC ਚਲਾਉਣਾ ਖ਼ਤਰਨਾਕ ਹੈ
ਪਿਛਲੇ ਦੋ-ਤਿੰਨ ਦਿਨਾਂ ਤੋਂ, ਗਰਮੀ ਅਚਾਨਕ ਵਧੀ ਹੈ ਅਤੇ ਏਸੀ ਯਾਨੀ ਏਅਰ ਕੰਡੀਸ਼ਨਰ ਦੀ ਜ਼ਰੂਰਤ ਮਹਿਸੂਸ ਹੋਣੀ ਸ਼ੁਰੂ ਹੋ ਗਈ ਹੈ।
ਪਰ ਸੋਸ਼ਲ ਮੀਡੀਆ ਅਤੇ ਵਟਸਐਪ 'ਤੇ ਬਹੁਤ ਸਾਰੇ ਮੈਸੇਜ ਇਸ ਦਾਅਵੇ ਨਾਲ ਸਾਂਝੇ ਕੀਤੇ ਜਾ ਰਹੇ ਹਨ ਕਿ ਏਸੀ ਤੋਂ ਕੋਰੋਨਾਵਾਇਰਸ ਦੀ ਲਾਗ ਫੈਲਣ ਦਾ ਜੋਖ਼ਮ ਵੱਧ ਜਾਂਦਾ ਹੈ।
ਇਨ੍ਹਾਂ ਮੈਸੇਜਾਂ ਨਾਲ ਲੋਕਾਂ ਦੇ ਮਨਾਂ ਵਿੱਚ ਏਸੀ ਬਾਰੇ ਅਸ਼ੰਕਾ ਪੈਦਾ ਹੋ ਗਈ ਹੈ। ਪਰ ਕੀ ਸੱਚਮੁੱਚ ਅਜਿਹਾ ਹੈ
ਪੂਰੀ ਖ਼ਬਰ ਪੜ੍ਹਨ ਲਈ ਕਲਿੱਕ ਕਰੋ
11 ਮਈ 2020ਲੌਕਡਾਊਨ ਬਾਰੇ ਯੂਕੇ ਦੀ ਰਣਨੀਤੀ ਦੇ ਅਹਿਮ ਨੁਕਤੇ
ਇੰਗਲੈਂਡ ਦੇ ਪ੍ਰਧਾਨ ਮੰਤਰੀ ਬੌਰਿਸ ਜੌਨਸਨ ਲੌਕਡਾਊਨ ਬਾਰੇ ਆਪਣੀ ਭਵਿੱਖ ਦੀ ਰਣਨੀਤੀ ਦਾ ਐਲਾਨ ਕਰ ਦਿੱਤਾ ਹੈ। ਪ੍ਰਧਾਨ ਮੰਤਰੀ ਦੇ ਭਾਸ਼ਣ ਦੇ ਅਹਿਮ ਨੁਕਤੇ
- ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਇੰਗਲੈਂਡ ਵਿਚ ਇਕ ਨਵਾਂ ਕੋਵਿਡ ਚੇਤਾਵਨੀ ਸਿਸਟਮ ਵਾਇਰਸ ਨੂੰ ਟਰੈਕ ਕਰੇਗਾ।
- ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ “ਇਸ ਹਫ਼ਤੇ ਲੌਕਡਾਊਨ ਖਤਮ ਕਰਨ ਦਾ ਸਮਾਂ ਨਹੀਂ ਹੈ”।
- ਜੇ ਕੋਈ ਘਰ ਤੋਂ ਕੰਮ ਨਹੀਂ ਕਰ ਸਕਦਾ, ਤਾਂ ਉਨ੍ਹਾਂ ਨੂੰ ਹੁਣ "ਦਫ਼ਤਰ ਜਾਣ ਦੀ ਖੁੱਲ੍ਹ ਹੋਵੇਗੀ" ਪਰ ਉਹ ਜਨਤਕ ਆਵਾਜਾਈ ਟਰਾਂਸਪੋਰਟ ਦੀ ਵਰਤੋਂ ਨਹੀਂ ਕਰਨਗੇ।
- ਬੁੱਧਵਾਰ ਤੋਂ ਇੰਗਲੈਂਡ ਵਿਚ ਲੋਕ ਕਸਰਤ ਕਰਨ ਲਈ ਜਾ ਸਕਦੇ ਹਨ ਅਤੇ ਆਪਣੇ ਸਥਾਨਕ ਪਾਰਕ ਵਿਚ ਵੀ ਬੈਠ ਸਕਦੇ ਹਨ। ਪਰ ਇਸ ਸਮੇਂ ਦੌਰਾਨ, ਉਨ੍ਹਾਂ ਨੂੰ ਸਮਾਜਿਕ ਦੂਰੀਆਂ ਦਾ ਖਿਆਲ ਰੱਖਣਾ ਪਏਗਾ।
- ਸਕੂਲ 1 ਜੂਨ ਤੋਂ ਖੁੱਲ੍ਹੇਣਗੇ । ਪ੍ਰਾਇਮਰੀ ਸਕੂਲ ਪਹਿਲਾਂ ਖੁੱਲ੍ਹਣਗੇ।
- ਹਵਾਈ ਜਹਾਜ਼ ਰਾਹੀਂ ਦੇਸ਼ ਆਉਣ ਵਾਲੇ ਲੋਕਾਂ ਨੂੰ ਪਹਿਲੇ 14 ਦਿਨਾਂ ਲਈ ਕੁਆਰੰਟੀਨ ਵਿੱਚ ਰੱਖਿਆ ਜਾਵੇਗਾ। ਹਾਲਾਂਕਿ ਬੋਰਿਸ ਜਾਨਸਨ ਅਤੇ ਫਰਾਂਸ ਦੇ ਰਾਸ਼ਟਰਪਤੀ ਇਮੈਨੁਅਲ ਮੈਕਰੋਨ ਨੇ ਇਕ ਸਾਂਝਾ ਬਿਆਨ ਜਾਰੀ ਕਰਦਿਆਂ ਕਿਹਾ ਹੈ ਕਿ ਬ੍ਰਿਟੇਨ ਅਤੇ ਫਰਾਂਸ ਦਰਮਿਆਨ ਕੁਆਰੰਟੀਨ ਨਿਯਮ ਲਾਗੂ ਨਹੀਂ ਹੋਣਗੇ।
- "ਘਰ ਰਹੋ, ਐਨਐਚਐਸ ਦੀ ਰੱਖਿਆ ਕਰੋ, ਜਾਨਾਂ ਬਚਾਓ" ਇਸ ਨਾਅਰੇ ਦੀ ਥਾਂ ਹੁਣ ਨਵਾਂ ਨਾਅਰਾ ਦਿੱਤਾ ਗਿਆ ਹੈ। ਇਹ ਨਵਾਂ ਸਲੋਗਨ ਹੈ, "ਸੁਚੇਤ ਰਹੋ, ਵਾਇਰਸ 'ਤੇ ਕਾਬੂ ਪਾਓ, ਜਾਨਾਂ ਬਚਾਓ" ਪਰ ਸਕਾਟਲੈਂਡ, ਵੇਲਜ਼ ਅਤੇ ਉੱਤਰੀ ਨੀਦਰਲੈਂਡਜ਼ ਪੁਰਾਣੇ ਨਾਅਰੇ ਨੂੰ ਮੰਨਣਗੇ।
- ਆਪਣੇ ਸੰਬੋਧਨ ਵਿੱਚ ਪ੍ਰਧਾਨ ਮੰਤਰੀ ਨੇ ਐੱਨਐੱਚਐੱਸ ਸਿਹਤ ਕਰਮਚਾਰੀਆਂ ਦੀ ਬਹਾਦਰੀ ਅਤੇ ਸਖਤ ਮਿਹਨਤ ਦੀ ਵੀ ਪ੍ਰਸ਼ੰਸਾ ਕੀਤੀ। ਇਸ ਤੋਂ ਇਲਾਵਾ ਉਨ੍ਹਾਂ ਪੁਲਿਸ, ਬੱਸ ਡਰਾਈਵਰਾਂ, ਕੂੜਾ ਚੁੱਕਣ ਵਾਲੇ ਲੋਕਾਂ ਵਰਗੇ ਮਹੱਤਵਪੂਰਨ ਕੰਮਾਂ ਵਿਚ ਲੱਗੇ ਲੋਕਾਂ ਦੀ ਵੀ ਪ੍ਰਸ਼ੰਸਾ ਕੀਤੀ।
- ਉਨ੍ਹਾਂ ਵਿਗਿਆਨੀਆਂ ਦੇ ਯਤਨਾਂ ਦੀ ਵੀ ਪ੍ਰਸ਼ੰਸਾ ਕੀਤੀ ਜੋ ਨਿਰੰਤਰ ਖੋਜ ਕਰਕੇ ਟੀਕਾ ਵਿਕਸਤ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਸਨ।
- ਉਨ੍ਹਾਂ ਕਿਹਾ ਕਿ ਇਹ ਸੱਚਾਈ ਦੀ ਗੱਲ ਹੈ ਕਿ ਇਨ੍ਹਾਂ ਪਾਬੰਦੀਆਂ ਅਤੇ ਉਪਾਵਾਂ ਨੂੰ ਅਪਣਾਉਂਦਿਆਂ ਅਸੀਂ ਇਸ ਦੇਸ਼ ਨੂੰ ਇੱਕ ਵੱਡੀ ਤਬਾਹੀ ਤੋਂ ਬਚਾਇਆ ਹੈ।
ਬੋਰਿਸ ਜੌਨਸਨ ਨੇ ਆਪਣੇ ਸੰਬੋਧਨ ਵਿਚ ਕਿਹਾ ਕਿ ਇਹ ਤਜਰਬਾ ਬ੍ਰਿਟੇਨ ਨੂੰ ਬਦਲ ਦੇਵੇਗਾ। ਉਨਾਂ ਨੇ ਕਿਹਾ, "ਇਸ ਤੋਂ ਬਾਅਦ, ਅਸੀਂ ਮਜ਼ਬੂਤ ਅਤੇ ਬਿਹਤਰ ਹੋਵਾਂਗੇ।"
ਤਸਵੀਰ ਸਰੋਤ, Getty Images
11 ਮਈ 2020ਲੌਕਡਾਊਨ ਹਟਾਉਣ ਲਈ ਮੁਜ਼ਾਹਰੇ, ਜਿੱਥੇ ਹਟਿਆ ਉੱਥੇ ਕੋਰੋਨਾ ਨੇ ਮੁੜ ਸਿਰ ਚੁੱਕਿਆ
ਦੱਖਣੀ ਕੋਰੀਆ ਵਿਚ ਲੌਕਡਾਊਨ ਦੀਆਂ ਪਾਬੰਦੀਆਂ ਵਿਚ ਢਿੱਲ ਦੇਣ ਤੋਂ ਬਾਅਦ ਕੋਰੋਨਾ ਦੇ ਮੁੜ ਵਧਣ ਦੀਆਂ ਖ਼ਬਰਾਂ ਆਈਆਂ ਸਨ।
ਇਹੀ ਰੁਝਾਨ ਹੁਣ ਜਰਮਨੀ ਵਿਚ ਵੀ ਦੇਖਣ ਨੂੰ ਮਿਲਿਆ ਹੈ। ਇੱਥੇ ਇੱਕ ਦਿਨ ਦੀਆਂ ਪਾਬੰਦੀਆਂ ਤੋਂ ਬਾਅਦ ਦੀ ਇੱਕ ਫ਼ੀਸਦ ਦਰ ਦਾ ਵਾਧਾ ਦਰਜ ਹੋ ਗਿਆ ਹੈ।
ਇੱਕ ਪਾਸੇ ਜਰਮਨੀ, ਆਸਟ੍ਰੇਲੀਆ, ਬ੍ਰਾਜ਼ੀਲ ਅਤੇ ਅਮਰੀਕਾ ਵਰਗੇ ਮੁਲਕਾਂ ਸਣੇ ਹੋਰ ਕਈ ਥਾਵਾਂ ਉੱਤੇ ਲੌਕਡਾਊਨ ਖ਼ਿਲਾਫ਼ ਮੁਜ਼ਾਹਰੇ ਸ਼ੁਰੂ ਹੋ ਗਏ ਹਨ।
ਦੂਜੇ ਪਾਸੇ ਲੌਕਡਾਊਨ ਦੀਆਂ ਪਾਬੰਦੀਆਂ ਵਿਚ ਢਿੱਲ ਦੇਣ ਤੋਂ ਬਾਅਦ ਨਵੇਂ ਕੇਸਾਂ ਵਿਚ ਵਾਧਾ ਚਿੰਤਾ ਨੂੰ ਵਧਾ ਰਿਹਾ ਹੈ।
ਜਰਮਨੀ ਦੇ ਅਧਿਕਾਰਤ ਅੰਕੜੇ ਦਰਸਾਉਂਦੇ ਹਨ ਕਿ ਜਰਮਨੀ ਲੌਕਡਾਊਨ ਵਿਚ ਢਿੱਲ ਦੇਣ ਦੇ ਇਕ ਦਿਨ ਬਾਅਦ ਹੀ ਕੋਰੋਨਾ ਦੀ ਲਾਗ ਵੱਧ ਗਈ ਹੈ।
ਰਾਬਰਟ ਕੋਚ ਇੰਸਟੀਚਿਊਟ ਮੁਤਾਬਕ ਲਾਗ ਦੇ ਮੁੜ ਹੋਣ ਦੀ ਦਰ ਵਿੱਚ ਵਾਧਾ ਹੋਇਆ ਹੈ ।
ਇਸ ਤੋਂ ਪਹਿਲਾਂ ਜਰਮਨ ਦੀ ਚਾਂਸਲਰ ਐਂਜੇਲਾ ਮਾਰਕਲ ਨੇ ਬੁੱਧਵਾਰ ਨੂੰ 16 ਸੂਬਿਆਂ ਦੇ ਆਗੂਆਂ ਨਾਲ ਗੱਲਬਾਤ ਤੋਂ ਬਾਅਦ ਦੇਸ਼ ਵਿਆਪੀ ਲੌਕਡਾਊਨ ਵਿਚ ਢਿੱਲ ਦੇਣ ਦਾ ਐਲਾਨ ਕੀਤਾ ਗਿਆ ਸੀ।
ਤਸਵੀਰ ਸਰੋਤ, Getty Images
11 ਮਈ 2020ਡਾ. ਮਨਮੋਹਨ ਸਿੰਘ ਏਮਜ਼ ’ਚ ਭਰਤੀ, ਸਿਹਤਯਾਬੀ ਲਈ ਦੁਆਵਾਂ
ਭਾਰਤ ਦੇ ਸਾਬਕਾ ਪ੍ਰਧਾਨ ਮੰਤਰੀ ਡਾਕਟਰ ਮਨਮੋਹਨ ਸਿੰਘ ਦੀ ਸਿਹਤ ਖ਼ਰਾਬ ਹੋ ਗਈ ਹੈ। ਖ਼ਬਰ ਏਜੰਸੀ ANI ਮੁਤਾਬਕ ਉਨ੍ਹਾਂ ਨੂੰ ਛਾਤੀ ਵਿਚ ਦਰਦ ਮਹਿਸੂਸ ਹੋਣ ਤੋਂ ਬਾਅਦ ਦਿੱਲੀ ਦੇ ਏਮਜ਼ ਹਸਪਤਾਲ ਵਿਚ ਭਰਤੀ ਕਰਵਾਇਆ ਗਿਆ ਹੈ।
ਡਾਕਟਰ ਮਨਮੋਹਨ ਸਿੰਘ ਨੂੰ ਐਤਵਾਰ ਸ਼ਾਮੀ ਕਰੀਬ 8.45 ਉੱਤੇ ਹਸਪਤਾਲ ਲਿਆਂਦਾ ਗਿਆ, ਹਸਪਤਾਲ ਮੁਤਾਬਕ ਉਨ੍ਹਾਂ ਨੂੰ ਕਾਰਡਿਅਕ ਨਿਊਸਾਇੰਸ ਟਾਵਰ ਵਿਚ ਰੱਖਿਆ ਗਿਆ ਹੈ।
ਕਾਂਗਰਸ ਪਾਰਟੀ ਦੇ ਟਵਿੱਟਰ ਹੈਂਡਲ ਤੋਂ ਕਰੀਬ ਅੱਧੀ ਰਾਤ ਅਤੇ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦਰ ਕੇਜਰੀਵਾਲ ਸਣੇ ਕਈ ਆਗੂਆਂ ਨੇ ਟਵੀਟ ਕਰਕੇ ਡਾਕਟਰ ਮਨਮੋਹਨ ਸਿੰਘ ਦੀ ਤੰਦਰੁਸਤੀ ਦੀ ਕਾਮਨਾ ਕੀਤੀ ਹੈ।
Skip X post, 1
X ਸਮੱਗਰੀ ਦੀ ਇਜਾਜ਼ਤ?
ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
ਚਿਤਾਵਨੀ: ਬੀਬੀਸੀ ਦੂਜੀਆਂ ਵੈਬਸਾਈਟਸ ਦੀ ਸਮੱਗਰੀ ਲਈ ਜ਼ਿੰਮੇਵਾਰ ਨਹੀਂ ਹੈ।
End of X post, 1
Skip X post, 2
X ਸਮੱਗਰੀ ਦੀ ਇਜਾਜ਼ਤ?
ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
ਚਿਤਾਵਨੀ: ਬੀਬੀਸੀ ਦੂਜੀਆਂ ਵੈਬਸਾਈਟਸ ਦੀ ਸਮੱਗਰੀ ਲਈ ਜ਼ਿੰਮੇਵਾਰ ਨਹੀਂ ਹੈ।
End of X post, 2
11 ਮਈ 2020ਕੋਰੋਨਾਵਾਇਰਸ: ਹੁਣ ਤੱਕ ਦੀ ਅਪਡੇਟ
ਪੰਜਾਬ ਵਿੱਚ ਐਤਵਾਰ ਨੂੰ 61 ਨਵੇਂ ਕੇਸ ਆਉਣ ਨਾਲ ਪੰਜਾਬ ਵਿੱਚ ਪੌਜ਼ਿਟਿਵ ਕੇਸ 1823 ਹੋ ਗਏ ਹਨ ਜਦਕਿ 31 ਮੌਤਾਂ ਹੋ ਗਈਆਂ ਹਨ।
ਸਿਹਤ ਵਿਭਾਗ ਮੁਤਾਬਕ ਨਵੇਂ ਮਾਮਲਿਆਂ ਵਿਚ ਅੰਮ੍ਰਿਤਸਰ ਤੋਂ 35 ਅਤੇ ਰੋਪੜ ਦੇ 8 ਮਾਮਲੇ ਸ਼ਾਮਲ ਹਨ।
ਹਰਿਆਣਾ ਵਿਚ ਕੋਵਿਡ-19 ਨਾਲ ਇੱਕ ਹੋਰ ਮੌਤ ਹੋ ਗਈ ਅਤੇ 28 ਨਵੇਂ ਕੇਸਾਂ ਨਾਲ ਗਿਣਤੀ 703 ਤੱਕ ਪਹੁੰਚ ਗਈ।
ਚੰਡੀਗੜ੍ਹ ਦੇ 4 ਨਵੇਂ ਕੇਸਾਂ ਨਾਲ ਗਿਣਤੀ 173 ਹੋ ਗਈ ਤੇ ਇੱਕ ਹੋਰ ਮੌਤ ਨਾਲ ਮੌਤਾਂ ਦੀ ਗਿਣਤੀ ਵੀ 3 ਹੋ ਗਈ ਹੈ।
ਭਾਰਤ ਵਿਚ ਇੱਕੋ ਦਿਨ 4700 ਮਾਮਲੇ ਨਵੇਂ ਆਉਣ ਦਾ ਸਭ ਤੋਂ ਵੱਡਾ ਉਛਾਲ ਆਇਆ ਹੈ। ਪੌਜ਼ਿਟਿਵ ਕੇਸ 67000 ਹੋ ਗਏ ਹਨ ਅਤੇ ਮੌਤਾਂ ਦੀ ਗਿਣਤੀ 2100 ਦਾ ਅੰਕੜਾ ਪਾਰ ਕਰ ਗਈ ਹੈ।
ਭਾਰਤੀ ਰੇਲ ਮੰਤਰੀ ਪਿਊਸ਼ ਗੋਇਲ ਨੇ ਮੁਤਾਬਕ ਪਰਵਾਸੀ ਮਜ਼ਦੂਰਾਂ ਨੂੰ ਘਰ ਪਹੁੰਚਾਉਣ ਲਈ ਹਰ ਰੋਜ਼ 300 ਵਿਸ਼ੇਸ਼ ਰੇਲ ਗੱਡੀਆਂ ਚੱਲਗੀਆਂ।
ਕੋਵਿਡ-19 ਦੇ ਮਾਮਲਿਆਂ ਦਾ ਗਲੋਬਲ ਅੰਕੜਾ 41 ਲੱਖ ਨੂੰ ਪਾਰ ਕਰ ਗਿਆ ਜਦਕਿ ਮੌਤਾਂ ਦੀ ਗਿਣਤੀ 2,82,694 ਟੱਪ ਗਈ
ਯੂਕੇ ਦੇ ਪ੍ਰਧਾਨ ਮੰਤਰੀ ਬੌਰਿਸ ਜੌਨਸਨ ਨੇ ਸ਼ਰਤ ਅਧਾਰਿਤ ਲੌਕਡਾਊਨ ਢਿੱਲ ਦੇਣ ਦਾ ਐਲਾਨ ਕਰ ਦਿੱਤਾ ਹੈ।
ਜਰਮਨੀ ਵਿਚ ਲੌਕਡਾਊਨ ਪਾਬੰਦੀਆਂ ਹਟਾਉਂਦਿਆਂ ਹੀ ਕੋਰੋਨਾ ਦੇ ਕੇਸ ਮੁੜ ਵਧਣ ਲੱਗੇ
ਕੀਨੀਆ ਵਿਚ ਅਗਵਾ ਕੀਤੀ ਸਿਹਤ ਵਰਕਰ ਵਾਪਸ ਘਰ ਮੁੜ ਆਈ ਹੈ।
ਇਟਲੀ ਵਿਚ ਹੋਈਆਂ 30,000 ਮੌਤਾਂ ਯੂਰਪੀ ਮੁਲਕਾਂ ਵਿਚ ਸਭ ਤੋਂ ਵੱਧ ਹਨ।
ਤਸਵੀਰ ਸਰੋਤ, Getty Images
11 ਮਈ 2020
ਬੀਬੀਸੀ ਪੰਜਾਬੀ ਦੇ ਕੋਵਿਡ-19 ਬਾਰੇ ਲਾਈਵ ਪੇਜ 'ਤੇ ਤੁਹਾਡਾ ਸਵਾਗਤ ਹੈ। ਖੁਸ਼ਹਾਲ ਲਾਲੀ ਤੇ ਜਸਪਾਲ ਸਿੰਘ ਤੁਹਾਨੂੰ ਅਪਡੇਟ ਦੇ ਰਹੇ ਹਨ। 10 ਮਈ ਤੱਕ ਦੇ ਅਪਡੇਟ ਲਈ ਤੁਸੀਂ ਇੱਥੇ ਕਲਿੱਕ ਕਰੋ