ਕੋਰੋਨਾਵਾਇਰਸ ਅਪਡੇਟ: ਕਰਨਾਟਕ ਨੇ 85 ਟਰੇਨਾਂ ਰੱਦ ਕਰਕੇ ਪਰਵਾਸੀ ਮਜ਼ਦੂਰਾਂ ਨੂੰ ਰੋਕਿਆ, ਪੰਜਾਬ ’ਚ ਸ਼ੁਰੂ ਹੋਵੇਗੀ ਸ਼ਰਾਬ ਦੀ ਹੋਮ ਡਿਲੀਵਰੀ; ਜਰਮਨੀ ’ਚ ਬਿਨਾਂ ਦਰਸ਼ਕਾਂ ਦੇ ਹੋਣਗੇ ਫੁੱਟਬਾਲ ਮੈਚ

ਲਾਈਵ ਕਵਰੇਜ

1. 6 ਮਈ 2020

   ਲਾਈਵ ਪੇਜ 'ਤੇ ਇੰਦਰਜੀਤ ਕੌਰ ਅਤੇ ਖੁਸ਼ਬੂ ਸੰਧੂ ਵੱਲੋਂ ਤੁਹਾਡਾ ਸਵਾਗਤ ਹੈ।

   ਦਿਨ ਭਰ ਅਸੀਂ ਤੁਹਾਨੂੰ ਕੋਰੋਨਾਵਾਇਰਸ ਸਬੰਧੀ ਦੇਸ, ਦੁਨੀਆਂ ਅਤੇ ਪੰਜਾਬ ਦੀ ਖ਼ਬਰ ਦੇਵਾਂਗੇ।

2. 6 ਮਈ 2020ਸਵਾਗਤ ਹੈ ਤੁਹਾਡਾ, ਹੁਣ ਤੱਕ ਦੇਸ, ਦੁਨੀਆਂ, ਪੰਜਾਬ ਵਿੱਚ ਕੀ ਹੋਇਆ

   ਬੀਬੀਸੀ ਪੰਜਾਬੀ ਦੇ ਲਾਈਵ ਪੇਜ ’ਤੇ ਤੁਹਾਡਾ ਸਵਾਗਤ ਹੈ। ਕੋਰੋਨਾਵਾਇਰਸ ਨਾਲ ਜੁੜੀ ਦੇਸ-ਵਿਦੇਸ਼ ਦੀ ਹਰ ਅਪਡੇਟ ਤੁਹਾਨੂੰ ਇਸ ਪੇਜ ’ਤੇ ਮਿਲੇਗੀ। ਆਓ ਜਾਣਦੇ ਹਾਂ ਹੁਣ ਤੱਕ ਕੀ ਹੋਇਆ:

   • ਪੂਰੀ ਦੁਨੀਆਂ ਵਿੱਚ ਕੋਰੋਨਾਵਾਇਰਸ ਦੇ 36,59,759 ਮਾਮਲੇ ਹੋਏ, ਮੌਤਾਂ ਦੀ ਗਿਣਤੀ 2,56,928 ਹੋਈ।
   • ਭਾਰਤ ਵਿੱਚ ਕੋਰੋਨਾਵਾਇਰਸ ਕਾਰਨ ਹੁਣ ਤੱਕ 1583 ਮੌਤਾਂ ਜਦੋਂਕਿ ਮਾਮਲਿਆਂ ਦੀ ਕੁੱਲ ਗਿਣਤੀ 46,711 ਹੋਈ।
   • ਅਮਰੀਕੀ ਰਾਸ਼ਟਰਪਤੀ ਟਰੰਪ ਨੇ ਰੋਜ਼ਾਨਾ 3000 ਮੌਤਾਂ ਤੇ ਲਾਗ ਦੇ ਮਾਮਲੇ 2 ਲੱਖ ਤੱਕ ਵਧਣ ਦੀ ਰਿਪੋਰਟ ਨੂੰ ਰੱਦ ਕੀਤਾ ਹੈ।
   • ਟਰੰਪ ਨੇ ਕਿਹਾ ਹੈ ਕਿ ਉਹ ਵੂਹਾਨ ਦੀ ਲੈਬ ਵਿੱਚੋਂ ਕੋਰੋਨਾ ਪੌਜ਼ਿਟਿਵ ਹੋਣ ਦੀ ਥਿਊਰੀ ਦੇ ਸਬੂਤਾਂ ਨੂੰ ਜਾਰੀ ਕਰਨਗੇ।
   • ਹਾਲਾਂਕਿ ਕੋਰੋਨਾਵਾਇਰਸ ਬਾਰੇ ਲਾਏ ਜਾ ਰਹੇ ਕਈ ਕਿਆਸ ਨੂੰ ਅਮਰੀਕੀ ਫੌਜ ਦੇ ਸਭ ਤੋਂ ਸੀਨੀਅਰ ਅਧਿਕਾਰੀ ਨੇ ਖਾਰਿਜ ਕਰ ਦਿੱਤਾ ਹੈ।
   • ਯੂਕੇ ਵਿੱਚ ਇਟਲੀ ਤੋਂ ਵੀ ਵੱਧ ਮੌਤਾਂ, ਪੂਰੇ ਯੂਰਪ ਵਿੱਚ ਸਭ ਤੋਂ ਵੱਧ ਮੌਤਾਂ ਯੂਕੇ ਵਿੱਚ ਹੀ ਹੋਈਆਂ।
   • ਪੰਜਾਬ ਵਿੱਚ ਕੋਰੋਨਾਵਾਇਰਸ ਦੇ ਮਾਮਲੇ 1450 ਤੋਂ ਪਾਰ ਪਹੁੰਚ ਗਏ ਹਨ ਜਦੋਂਕਿ 25 ਮੌਤਾਂ ਹੋ ਚੁੱਕੀਆਂ ਹਨ।
   • ਜਲੰਧਰ ਰੇਲਵੇ ਸਟੇਸ਼ਨ ਤੋਂ ਗਾਜ਼ੀਪੁਰ ਲਈ ਮੰਗਲਵਾਰ ਅੱਧੀ ਰਾਤ ਨੂੰ 1200 ਯਾਤਰੀਆਂ ਲਈ 'ਸ਼੍ਰਮਿਕ ਐਕਸਪ੍ਰੈਸ' ਰਵਾਨਾ ਹੋਈ।
   • ਪੰਜਾਬ ਸਰਕਾਰ ਨੇ ਵੈਟ ਦਰਾਂ ਵਿੱਚ ਵਾਧਾ ਕਰ ਦਿੱਤਾ ਹੈ। ਇਸ ਤਰ੍ਹਾਂ ਸੂਬੇ ਵਿੱਚ ਪੈਟਰੋਲ-ਡੀਜ਼ਲ ਅਤੇ ਸ਼ਰਾਬ ਹੋਰ ਮਹਿੰਗੀ ਹੋ ਜਾਵੇਗੀ।
   • ਪੰਜਾਬ ਵਿੱਚ NRIs ਅਤੇ ਰੈੱਡ ਜ਼ੋਨਾਂ ਵਿੱਚੋਂ ਆਉਣ ਵਾਲਿਆਂ ਲਈ ਸੰਸਥਾਵਾਂ ਅਤੇ ਹੋਟਲਾਂ ਵਿੱਚ ਕੁਆਰੰਟੀਨ ਕੇਂਦਰ।
   • ਹਰਿਆਣਾ ਵਿੱਚ ਅੱਜ ਤੋਂ ਸ਼ਰਾਬ ਦੇ ਠੇਕੇ ਸਵੇਰੇ 7 ਵਜੇ ਤੋਂ ਸ਼ਾਮੀ 7 ਵਜੇ ਤੱਕ ਖੁੱਲ੍ਹਣਗੇ।

   ਮੰਗਲਵਾਰ ਦੀ ਹਰ ਅਪਡੇਟ ਲੈਣ ਲਈ ਇੱਥੇ ਕਲਿੱਕ ਕਰੋ।