ਚੀਨ ਦੀ ਸਰਕਾਰੀ ਸਮਾਚਾਰ ਏਜੰਸੀ ਨੇ ਉਡਾਇਆ ਅਮਰੀਕਾ ਦਾ ਮਜ਼ਾਕ
ਦੋ ਸ਼ਕਤੀਸ਼ਾਲੀ ਦੇਸਾਂ ਚੀਨ ਅਤੇ ਅਮਰੀਕਾ ਵਿਚਾਲੇ ਰਾਜਨੀਤਿਕ ਤਣਾਅ ਵੀ ਕੋਰੋਨਾਵਾਇਰਸ ਮਹਾਂਮਾਰੀ ਦੇ ਵਿਚਕਾਰ ਜਾਰੀ ਹੈ। ਹੁਣ ਮੀਡੀਆ ਦੇ ਜ਼ਰੀਏ ਇਸ ਤਣਾਅ ਨੂੰ ਇਕ ਨਵਾਂ ਪਹਿਲੂ ਦਿੱਤਾ ਗਿਆ ਹੈ।
ਚੀਨ ਦੀ ਅਧਿਕਾਰਤ ਸਮਾਚਾਰ ਏਜੰਸੀ 'ਸ਼ਿਨਹੂਆ' ਨੇ ਇਕ ਐਨੀਮੇਟਿਡ ਫਿਲਮ ਦੇ ਜ਼ਰੀਏ ਅਮਰੀਕਾ 'ਤੇ ਜ਼ਬਰਦਸਤ ਹਮਲਾ ਕੀਤਾ ਹੈ।
ਇਹ ਐਨੀਮੇਟਡ ਵੀਡੀਓ ਕੋਰੋਨਾਵਾਇਰਸ ਨੂੰ ਲੈ ਕੇ ਚੀਨ ਖਿਲਾਫ਼ ਟਰੰਪ ਪ੍ਰਸ਼ਾਸਨ ਦੀ ਆਲੋਚਨਾ ਤੋਂ ਬਾਅਦ ਬਣਾਇਆ ਗਿਆ ਹੈ।
'ਵੰਸ ਅਪੌਨ ਏ ਵਾਇਰਸ' ਨਾਮ ਦੀ ਇਸ ਵੀਡੀਓ ਵਿੱਚ ਦੋਹਾਂ ਪਾਸਿਆਂ ਦੇ 'ਲਿਗੋ' ਕਰੈਕਟਰ ਦਿਖਾਏ ਗਏ ਹਨ। ਇਸ ਵੀਡੀਓ ਵਿੱਚ ਅਮਰੀਕਾ ਦੇ 'ਸਟੈਚੂ ਆਫ਼ ਲਿਬਰਟੀ' ਨੂੰ ਇੱਕ ਪਾਸੇ ਅਤੇ ਦੂਜੇ ਪਾਸੇ ਚੀਨ ਦੇ ਇਤਿਹਾਸਕ 'ਕੋਰੋਨਾ ਵੌਰੀਅਰਜ਼' ਦਿਖਾਏ ਗਏ ਹਨ।
ਇਹ ਐਨੀਮੇਟਡ ਫਿਲਮ ਚੀਨ ਅਤੇ ਅਮਰੀਕਾ ਦਰਮਿਆਨ ਵੱਧ ਰਹੇ ਤਣਾਅ ਨੂੰ ਸਪੱਸ਼ਟ ਤੌਰ 'ਤੇ ਦਰਸਾਉਂਦੀ ਹੈ।
ਤਸਵੀਰ ਸਰੋਤ, Xinhua News Agency
