ਲੋਕ ਸਭਾ ਚੋਣਾਂ 2024: ਪੰਜਾਬ ਵਿੱਚ ਵੋਟਿੰਗ ਹੋਈ ਮੁਕੰਮਲ, ਜਾਣੋ ਕਿੰਨੀ ਫੀਸਦ ਵੋਟਿੰਗ ਹੋਈ

ਲਾਈਵ ਕਵਰੇਜ

1. 1 ਜੂਨ 2024'ਗਰੀਨ ਪੋਲਿੰਗ ਬੂਥ' ਉੱਪਰ ਵੋਟਰਾਂ ਨੂੰ ਵੰਡੇ ਜਾ ਰਹੇ ਹਨ ਪੌਦੇ ਅਤੇ ਗਰਮੀ ਤੋਂ ਰਾਹਤ ਲਈ ਸ਼ਰਬਤ ਦਾ ਪ੍ਰਬੰਧ

   

   ਤਸਵੀਰ ਸਰੋਤ, Gurpreet Chawla/BBC

   ਲੋਕ ਸਭਾ ਚੋਣਾਂ ਵਿੱਚ ਵੋਟਰਾਂ ਨੂੰ ਗਰਮੀ ਤੋਂ ਰਾਹਤ ਦੇਣ ਲਈ ਵੀ ਪੋਲਿੰਗ ਬੂਥ ਉਪਰ ਪ੍ਰਬੰਧ ਕੀਤੇ ਗਏ ਹਨ। ਪੰਜਾਬ ਵਿੱਚ ਚੋਣ ਕਮਿਸ਼ਨ ਵੱਲੋਂ ਪੰਜਾਬ ਰਾਜ ਸਹਿਕਾਰੀ ਸਪਲਾਈ ਅਤੇ ਮਾਰਕੀਟਿੰਗ ਫੈਡਰੇਸ਼ਨ ਯਾਨੀ ਮਾਰਕਫੈਡ ਨਾਲ ਮਿਲ ਕੇ ਵਿਸ਼ੇਸ਼ ਸਰਬਤ ਵੀ ਵੰਡੇ ਗਏ ਹਨ।

   ਚੋਣ ਕਮਿਸ਼ਨ ਮੁਤਾਬਿਕ ਪੰਜਾਬ 'ਚ ਸਾਰੇ 24,451 ਪੋਲਿੰਗ ਸਟੇਸ਼ਨ 'ਤੇ ਇਹ ਸ਼ਰਬਤ ਵੰਡੇ ਗਏ ਹਨ ਤਾਂ ਜੋ ਗਰਮੀ ਵਿੱਚ ਵੋਟਰਾਂ ਨੂੰ ਰਾਹਤ ਮਿਲ ਸਕੇ ਅਤੇ ਉਹ ਹਾਈਡਰੇਟ ਰਹਿਣ।

   

   ਤਸਵੀਰ ਸਰੋਤ, Gurpreet Chawla/BBC

   ਇਸ ਤੋਂ ਇਲਾਵਾ ਪੰਜਾਬ ਭਰ ਵਿੱਚ 165 ਗੁਲਾਬੀ ਬੂਥ ਹਨ, ਜਿਸ ਦਾ ਪ੍ਰਬੰਧਨ ਮਹਿਲਾਵਾਂ ਦੁਆਰਾ ਕੀਤਾ ਜਾ ਰਿਹਾ ਹੈ, 115 ਗ੍ਰੀਨ ਬੂਥ ਹਨ ਜਿੱਥੇ ਵੋਟਰਾਂ ਨੂੰ ਬੂਟੇ ਵੰਡੇ ਜਾ ਰਹੇ ਹਨ।

   101 ਪੋਲਿੰਗ ਬੂਥਾਂ ਦਾ ਪ੍ਰਬੰਧਨ ਦਿਵਿਆਂਗ ਵਿਅਕਤੀਆਂ ਵੱਲੋਂ ਕੀਤਾ ਜਾ ਰਿਹਾ ਹੈ ਜਦੋਂ ਕਿ 99 ਬੂਥ ਨੌਜਵਾਨਾਂ ਵੱਲੋਂ ਪ੍ਰਬੰਧਕ ਕੀਤੇ ਗਏ ਹਨ।

   

   ਤਸਵੀਰ ਸਰੋਤ, Gurpreet Chawla/BBC

   ਸੂਬੇ ਦੇ ਕੁੱਲ 2,60,000 ਕਰਮਚਾਰੀ ਚੋਣ ਡਿਊਟੀ ਨਿਭਾ ਰਹੇ ਹਨ ਜਿਨ੍ਹਾਂ ਵਿੱਚ 1,20,114 ਪੋਲਿੰਗ ਸਟਾਫ਼, 70,724 ਸੁਰੱਖਿਆ ਕਰਮਚਾਰੀ (ਸੂਬਾ ਪੁਲਿਸ ਅਤੇ ਕੇਂਦਰੀ ਹਥਿਆਰਬੰਦ ਅਰਧ ਸੈਨਿਕ ਬਲ), 50,000 ਸਪੋਰਟਿੰਗ ਸਟਾਫ਼ ਅਤੇ ਮੁੱਖ ਚੋਣ ਅਧਿਕਾਰੀ, ਦਫ਼ਤਰ ਤੇ ਜ਼ਿਲ੍ਹਾ ਚੋਣ ਅਧਿਕਾਰੀ ਦਫ਼ਤਰਾਂ ਦੇ 25,150 ਕਰਮਚਾਰੀ ਸ਼ਾਮਲ ਹਨ।

   ਸੂਬੇ ਵਿੱਚ ਨਿਰਵਿਘਨ ਵੋਟਾਂ ਲਈ ਪੰਜਾਬ ਪੁਲਿਸ ਦੇ 55039 ਜਵਾਨ ਤਾਇਨਾਤ ਕੀਤੇ ਗਏ ਹਨ।

   

   ਤਸਵੀਰ ਸਰੋਤ, Gurpreet Chawla/BBC

   

   ਤਸਵੀਰ ਸਰੋਤ, Gurminder Grewal

2. 1 ਜੂਨ 2024ਗੜ੍ਹੀ ਦਾ ਦਾਅਵਾ ਬਸਪਾ ਪੰਜਾਬ ਵਿੱਚ ਮਜ਼ਬੂਤ ਧਿਰ ਬਣ ਕੇ ਉੱਭਰੇਗੀ

   ਬਹੁਜਨ ਸਮਾਜ ਪਾਰਟੀ ਦੇ ਸੂਬਾ ਪ੍ਰਧਾਨ ਅਤੇ ਅਨੰਦਪੁਰ ਸਾਹਿਬ ਹਲਕੇ ਤੋਂ ਉਮੀਦਵਾਰ ਜਸਵੀਰ ਸਿੰਘ ਗੜੀ ਨੇ ਆਪਣੀ ਵੋਟ ਪਿੰਡ ਗੜੀ ਕਾਨੂਗੋ ਤਹਿਸੀਲ ਬਲਾਚੌਰ ਜ਼ਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ ਵਿੱਚ ਪਾਈ।

   ਉਨ੍ਹਾਂ ਨੇ ਕਿਹਾ ਕਿ 2024 ਦੀਆਂ ਲੋਕ ਸਭਾ ਚੋਣਾਂ ਦੇ ਨਤੀਜੇ ਪੰਜਾਬ ਦੀ ਭਵਿੱਖ ਦੀ ਰਾਜਨੀਤੀ ਦਾ ਮੁੱਢ ਬੰਨ੍ਹਣਗੇ।

   ਉਨ੍ਹਾਂ ਨੇ ਕਿਹਾ ਕਿ ਉਨ੍ਹਾਂ ਨੂੰ ਉਮੀਦ ਹੈ ਕਿ ਇਨ੍ਹਾਂ ਚੋਣਾਂ ਤੋਂ ਬਾਅਦ ਬਹੁਜਨ ਸਮਾਜ ਪਾਰਟੀ ਪੰਜਾਬ ਵਿੱਚ ਵੱਡੀ ਧਿਰ ਬਣਕੇ ਉੱਭਰੇਗੀ। ਉਨ੍ਹਾਂ ਨੇ ਕਿਹਾ ਕਿ ਨਤੀਜੇ ਬਸਪਾ ਅਤੇ ਪੰਜਾਬ ਦੋਵਾਂ ਲਈ ਹੈਰਾਨੀਜਨਕ ਹੋਣਗੇ।

   

   ਤਸਵੀਰ ਸਰੋਤ, BSP

3. 1 ਜੂਨ 2024ਸੁਖਬੀਰ ਸਿੰਘ ਬਾਦਲ ਤੇ ਪ੍ਰਤਾਪ ਸਿੰਘ ਬਾਜਵਾ ਦੇ ਦਾਅਵੇ

   

   ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਨੇ ਕਿਹਾ, "ਇਹ ਪੰਜਾਬ ਦੇ ਲੋਕਾਂ ਦੀ ਪਾਰਟੀ ਅਤੇ ਸਾਰੀਆਂ ਕੌਮੀ ਪਾਰਟੀਆਂ ਦੀ ਵਿਚਲੀ ਲੜਾਈ ਹੈ।"

   ਉਨ੍ਹਾਂ ਨੇ ਅੱਗੇ ਕਿਹਾ, "ਅਸੀਂ ਸਾਰਿਆ ਨੂੰ ਅਪੀਲ ਕਰਦੇ ਹਾਂ ਕਿ ਉਹ ਵੱਧ ਫ਼ੀਸਦ ਵਿੱਚ ਵੋਟ ਪਾਉਣ।"

   

   ਤਸਵੀਰ ਸਰੋਤ, ANI

   ਕਾਂਗਰਸੀ ਆਗੂ ਪ੍ਰਤਾਪ ਸਿੰਘ ਬਾਜਵਾ ਨੇ ਕਿਹਾ, "ਪੰਜਾਬ ਦੇ 70 ਫ਼ੀਸਦ ਲੋਕ ਪਿੰਡਾਂ ਵਿੱਚ ਰਹਿੰਦੇ ਹਨ ਉੱਥੇ ਰੁਝਾਨ ਭਾਜਪਾ ਦੇ ਖ਼ਿਲਾਫ਼ ਹੈ।ਸ਼੍ਰੋਮਣੀ ਅਕਾਲੀ ਦਲ ਨੂੰ ਭਾਜਪਾ ਦੀ ਭਾਈਵਾਲ ਸਮਝਿਆ ਜਾਂਦਾ ਹੈ।"

   ਉਨ੍ਹਾਂ ਨੇ ਕਿਹਾ, "ਲੋਕ ਭਾਜਪਾ ਦੇ ਬਦਲ ਵਜੋਂ ਸਿਰਫ਼ ਕਾਂਗਰਸ ਨੂੰ ਵੇਖਦੇ ਹਨ।"

   ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਦੇ ਸਰਵੇਖਣਾਂ ਮੁਤਾਬਕ ਇੰਡੀਆ ਬਲਾਕ ਨੂੰ ਲੀਡ ਮਿਲ ਰਹੀ ਹੈ ਇਸ ਲਈ ਅੱਜ ਇੰਡੀਆ ਗਠਜੋੜ ਦੀ ਬੈਠਕ ਸੱਦੀ ਗਈ ਹੈ।

   

4. 1 ਜੂਨ 2024ਵੋਟਰ ਪਰਚੀਆਂ 'ਤੇ ਤਸਵੀਰਾਂ ਅਤੇ ਚੋਣ ਨਿਸ਼ਾਨ, ਦਲਜੀਤ ਸਿੰਘ ਚੀਮਾ ਨੇ ਜਤਾਇਆ ਇਤਰਾਜ਼

   

   ਤਸਵੀਰ ਸਰੋਤ, Daljeet Singh Cheema

   ਗੁਰਦਾਸਪੁਰ ਤੋਂ ਸ਼੍ਰੋਮਣੀ ਅਕਾਲੀ ਦਲ ਦੇ ਉਮੀਦਵਾਰ ਦਲਜੀਤ ਸਿੰਘ ਚੀਮਾ ਨੇ ਇਹ ਇਲਜ਼ਾਮ ਲਗਾਇਆ ਕਿ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਅਮਨਸ਼ੇਰ ਸਿੰਘ ਕਲਸੀ ਵੱਲੋਂ ਵੋਟਰ ਪਰਚੀਆਂ ਉੱਤੇ 'ਆਪ' ਦੇ ਆਗੂਆਂ ਦੀਆਂ ਤਸਵੀਰਾਂ ਅਤੇ ਚੋਣ ਨਿਸ਼ਾਨ ਛਾਪੇ ਗਏ ਹਨ।

   ਬੀਬੀਸੀ ਸਹਿਯੋਗੀ ਗੁਰਪ੍ਰੀਤ ਚਾਵਲਾ ਮੁਤਾਬਕ ਉਨ੍ਹਾਂ ਨੇ ਕਿਹਾ ਕਿ ਚੋਣ ਜ਼ਾਬਤੇ ਦੀ ਉਲੰਘਣਾ ਹੈ।

   ਉਨ੍ਹਾਂ ਨੇ ਇਸ ਸਬੰਧੀ ਵੀਡੀਓ ਬਿਆਨ ਜਾਰੀ ਕੀਤਾ ਹੈ, ਜਿਸ ਵਿੱਚ ਉਹ ਇਹ ਪਰਚੀਆਂ ਦਿਖਾ ਰਹੇ ਹਨ।

   ਦਲਜੀਤ ਸਿੰਘ ਚੀਮਾ ਨੇ ਕਿਹਾ, "ਭਾਰਤੀ ਚੋਣ ਕਮਿਸ਼ਨ ਵੱਲੋਂ ਚੋਣ ਪ੍ਰਚਾਰ 48 ਘੰਟੇ ਪਹਿਲਾਂ ਬੰਦ ਕਰ ਦਿੱਤਾ ਜਾਂਦਾ ਹੈ ਅਤੇ ਹਮੇਸ਼ਾ ਇਹ ਮਨਾਹੀ ਕੀਤੀ ਜਾਂਦੀ ਹੈ ਕਿ ਕੋਈ ਵੀ ਉਮੀਦਵਾਰ ਆਪਣੀ ਜਾਂ ਕਿਸੇ ਲੀਡਰ ਦੀ ਤਸਵੀਰ ਜਾਂ ਚੋਣ ਨਿਸ਼ਾਨ ਛਪਵਾ ਕੇ ਵੋਟਰ ਪਰਚੀ ਨਹੀਂ ਜਾਰੀ ਕਰੇਗਾ।"

   ਉਨ੍ਹਾਂ ਨੇ ਕਿਹਾ, "ਗੁਰਦਾਸਪੁਰ ਦੇ ਉਮੀਦਵਾਰ ਵੱਲੋਂ ਤਿਆਰ ਕੀਤੀਆਂ ਗਈਆਂ ਵੋਟਰ ਪਰਚੀਆਂ ਉੱਤੇ ਅਰਵਿੰਦ ਕੇਜਰੀਵਾਲ, ਭਗਵੰਤ ਮਾਨ ਅਤੇ ਚੋਣ ਨਿਸ਼ਾਨ ਦੀ ਤਸਵੀਰ ਲਗਾਈ ਹੈ।"

   ਉਨ੍ਹਾਂ ਨੇ ਕਿਹਾ, "ਇਹ ਚੋਣ ਪ੍ਰਚਾਰ ਦੀ ਉਲੰਘਣਾ ਹੈ, ਇਸ ਬਾਰੇ ਅਸੀਂ ਨੇ ਡਿਪਟੀ ਕਮਿਸ਼ਨਰ ਅਤੇ ਅਬਜ਼ਰਬਰ ਨੂੰ ਵੀ ਇਸ ਬਾਰੇ ਬੇਨਤੀ ਕੀਤੀ ਹੈ।"

5. 1 ਜੂਨ 2024ਵੋਟ ਪਾਉਣ ਤੋਂ ਬਾਅਦ ਕੀ ਬੋਲੇ ਭਗਵੰਤ ਮਾਨ ਤੇ ਗੁਰਪ੍ਰੀਤ ਕੌਰ

   

   ਦੇਖਣ ਲਈ ਕਲਿੱਕ ਕਰੋ

6. 1 ਜੂਨ 2024ਚੰਡੀਗੜ੍ਹ ਦੇ ਸੈਕਟਰ 53 ਵਿੱਚ ਕੜਕਵੀ ਧੁੱਪ ਵਿੱਚ ਲੱਗੀਆਂ ਲੰਬੀਆਂ ਕਤਾਰਾਂ, ਕਹਿਰ ਦੀ ਗਰਮੀ ਦੌਰਾਨ ਵੋਟਰ ਗਰਮੀ ਬੁਝਾਉਣ ਕੀ ਕੁਝ ਕਰ ਰਹੇ ਹਨ, ਬੀਬੀਸੀ ਸਹਿਯੋਗੀ ਮਯੰਕ ਮੌਂਗੀਆ ਦੇ ਕੈਮਰੇ ਨੇ ਕੈਦ ਕੀਤੇ ਕੁਝ ਦ੍ਰਿਸ਼

   

   

   

   

7. 1 ਜੂਨ 2024ਲੋਕ ਸਭਾ ਚੋਣਾਂ : ਭਗਵੰਤ ਮਾਨ, ਹਰਸਿਮਰਤ ਕੌਰ ਬਾਦਲ ਸਣੇ ਕਈ ਵੱਡੇ ਆਗੂਆਂ ਨੇ ਪਾਈ ਵੋਟ

   

   ਤਸਵੀਰ ਸਰੋਤ, ANI

   ਹਰਸਿਮਰਤ ਕੌਰ ਬਾਦਲ, ਗੁਰਮੀਤ ਸਿੰਘ ਮੀਤ ਹੇਅਰ, ਗੁਰਮੀਤ ਸਿੰਘ ਖੁੱਡੀਆਂ, ਗੁਰਜੀਤ ਸਿੰਘ ਔਜਲਾ ਸਣੇ ਕਈ ਉਮੀਦਵਾਰਾਂ ਨੇ ਆਪਣੇ-ਆਪਣੇ ਹਲਕਿਆਂ ਵਿੱਚ ਵੋਟ ਪਾਈ ਹੈ।

   ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਸੰਗਰੂਰ ਹਲਕੇ ਵਿੱਚ ਵੋਟ ਪਾਉਣ ਮਗਰੋਂ ਕਿਹਾ, "ਪੰਜਾਬ ਦੇ ਵਿੱਚ ਬਹੁਤ ਭਾਰੀ ਵੋਟਿੰਗ ਹੋਵੇਗੀ ਅਤੇ ਇਸ ਨਾਲ ਪੂਰੇ ਦੇਸ਼ ਵਿੱਚ ਸੁਨੇਹਾ ਜਾਵੇਗਾ ਕਿ ਪੰਜਾਬ ਦੇ ਲੋਕ ਆਪਣੇ ਹੱਕਾਂ ਦੀ ਵਰਤੋਂ ਕਰਨੀ ਜਾਣਦੇ ਹਨ।"

   ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਦੀ ਪਤਨੀ ਡਾ ਗੁਰਪ੍ਰੀਤ ਕੌਰ ਨੇ ਕਿਹਾ, "ਮੇਰੀ ਔਰਤਾਂ ਨੂੰ ਇਹੀ ਅਪੀਲ ਹੈ ਕਿ ਆਪਾਂ ਸਭ ਤੋਂ ਵੱਧ ਵੋਟ ਪਾ ਕੇ ਵਿਖਾਈਏ, ਔਰਤਾਂ ਚੰਗੀ ਸਰਕਾਰ ਨੂੰ ਚੁਣਨ ਵਿੱਚ ਆਪਣਾ ਯੋਗਦਾਨ ਪਾਉਣ।"

   

   

   

   

8. 1 ਜੂਨ 2024ਪਹਿਲੇ ਛੇ ਗੇੜਾਂ ਵਿੱਚ ਕਿੰਨੇ ਫ਼ੀਸਦ ਲੋਕਾਂ ਨੇ ਪਾਈ ਵੋਟ

   

   ਤਸਵੀਰ ਸਰੋਤ, Kuldeep Brar/BBC

   ਲੋਕ ਸਭਾ ਚੋਣਾਂ ਦੇ ਸੱਤਵੇਂ ਅਤੇ ਆਖਰੀ ਗੇੜ ਵਿੱਚ 8 ਸੂਬਿਆਂ ਅਤੇ ਕੇਂਦਰ ਸਾਸ਼ਿਤ ਇਲਾਕਿਆਂ ਦੀਆਂ 57 ਲੋਕ ਸਭਾ ਹਲਕਿਆਂ ਉੱਤੇ ਵੋਟਿੰਗ ਹੋ ਰਹੀ ਹੈ।

   ਚੋਣ ਕਮਿਸ਼ਨ ਵੱਲੋਂ ਜਾਰੀ ਅੰਕੜਿਆਂ ਮੁਤਾਬਕ ਇਸ ਤੋਂ ਪਹਿਲਾਂ ਦੇ ਛੇ ਗੇੜਾਂ ਦੌਰਾਨ ਵੋਟਰ ਟਰਨ ਆਊਟ ਇਸ ਤਰ੍ਹਾਂ ਰਿਹਾ—

   ਪਹਿਲਾ ਗੇੜ— 66.14%

   ਦੂਜਾ ਗੇੜ— 66.71%

   ਤੀਜਾ ਗੇੜ— 65.68%

   ਚੌਥਾ ਗੇੜ— 69.16%

   ਪੰਜਵਾਂ ਗੇੜ— 62.20%

   ਛੇਵਾਂ ਗੇੜ— 63.37%

   ਇਸ ਸੱਤਵੇਂ ਅਤੇ ਆਖਰੀ ਗੇੜ ਦੌਰਾਨ ਦੇਸ ਦੇ ਕਈ ਸੂਬੇ ਹੀਟਵੇਵ ਦੀ ਮਾਰ ਹੇਠ ਹਨ। ਇਸ ਲਈ ਉਮੀਦ ਕੀਤੀ ਜਾ ਰਹੀ ਹੈ ਕਿ ਗਰਮੀ ਵਧਣ ਤੋਂ ਪਹਿਲਾਂ ਦੇ ਘੰਟਿਆਂ ਦੌਰਾਨ ਅਤੇ ਸ਼ਾਮ ਦੇ ਸਮੇਂ ਵਿੱਚ ਲੋਕ ਵੋਟਿੰਗ ਲਈ ਜ਼ਿਆਦਾ ਬਾਹਰ ਨਿਕਲਣਗੇ।

   ਪ੍ਰਸ਼ਾਸਨ ਵੱਲੋਂ ਵੋਟਰਾਂ ਦੀ ਸਹੂਲਤ ਅਤੇ ਗਰਮੀ ਦੇ ਮੁਕਾਬਲੇ ਲਈ ਪੋਲਿੰਗ ਬੂਥਾਂ ਉੱਪਰ ਠੰਢੇ ਪਾਣੀ, ਟੈਂਟ, ਵਗੈਰਾ ਤੋਂ ਇਲਾਵਾ ਹੋਰ ਵੀ ਇੰਤਜ਼ਾਮ ਕੀਤੇ ਗਏ ਹਨ।

9. 1 ਜੂਨ 2024ਚੋਣ ਪ੍ਰਚਾਰ ਵਿੱਚ ਵੱਡੇ ਚਿਹਰੇ ਰਹੇ ਗ਼ੈਰ ਹਾਜ਼ਰ, ਕੀ ਰਹੇ ਕਾਰਨ

   

   ਤਸਵੀਰ ਸਰੋਤ, Getty Images

   ਪੰਜਾਬ ਵਿੱਚ ਇਸ ਵਾਰ ਦੀਆਂ ਲੋਕ ਸਭਾ ਚੋਣਾਂ ਦੇ ਪ੍ਰਚਾਰ ਵਿੱਚੋਂ ਕਈ ਵੱਡੇ ਚਿਹਰੇ ਬਾਹਰ ਰਹੇ ਹਨ।

   ਪੰਜ ਮੁੱਖ ਚਿਹਰੇ ਜੋ ਚੋਣ ਪ੍ਰਚਾਰ ਵਿੱਚੋਂ ਗ਼ੈਰ-ਹਾਜ਼ਰ ਰਹੇ ਉਹ ਹਨ- ਨਵਜੋਤ ਸਿੰਘ ਸਿੱਧੂ (ਕਾਂਗਰਸ), ਕੈਪਟਨ ਅਮਰਿੰਦਰ ਸਿੰਘ (ਭਾਜਪਾ), ਸੁਖਦੇਵ ਸਿੰਘ ਢੀਂਡਸਾ (ਸ਼੍ਰੋਮਣੀ ਅਕਾਲੀ ਦਲ), ਮਨਪ੍ਰੀਤ ਸਿੰਘ ਬਾਦਲ (ਭਾਜਪਾ), ਸਿਕੰਦਰ ਸਿੰਘ ਮਲੂਕਾ (ਸ਼੍ਰੋਮਣੀ ਅਕਾਲੀ ਦਲ)।

   ਇਨ੍ਹਾਂ ਵੱਡੇ ਸਿਆਸੀ ਆਗੂਆਂ ਦੇ ਚੋਣ ਮੁਹਿੰਮ ਤੋਂ ਦੂਰ ਹੋਣ ਅਤੇ ਇਸ ਦੇ ਸੂਬੇ ਦੀ ਸਿਆਸਤ ਉੱਤੇ ਪੈਣ ਵਾਲੇ ਅਸਰ ਬਾਰੇ ਇਹ ਰਿਪੋਰਟ ਪੜ੍ਹੋ

10. 1 ਜੂਨ 2024ਸੱਤਵੇਂ ਗੇੜ ਦੀਆਂ ਚੋਣਾਂ ਬਾਰੇ ਕੀ ਬੋਲੇ ਰਾਹੁਲ ਗਾਂਧੀ ਅਤੇ ਨਰਿੰਦਰ ਮੋਦੀ

    

    ਤਸਵੀਰ ਸਰੋਤ, @INCINDIA

    ਕਾਂਗਰਸੀ ਆਗੂ ਰਾਹੁਲ ਗਾਂਧੀ ਨੇ ਸਤਵੇਂ ਗੇੜ ਦੀ ਪੋਲਿੰਗ ਸ਼ੁਰੂ ਹੋਣ ਤੋਂ ਬਾਅਦ ਸੋਸ਼ਲ ਮੀਡੀਆ ਪੋਸਟ ਵਿੱਚ ਦਾਅਵਾ ਕੀਤਾ ਹੈ ਕਿ ਇਸ ਵਾਰੀ ਇੰਡੀਆ ਗੱਠਜੋੜ ਦੀ ਸਰਕਾਰ ਬਣਨ ਜਾ ਰਹੀ ਹੈ।

    ਰਾਹੁਲ ਗਾਂਧੀ ਨੇ ਆਪਣੀ ਐਕਸ ਪੋਸਟ ਵਿੱਚ ਦਾਅਵਾ ਕੀਤਾ, "ਅੱਜ ਸੱਤਵੇਂ ਅਤੇ ਆਖ਼ਰੀ ਗੇੜ ਦੀਆਂ ਚੋਣਾਂ ਹਨ ਅਤੇ ਹੁਣ ਤੱਕ ਦੇ ਰੁਝਾਨਾਂ ਤੋਂ ਇਹ ਸਪਸ਼ਟ ਹੈ ਕਿ ਦੇਸ਼ ਵਿੱਚ ਇੰਡੀਆ ਗੱਠਜੋੜ ਦੀ ਸਰਕਾਰ ਬਣਨ ਜਾ ਰਹੀ ਹੈ।"

    ਉਹ ਕਹਿੰਦੇ ਹਨ, "ਮੈਨੂੰ ਮਾਣ ਹੈ ਕਿ ਇਸ ਗਰਮੀ ਵਿੱਚ ਵੀ ਤੁਸੀਂ ਸਾਰੇ ਲੋਕਤੰਤਰ ਅਤੇ ਸੰਵਿਧਾਨ ਦੀ ਰੱਖਿਆ ਦੇ ਲਈ ਵੋਟ ਪਾਉਣ ਨਿਕਲੇ ਹੋ।"

    ਰਾਹੁਲ ਗਾਂਧੀ ਨੇ ਲਿਖਿਆ, "ਅੱਜ ਵੀ ਵੱਡੀ ਗਿਣਤੀ ਵਿੱਚ ਬਾਹਰ ਨਿਕਲ ਕੇ ਹੰਕਾਰ ਅਤੇ ਜ਼ੁਲਮ ਦਾ ਪ੍ਰਤੀਕ ਬਣ ਚੁੱਕੀ ਇਸ ਸਰਕਾਰ ਉੱਤੇ ਆਪਣੇ ਵੋਟ ਨਾਲ 'ਆਖ਼ਰੀ ਵਾਰ' ਜ਼ਰੂਰ ਕਰੋ।4 ਜੂਨ ਦਾ ਸੂਰਜ ਦੇਸ਼ ਵਿੱਚ ਇੱਕ ਨਵੀਂ ਸਵੇਰ ਲੈ ਕੇ ਆਉਣ ਜਾ ਰਿਹਾ ਹੈ।"

    

    ਤਸਵੀਰ ਸਰੋਤ, X/Narendra Modi

    ਉੱਥੇ ਹੀ ਕੰਨਿਆਕੁਮਾਰੀ ਵਿੱਚ ਧਿਆਨ ਕਰ ਰਹੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਆਪਣੇ ਐਕਸ ਅਕਾਊਂਟ ਉੱਤੇ ਲਿਖਿਆ, "ਲੋਕ ਸਭਾ ਚੋਣਾਂ ਦੇ ਆਖ਼ਰੀ ਗੇੜ ਦੀ ਅੱਜ ਵੋਟਿੰਗ ਹੋਣ ਜਾ ਰਹੀ ਹੈ।

    ਇਸ ਗੇੜ ਦੇ ਸਾਰੇ ਵੋਟਰਾਂ ਨੂੰ ਮੇਰੀ ਬੇਨਤੀ ਹੈ ਕਿ ਲੋਕਤੰਤਰ ਦੇ ਇਸ ਮਹਾਨ ਪੁਰਬ ਵਿੱਚ ਵੱਧ ਚੜ੍ਹ ਕੇ ਹਿੱਸਾ ਲਵੋ, ਮੈਨੂੰ ਵਿਸ਼ਵਾਸ ਹੈ ਕਿ ਸਾਡੇ ਨੌਜਵਾਨ ਅਤੇ ਮਹਿਲਾ ਵੋਟਰ ਵੋਟ ਪਾਉਣ ਲਈ ਰਿਕਾਰਡ ਗਿਣਤੀ ਵਿੱਚ ਅੱਗੇ ਆਉਣਗੇ, ਰਲਕੇ ਆਪਣੇ ਲੋਕਤੰਤਰ ਨੂੰ ਹੋਰ ਵੱਧ ਜੀਵਿਤ ਬਣਾਓ।

11. 1 ਜੂਨ 2024ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਅਤੇ ਕਈ ਉਮੀਦਵਾਰਾਂ ਨੇ ਪਾਈ ਵੋਟ, ਪੋਲਿੰਗ ਸਟੇਸ਼ਨਾਂ 'ਤੇ ਗਰਮੀ ਤੋਂ ਬਚਾਅ ਲਈ ਵੀ ਪ੍ਰਬੰਧ

    

    ਤਸਵੀਰ ਸਰੋਤ, ANI

    ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਨੇ ਆਪਣੇ ਪਰਿਵਾਰ ਸਮੇਤ ਸੰਗਰੂਰ ਦੇ ਮੰਗਵਾਲ ਵਿਖੇ ਵੋਟ ਪਾਈ। ਉਹਨਾਂ ਨਾਲ ਉਹਨਾਂ ਦੀ ਪਤਨੀ ਡਾਕਟਰ ਗੁਰਪ੍ਰੀਤ ਕੌਰ ਅਤੇ ਮਾਤਾ ਵੀ ਵੋਟ ਪਾਉਣ ਆਏ।ਕਈ ਉਮੀਦਵਾਰ ਵੀ ਆਪਣੀ ਵੋਟ ਭੁਗਤਾ ਚੁੱਕੇ ਹਨ ਜਿਨਾਂ ਵਿੱਚ ਕਾਂਗਰਸ ਉਮੀਦਵਾਰ ਸੁਖਜਿੰਦਰ ਰੰਧਾਵਾ, ਧਰਮਵੀਰ ਗਾਂਧੀ,ਉਮੀਦਵਾਰ ਤਰਨਜੀਤ ਸਿੰਘ ਸੰਧੂ,ਆਮ ਆਦਮੀ ਪਾਰਟੀ ਦੇ ਲਾਲਜੀਤ ਸਿੰਘ ਭੁੱਲਰ,ਗੁਰਮੀਤ ਸਿੰਘ ਖੁੱਡੀਆਂ ਸ਼ਾਮਿਲ ਹਨ।

    

    

12. 1 ਜੂਨ 2024ਪੰਜਾਬ 'ਚ ਲੋਕ ਸਭਾ ਚੋਣਾਂ 2024 ਦੀ ਵੋਟਿੰਗ ਲਈ ਕਿਹੋ ਜਿਹੇ ਪ੍ਰਬੰਧ

    

    ਤਸਵੀਰ ਸਰੋਤ, Pardeep Sharma

    • ਵੋਟਰਾਂ ਲਈ ਵਿਆਪਕ ਸਹੂਲਤਾਂ ਅਤੇ ਠੋਸ ਸੁਰੱਖਿਆ ਪ੍ਰਬੰਧ ਯਕੀਨੀ ਬਣਾਏ
    • ਪੰਜਾਬ ਵਿੱਚ ਕੁੱਲ 2,14,61,739 ਹਨ, ਜਿਨ੍ਹਾਂ ਵਿੱਚੋਂ 1,01,74,240 ਬੀਬੀਆਂ ਹਨ ਅਤੇ 773 ਟਰਾਂਸਜੈਂਡਰ ਵੋਟਰਨ ਹਨ।
    • 13 ਲੋਕ ਸਭਾ ਹਲਕਿਆਂ ਲਈ ਕੁੱਲ 24,451 ਪੋਲਿੰਗ ਸਟੇਸ਼ਨ ਬਣਾਏ ਗਏ ਹਨ। ਇਨ੍ਹਾਂ ਵਿੱਚੋਂ 5,694 ਪੋਲਿੰਗ ਸਟੇਸ਼ਨ ਸੰਵੇਦਨਾਸ਼ੀਲ ਮੰਨੇ ਗਏ ਹਨ।
    • ਪੰਜਾਬ ਵਿੱਚ 70,000 ਸੁਰੱਖਿਆ ਕਰਮਚਾਰੀ ਜਿਨ੍ਹਾਂ ਵਿੱਚ ਕੇਂਦਰੀ ਸੁਰੱਖਿਆ ਦਸਤੇ ਸ਼ਾਮਲ ਹਨ, ਸੂਬੇ ਵਿੱਚ ਤੈਨਾਤ ਹਨ।
    • ਸੂਬੇ ਵਿੱਚ 1.20 ਚੋਣ ਅਮਲਾ ਵੀ ਤੈਨਾਤ ਹੈ।
    • ਚੰਡੀਗੜ੍ਹ ਦੀ ਗੱਲ ਕਰੀਏ ਤਾਂ ਇੱਥੇ 6,59,805 ਵੋਟਰ ਹਨ ਜਿਨ੍ਹਾਂ ਵਿੱਚੋਂ 3,18,226 ਬੀਬੀਆਂ ਹਨ ਅਤੇ 35 ਤੀਜੇ ਲਿੰਗ ਵਾਲੇ ਵੋਟਰ ਹਨ।
    • ਵੋਟਰਾਂ ਨੂੰ ਉਤਸ਼ਾਹਿਤ ਕਰਨ ਲਈ ਮਾਡਲ, ਹਰੇ ਤੇ ਗੁਲਾਬੀ, ਯੂਥ ਅਤੇ ਦਿਵਿਆਂਗ ਪ੍ਰਬੰਧਿਤ ਬੂਥਾਂ ਦਾ ਪ੍ਰਬੰਧ
    • ਗਰਮੀ ਤੋਂ ਰਾਹਤ ਲਈ ਪੋਲਿੰਗ ਸਟੇਸ਼ਨਾਂ 'ਤੇ ਲਗਾਈ ਜਾਵੇਗੀ 'ਛਬੀਲ'
    • ਪਾਰਦਰਸ਼ੀ ਤੇ ਨਿਰਪੱਖ ਚੋਣਾਂ ਯਕੀਨੀ ਬਣਾਉਣ ਲਈ 100 ਫੀਸਦ ਲਾਈਵ ਵੈਬਕਾਸਟਿੰਗ ਅਤੇ ਸੀ.ਸੀ.ਟੀ.ਵੀ. ਦੀ ਸਹੂਲਤ
    • ਸ਼ਾਂਤੀਪੂਰਨ ਚੋਣਾਂ ਯਕੀਨੀ ਬਣਾਉਣ ਲਈ ਪੰਜਾਬ ਪੁਲਿਸ ਪੂਰੀ ਤਰ੍ਹਾਂ ਤਿਆਰ: ਪੁਲਿਸ ਨੋਡਲ ਅਫ਼ਸਰ ਐਮ.ਐਫ. ਫਾਰੂਕੀ

13. 1 ਜੂਨ 2024ਕਾਂਗਰਸ 10 ਸੀਟਾਂ ਜਿੱਤੇਗੀ- ਗਾਂਧੀ

    ਪਟਿਆਲਾ ਤੋਂ ਕਾਂਗਰਸ ਪਾਰਟੀ ਨੇ ਉਮੀਦਵਾਰ ਧਰਮਵੀਰ ਗਾਂਧੀ ਨੇ ਕਰੀਬ 8 ਵਜੇ ਆਪਣੀ ਵੋਟ ਭੁਗਤਾਈ, ਬਾਅਦ ਵਿੱਚ ਬੀਬੀਸੀ ਪੱਤਰਕਾਰ ਸਰਬਜੀਤ ਸਿੰਘ ਧਾਲੀਵਾਲ ਨਾਲ ਗੱਲਬਾਤ ਕਰਦਿਆਂ ਕਿਹਾ, ਕਾਂਗਰਸ ਪਾਰਟੀ ਦਾ ਕਿਸੇ ਨਾਲ ਮੁਕਾਬਲਾ ਨਹੀਂ ਹੈ, ਅਸੀਂ ਵੱਡੇ ਫਰਕ ਨਾਲ ਚੋਣ ਜਿੱਤਾਂਗੇ।

    ਗਾਂਧੀ ਨੇ ਦਾਅਵਾ ਕੀਤਾ ਕਿ ਪੰਜਾਬ ਵਿੱਚ ਕਾਂਗਰਸ ਪਾਰਟੀ 13 ਵਿੱਚੋਂ 10 ਸੀਟਾਂ ਜਿੱਤੇਗੀ ਅਤੇ ਆਪ, ਅਕਾਲੀ ਤੇ ਭਾਜਪਾ ਹਿੱਸੇ ਇੱਕ ਇੱਕ ਸੀਟ ਆਵੇਗੀ।

    

14. 1 ਜੂਨ 2024ਪੰਜਾਬ ਵੋਟਿੰਗ - ਪਟਿਆਲਾ ਤੋਂ ਲਾਈਵ

    ਲਾਇਵ ਦੇਖਣ ਲਈ ਕਲਿੱਕ ਕਰੋ

    ਪੰਜਾਬ ਦੀਆਂ ਸਾਰੀਆਂ 13 ਲੋਕ ਸਭਾ ਸੀਟਾਂ ਅਤੇ ਚੰਡੀਗੜ੍ਹ ਦੀ ਇੱਕ ਲੋਕ ਸਭਾ ਸੀਟ ਲਈ ਵੋਂਟਾਂ ਸਵੇਰੇ7 ਵਜੇ ਤੋਂ ਪੈਣੀਆਂ ਸ਼ੁਰੂ ਹੋ ਗਈਆਂ ਹਨ ਜੋ ਸ਼ਾਮ 6ਵਜੇ ਤੱਕ ਪੈਣਗੀਆਂ।

    ਪੰਜਾਬ ਵਿੱਚ ਆਮ ਆਦਮੀ ਪਾਰਟੀ ਅਤੇ ਕਾਂਗਰਸ ਵੱਖੋ-ਵੱਖ ਚੋਣਾਂ ਲੜ ਰਹੀਆਂ ਹਨ ਜਦਕਿ ਚੰਡੀਗੜ੍ਹ ਵਿੱਚ ਦੋਵਾਂ ਦਾ ਸਮਝੌਤਾ ਹੈ।

    ਸਾਲ 1996 ਤੋਂ ਬਾਅਦ ਸ਼੍ਰੋਮਣੀ ਅਕਾਲੀ ਦਲ ਬਾਦਲ ਅਤੇ ਭਾਜਪਾ ਪਹਿਲੀ ਵਾਰ ਵੱਖ-ਵੱਖ ਚੋਣ ਮੈਦਾਨ ਵਿੱਚ ਹਨ।

    ਸੁਖਬੀਰ ਬਾਦਲ ਦੀ ਅਗਵਾਈ ਵਿੱਚ ਅਕਾਲੀ ਦਲ 2020 ਵਿੱਚ ਭਾਜਪਾ ਦੀ ਅਗਵਾਈ ਵਾਲੇ ਐੱਨਡੀਏ ਗਠਜੋੜ ਤੋਂ ਬਾਹਰ ਆ ਗਈ ਸੀ।

    ਇਨ੍ਹਾਂ ਤਿੰਨਾਂ ਪਾਰਟੀਆਂ ਤੋਂ ਇਲਾਵਾ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ), ਬਹੁਜਨ ਸਮਾਜ ਪਾਰਟੀ ਨੇ ਵੀ ਆਪਣੇ ਉਮੀਦਵਾਰ ਖੜ੍ਹੇ ਕੀਤੇ ਹਨ।

    ਇਸ ਤੋਂ ਇਲਾਵਾ ਪੰਜਾਬ ਵਿੱਚ ਪੰਥਕ ਉਮੀਦਵਾਰਾਂ ਦੇ ਚੋਣ ਮੈਦਾਨ ਵਿੱਚ ਹੋਣ ਕਾਰਨ ਵੀ ਕੁਝ ਸੀਟਾਂ ਉੱਤੇ ਮੁਕਾਬਲਾ ਦਿਲਚਸਪ ਬਣਿਆ ਹੋਇਆ ਹੈ।

15. 1 ਜੂਨ 2024ਪੰਜਾਬ ਦੇ ਪੋਲਿੰਗ ਬੂਥਾਂ ਲੱਗਣ ਲੱਗੀਆਂ ਕਤਾਰਾਂ - ਤਸਵੀਰਾਂ

    

    ਤਸਵੀਰ ਸਰੋਤ, Bimal Saini/ BBC

    

    ਤਸਵੀਰ ਸਰੋਤ, Bimail Saini/BBC

    

    

    

    

    ਤਸਵੀਰ ਸਰੋਤ, Pardeep Sharma/BBC

    

    ਤਸਵੀਰ ਸਰੋਤ, Gurpreet Chawla/BBC

16. 1 ਜੂਨ 2024ਪੰਜਾਬ ਦੇ 13 ਹਲਕਿਆਂ ਵਿੱਚ ਹੋ ਰਹੀਆਂ ਚੋਣਾਂ ਵਿੱਚ ਇਸ ਵਾਰ ਕੀ-ਕੀ ਖ਼ਾਸ ਹੈ

    

    ਤਸਵੀਰ ਸਰੋਤ, Getty Images

    ਪੰਜਾਬ ਵਿੱਚ ਲੋਕ ਸਭਾ ਚੋਣਾਂ 2024 ਦਾ ਵੋਟ ਅਮਲ ਸ਼ੁਰੂ ਹੋ ਗਿਆ ਹੈ।

    ਪੰਜਾਬ ਵਿੱਚ ਕੁੱਲ 13 ਲੋਕ ਸਭਾ ਹਲਕੇ ਹਨ, ਸਾਰਿਆਂ ਉੱਤੇ ਅੱਜ ਹੀ ਪੋਲਿੰਗ ਹੋ ਰਹੀ ਹੈ।

    ਭਾਰਤ ਵਿੱਚ 18ਵੀਂ ਲੋਕ ਸਭਾ ਲਈ 543 ਸੀਟਾਂ ਉੱਤੇ ਚੋਣਾਂ 19 ਅਪ੍ਰੈਲ ਤੋਂ 1 ਜੂਨ ਤੱਕ ਹੋ ਰਹੀਆਂ ਹਨ।

    ਪੰਜਾਬ, ਹਿਮਾਚਲ ਅਤੇ ਚੰਡੀਗੜ੍ਹ ਸਣੇ ਹੋਰ ਸੀਟਾਂ ’ਤੇ ਚੋਣਾਂ ਸੱਤਵੇਂ ਤੇ ਅਖ਼ੀਰਲੇ ਗੇੜ ਵਿੱਚ ਹੋ ਰਹੀਆਂ ਹਨ। ਇਸ ਕਰਕੇ ਪਿਛਲੇ ਦੋ ਮਹੀਨਿਆਂ ਤੋਂ ਸੂਬੇ ਵਿੱਚ ਸਿਆਸੀ ਪਾਰਾ ਹਾਈ ਰਿਹਾ ਹੈ।

    ਪੰਜਾਬ ਦੀਆਂ ਕਈ ਲੋਕ ਸਭਾ ਸੀਟਾਂ ਉੱਤੇ ਜਿੱਥੇ ਗ਼ੈਰ-ਰਵਾਇਤੀ ਉਮੀਦਵਾਰ ਚੋਣ ਮਾਹੌਲ ਵਿੱਚ ਚਰਚਾ ਹਾਸਲ ਕਰ ਰਹੇ ਹਨ, ਉੱਥੇ ਹੀ ਆਗੂਆਂ ਦੀ ਦਲ ਬਦਲੀ ਵੀ ਸੁਰਖੀਆਂ ਵਿੱਚ ਬਣੀ ਰਹੀ ਹੈ।

    ਪੂਰੀ ਰਿਪੋਰਟ ਪੜ੍ਹਨ ਲਈ ਕਲਿੱਕ ਕਰੋ

17. 1 ਜੂਨ 2024ਆਖ਼ਰੀ ਗੇੜ ਦੀ ਵੋਟਿੰਗ ਸ਼ੁਰੂ

    

    ਭਾਰਤ ਦੀ ਸੰਸਦ ਵਿੱਚ ਲੋਕ ਸਭਾ ਨੂੰ ਹੇਠਲਾ ਸਦਨ ਕਿਹਾ ਜਾਂਦਾ ਹੈ, ਜਿਸ ਦੀਆਂ 543 ਸੀਟਾਂ ਹਨ।

    ਇਸ ਵੇਲੇ 18ਵੀ ਲੋਕ ਸਭਾ ਦੀਆਂ ਆਮ ਚੋਣਾਂ ਦਾ ਅਮਲ ਚੱਲ ਰਿਹਾ ਹੈ। ਇਹ 19 ਅਪ੍ਰੈਲ ਨੂੰ ਸ਼ੁਰੂ ਹੋ ਕੇ ਇੱਕ ਜੂਨ ਨੂੰ ਖ਼ਤਮ ਹੋ ਰਿਹਾ ਹੈ।

    ਵੋਟਾਂ ਦੀ ਗਿਣਤੀ 4 ਜੂਨ ਨੂੰ ਹੋਵੇਗੀ ਅਤੇ ਬਾਅਦ ਦੁਪਹਿਰ ਤੱਕ ਸਪੱਸ਼ਟ ਹੋ ਜਾਵੇਗਾ ਕਿ ਅਗਲੀ ਸਰਕਾਰ ਕਿਸ ਦੀ ਬਣੇਗੀ

    ਇੱਕ ਜੂਨ ਨੂੰ ਜਿਵੇਂ ਹੀ ਵੋਟ ਅਮਲ ਖ਼ਤਮ ਹੋਵੇਗਾ ਮੀਡੀਆ ਅਦਾਰੇ ਅਤੇ ਟੀਵੀ ਚੈਨਲ ਐਗਜਿਟ ਪੋਲ ਕਰਕੇ ਨਤੀਜਿਆਂ ਤੋਂ ਪਹਿਲਾਂ ਹੀ ਜਿੱਤ ਹਾਰ ਦੀ ਭਵਿੱਖਬਾਣੀ ਕਰਨਗੇ।

18. 1 ਜੂਨ 2024ਬੀਬੀਸੀ ਪੰਜਾਬੀ ਦੇ ਲਾਈਵ ਪੰਨੇ ਉੱਤੇ ਤੁਹਾਡਾ ਸਵਾਗਤ ਹੈ

    ਇਸ ਪੰਨੇ ਰਾਹੀ ਅਸੀਂ ਤੁਹਾਡੇ ਨਾਲ ਲੋਕ ਸਭਾ ਚੋਣਾਂ ਦੇ ਆਖ਼ਰੀ ਗੇੜ ਦੇ ਵੋਟ ਅਮਲ ਨਾਲ ਜੁੜੀਆਂ ਜਾਣਕਾਰੀਆਂ ਅਤੇ ਘਟਨਾਕ੍ਰਮ ਸਾਂਝੇ ਕਰ ਰਹੇ ਹਾਂ। ਇਸ ਗੇੜ ਤਹਿਤ ਪੰਜਾਬ ਸਣੇ ਹੋਰ ਸੂਬਿਆਂ ਦੀਆਂ 57 ਸੀਟਾਂ ਲਈ ਵੋਟਿੰਗ ਹੋ ਰਹੀ ਹੈ।