Career Cafe: ਨਰਸਿੰਗ ਪੜ੍ਹ ਕੇ ਵਿਦੇਸ਼ ਗਏ ਤਾਂ ਕੀ ਫ਼ਾਇਦੇ ਤੇ ਨੁਕਸਾਨ- ਮਾਹਿਰ ਤੋਂ ਜਾਣੋ

ਨਰਸਿੰਗ ਨੂੰ ਅਕਸਰ ਕੁੜੀਆਂ ਨਾਲ ਜੋੜ ਕੇ ਦੇਖਿਆ ਜਾਂਦਾ ਹੈ। ਕੋਈ ਕੁੜੀ ਭਾਰਤ ਤੋਂ ਬਾਹਰ ਜਾਣ ਦੇ ਮਕਸਦ ਨਾਲ ਇਸ ਨੂੰ ਕਰਦੀ ਹੈ ਤਾਂ ਕੋਈ ਇਸ ਨੂੰ ਆਪਣਾ ਕਰੀਅਰ ਬਣਾਉਣਾ ਚਾਹੁੰਦੀ ਹੈ।

ਨਰਸਿੰਗ ਦੀ ਮਾਰਕਿਟ ਵਿੱਚ ਕਿੰਨੀ ਮੰਗ ਹੈ, ਇਹ ਜਾਣਨ ਲਈ ਅਸੀਂ ਕਰੀਅਰ ਕਾਉਂਸਲਰ ਰੂਹੀ ਢੀਂਗਰਾ ਨਾਲ ਗੱਲਬਾਤ ਕੀਤੀ।

ਤੁਸੀਂ ਇਹ ਗੱਲਬਾਤ ਵੀਡੀਓ ਵਿੱਚ ਵੀ ਦੇਖ ਸਕਦੇ ਹੋ:

ਰੂਹੀ ਢੀਂਗਰਾ ਮੁਤਾਬਕ, "ਨਰਸਿੰਗ ਕਰੀਅਰ ਇਸ ਵੇਲੇ ਵੀ ਭਾਰਤ ਵਿੱਚ ਵਿਕਾਸ ਕਰ ਰਿਹਾ ਹੈ। ਚੰਗੇ ਹਸਪਤਾਲ ਕਾਰਪੋਰੇਟ ਪੱਧਰ 'ਤੇ ਵਿਕਾਸ ਕਰ ਰਹੇ ਹਨ।"

"ਇਸ ਦੇ ਨਾਲ ਹੀ ਨਰਸਿੰਗ ਦੇ ਮੌਕੇ ਵੀ ਵੱਧ ਰਹੇ ਹਨ। ਭਾਰਤ ਵਿੱਚ ਨਰਸਿੰਗ ਦੇ ਖ਼ੇਤਰ ਵਿਚ 'ਪੇਅ ਸਕੇਲ' ਜ਼ਿਆਦਾ ਨਹੀਂ ਹੈ ਪਰ ਵਿਦੇਸ਼ ਵਿੱਚ ਚੰਗੀ ਤਨਖਾਹ ਦਿੰਦੇ ਹਨ।"

ਨਰਸਿੰਗ ਦੇ ਕੋਰਸ

ਭਾਰਤ ਵਿਚ ਨਰਸਿੰਗ ਦੇ ਹੇਠ ਲਿਖੇ ਕੋਰਸ ਮੌਜੂਦ ਹਨ।

ਨਰਸਿੰਗ ਰਾਹੀਂ ਵਿਦੇਸ਼ ਜਾਣ ਲਈ ਕੀ ਕਰਨਾ ਚਾਹੀਦਾ ਹੈ

ਜੇ ਕੋਈ ਨਰਸਿੰਗ ਰਾਹੀਂ ਵਿਦੇਸ਼ ਜਾਣਾ ਚਾਹੁੰਦਾ ਹੈ ਤਾਂ ਫਿਰ ਨਰਸਿੰਗ ਦਾ ਕੋਰਸ ਕਰਨ ਲਈ ਭਾਰਤ ਨਹੀਂ ਸਗੋਂ ਵਿਦੇਸ਼ੀ ਯੂਨੀਵਰਸਿਟੀ ਵਿੱਚ ਹੀ ਕਰੋ, ਖਾਸ ਕਰਕੇ ਉਸ ਦੇਸ ਵਿੱਚ ਜਿੱਥੇ ਤੁਸੀਂ ਜਾਣ ਦੇ ਇੱਛੁਕ ਹੋ।

ਜੇ ਭਾਰਤ ਵਿੱਚ ਨਰਸਿੰਗ ਦਾ ਕੋਰਸ ਕਰ ਕੇ ਵਿਦੇਸ਼ ਜਾਂਦੇ ਹੋ ਤਾਂ ਵਿਦੇਸ਼ ਵਿੱਚ ਉੰਨੀ ਅਹਿਮੀਅਤ ਨਹੀਂ ਦਿੱਤੀ ਜਾਂਦੀ ਕਿਉਂਕਿ ਹਰੇਕ ਦੇਸ ਦੀਆਂ ਲੋੜਾਂ ਵੱਖੋ-ਵੱਖਰੀਆਂ ਹਨ।

ਜੇ ਤੁਸੀਂ ਉਸੇ ਦੇਸ ਵਿੱਚ ਨਰਸਿੰਗ ਦਾ ਕੋਰਸ ਕਰਦੇ ਹੋ ਤਾਂ ਤਨਖਾਹ ਵੀ ਵੱਧ ਮਿਲਦੀ ਹੈ।

ਇਹ ਵੀ ਪੜ੍ਹੋ:

ਕਈ ਦੇਸਾਂ ’ਚ ਕੋਰਸ ਕਰ ਕੇ ਆਏ ਫਰੈਸ਼ਰਜ਼ ਨੂੰ ਵੀ ਚੰਗੀ ਤਨਖਾਹ ਦਿੱਤੀ ਜਾਂਦੀ ਹੈ। ਕੰਮ ਕਰਨ ਦਾ ਵਾਤਾਵਰਨ ਵਧੇਰੇ ਚੰਗਾ ਹੁੰਦਾ ਹੈ।

ਇਸ ਕਿੱਤੇ ਲਈ ਬਹੁਤ ਸਹਿਜ ਭਾਵ ਤੇ ਨਿਮਰਤਾ ਦੀ ਲੋੜ ਹੁੰਦੀ ਹੈ ਕਿਉਂਕਿ ਤੁਹਾਨੂੰ ਹਸਪਤਾਲ ਵਿੱਚ ਖੁਸ਼ਨੁਮਾ ਮਾਹੌਲ ਨਹੀਂ ਮਿਲੇਗਾ। ਇਹ ਸਭ ਉਹੀ ਸ਼ਖਸ ਕਰ ਸਕਦਾ ਹੈ ਜੋ ਦਿਲੋਂ ਕਰਨਾ ਚਾਹੇ।

ਨਰਸ ਲਈ ਕੀ ਯੋਗਤਾ ਹੋਣੀ ਚਾਹੀਦੀ ਹੈ?

ਨਰਸਿੰਗ ਦਾ ਕੋਰਸ ਕਰਨ ਲਈ ਸਭ ਤੋਂ ਪਹਿਲਾਂ 12ਵੀਂ ਪਾਸ ਕਰਨੀ ਜ਼ਰੂਰੀ ਹੈ। ਆਰਟਸ ਤੇ ਸਾਈਂਸ ਦੋਹਾਂ ਖੇਤਰਾਂ ਦੇ ਹੀ ਵਿਦਿਆਰਥੀ ਨਰਸਿੰਗ ਦਾ ਕੋਰਸ ਕਰ ਸਕਦੇ ਹਨ। ਨਰਸਿੰਗ ਦੇ ਭਾਰਤ ਵਿੱਚ ਮੌਜੂਦ ਕੋਰਸਾਂ ਦਾ ਵੇਰਵਾ www.indiannursingcouncil.org 'ਤੇ ਦੇਖ ਸਕਦੇ ਹੋ।

ਇਹ ਵੀ ਪੜ੍ਹੋ:

ਇਹ ਵੀਡੀਓ ਵੀ ਦੇਖੋ:

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)