EFCC Chairman Ibrahim Magu wey chop suspension for allegation of corruption don comot from detention on bail

Published

Ibrahim Magu wey chop suspension sake of for allegation of corruption as head of Nigeria corruption police- EFCC don comot for detention afta more than a week for detention.

Magu, di suspended acting chairman of di Economic and Financial Crimes Commission, EFCC get release from detention on bail on Wednesday evening.

A team of security pipo from Nigeria secret police - di Department of State Services, di Force Criminal investigation department (from Nigeria police department) bin arrest Magu to appear before Justice Ayo Salami presidential panel wey di investigate di anti-graft agency during im tenure.

Since den, Magu don dey detention for di Force Criminal Department for Abuja wia e dey go to go ansa question from di panel.

Di suspended acting Chairman of the Economic and Financial Crimes Commission bin spend 10 days in police custody.Magu nta arrest on 6 July, 2020 ontop allegation say e no fit account for di interest wey enta ontop recovered funds of about N550bn.