Tinubu honour 51 Nigerians wit National Awards on 27th Democracy Day

President Bola Tinubu don give national honour and recognitions to pro-democracy activists wey fight against military dictatorship and di substainability of di modern democracy in Nigeria.

For im nationwide broadcast to celebrate 27th Democracy Day on Friday, Tinubu announce national awards to 51 Nigerians.

Among di awardees na, General Shehu Musa Yar'Adua wewy dem rename di Institute of Petroleum Studies, Kaduna, to General Shehu Musa Yar'Adua University of Geological Sciences and Engineering Technology to honour in name.

Di president also award lawyers, journalists, and retired military officers and pro-democracy activist, wey fight for Nigeria democracy.

"I dey happy too to announce national awards to di following Nigerians wey suffer persecution, endure shame, exile, prison, and sometimes solitary confinement, so we fit get democracy today," di president tok.

"Fellow Nigerians, 27 years ago, many doubt say democracy go survive for here becos of our diversity. Today, na our sustain our democracy. Di road wey dey front no easy. But June 12 go remind us: Nigerians no dey break. We fit bend, we fit bleed, but we no go break."

During im speech on Democracy Day, June 12, 2026, Tinubu also highlight wetin im administration don achieve in di last three years.

Tinubu tok say im go make sure say im administration dey committed to Nigeria democracy, tackle insecurity security and strengthen di kontri economy.

Tinubu tok about di economic reforms while address di nation on di need for national unity, credible elections, and active participation of Nigeria citizens in di naion building.

Special recognition to di solders of di June 12 struggle:

'Democracy witout security no dey solid'- Tinubu

President Bola Tinubu don tok say im declare security emergency and recruit new security officials becos democracy no go dey solid if security no dey.

Di president tok say im still dey hopeful say di children wey dem kidnap for Borno and Oyo states dem go return home safely very soon.

"Na why dis adminstration declare security emergency and don approve di recruitment of ova 50,000 new police officers and thousands of military recruit," di president tok. .

"Our 2026 budget go commit N5.41 trillion—our largest ever—for defence and security. Our adminstration dey ready to do more to secure our pipo."

Tinubu explain say as a result of dia trainning wit foreign military counterparts to target terrorists centres for Borno state terro-related deaths don drop by 81% since 2015.

Di president tok say dem neutralise ova 13,000 terrorists for 2025 and ova 124,000 gunmen don drop dia weapons.

Tinubu don threaten di gunmen and dia sponsors make dem surrender or dem go face di full face of justice becos di chance to surender no go remain open forever.

"We don move from trainining wit our allies, di United States, France and oda Europe countries, to sharp-sharp targeting. For Arege, Borno State, we don degrade ISWAP command centre. Terror- related deaths don drop by 81% since 2015," Di president tok.

"Dem don neutralise ova 13,000 terrorists in di past year. But we still keep di open door for surrender. Ova 124,000 fighters and dia dependents don drop dia guns since 2023 through Operation Safe Corridor."

"To bandits, kidnappers, and sponsor of terror: Surrender or face di full force of Nigeria. Di chance to surrender no go remain open forever. We no go show any mercy to pipo wey dey trade wit Nigerians blood."

'Democracy suppose reflect di quality of life pipo dey live' - Tinubu

President Bola Tinubu tok say democracy suppose reflect di quality of life pipo dey live in terms of opportunities for youth, farmers, enterpreneurs and Nigeria workers.

Di president tok say di reforms we di Nigeria economy dey undergo no dey easy, but na necessity.

Di president tok say revenue from di reform don bring back stability into di Nigeria economy and revenue don increase across all levels of govment to help fund infrastructure, education, healthcare, and security.

"Three years ago, our public finance dey suffer, investment dey discouraged, and economic uncertainity dey threat our future. We choose to act, embrace reforms to move Nigeria economic freedom," di president tok.

Reform in di petroleum and power sector

President Bola tinubu tok say dem don increase energy supplies and stop di heavy reliance on petrol importation becos of di capacity of local refineries.

Di president tok say wen im take ova power in 2023, di power sector dey face, low power generation, unreliable gas supply, and transmission infrastructure wey dey too weak for power to dey stable.

"Dis result in a sector wey dey generate less than 13,500 Megawatts capacity, e dey transmit less dan wetin e dey generate, distribute less dan wetin e transmit and e dey collect revenue far below wetin dey needed to sustain am," di president tok.

Di president tok say im sign di Electricity Act to resolve di issues and grant states authority to generate, transmit, and distribute power.

E tok say di Presidential Power Sector Task Force dey work hard to reduce di metering deficit and dem don also raise N4 trillion bond to settle verified legacy debts.

"Electricity na democratic dividend wey we owe every Nigerian. We go deliver am," Tinubu tok.

'We believe say Democracy suppose touch pocket'- Tinubu

President Bola Tinubu tok say dem don deploy 10,000 tractors in agricultural sector, help wit di growth of SMEs and di non-oil exports don grow 21% in 2025.

E tok say depsite dis many Nigerians still dey face economic hardship but im admnstration remain focused to reduce inflation, expand food production, create jobs, improve living standards, rebuilding confidence in our economy, and creating conditions for sustainable prosperity.

"Di National Agricultural Development Fund don deploy 10,000 tractors ova di last five years. Ova 1,000 SMEs don gree for export. Non-oil export don grow by 21% last year," e tok.

"Di next phase na to fast-track growth and make sure say every home, community, and region feel di benefit. We believe say Democracy suppose touch pocket."