You’re viewing a text-only version of this website that uses less data. View the main version of the website including all images and videos.
Ghana election 2020 latest news from BBC Pidgin as Ghanaians dey go to polls on Monday 7 December.
Daniel Semeniworima and Princess Igho Williams
Ghana police service don begin deploy officers and men to different constituency and region wey go cover tomorrow election.
BBC Pidgin tori pesin for Kumasi Ashanti region report say thousands of police na im dem deploy .
Ghana President, Nana Akufo-Addo go address de people of Ghana by 8pm Accra Time on Sunday.
Dis nationwide address na wetin de president wan to tell de country ahead of dia 7 December election.
Meanwhile Ghana Electoral Commission go brief tori pipo today about dia final preparation for di election.
Pipo don dey react afta President Nana Akufo make mistake call di name of NDC Parliamentary Candidate, Nii Lante Vanderpuye instead of im own NPP party candidate, Nii Lante Bannerman.
Dis one happun last night wen im dey conclude e presidential campaign for James town.
"No wear party colour on election day"
Na de election security tip for today from Ghana Police Service ahead of tomorrow election day.
Registered voters for Ghana wey dia Voter ID Card dey miss still fit vote on election day 7 December, 2020.
De electoral commission say make dem just go di polling station wey dem register and mention dia name to di officers wey go then look for am.
Meanwhile, Ghana Electoral commission don talk say on election day, dem go use di Biometric Verification Devices(BVD) take verify voters.
Di BVD get record of both di fingerprint and facial recognition of each registered voter. So in case machine no fit detect voter fingerprint, then facial recognition go come be di alternative.
Also, Ghana Electoral Commissionsay dem no go allow any voter wey no wearnose mask enta Polling Station on Election Day.
Click here to sabi all di COVID-19 protocols wey di EC don put in place for di safety of everyone.
Ghana President, Nana Akufo Addo go today conclude im presidential campaign for di 7 December election.
President Akufo-Addo address NPP supporters on Saturady for James Town, Accra.
According to election law all political get today as deadline to finish dia campaign for Monday election.
De Ghanaian leader ask de people of Ghana whether en deliver on de promise to develop Ghana in de last four years since im enter office on 7 January, 2020.
Today Daily Election Security Tips from Ghana Police Service on electoral offences na say "crowding around polling unit fit distract de process".
In order for any party to win de 2020 elections, dem for win at least two out of de three battlegrounds.
Dis be Greater Accra, Central den Western Region.
Historically, dis coastal regions who dey change dema voting pattern in every election - so all eyes dey on Accra, Central and Western ahead of de elections.
"Word Bank" Factor
In addition to winning these regions, de NPP and NDC get dema strongholds or what Ghanaians dey call - "world bank."
De volume of votes from Ashanti Region dey determine how well NPP go perform.
Wey volume of votes from Volta Region dey determine how opposition NDC go perform.
In 2016 for instance, NDC record 115,000 less voter turnout for Volta Region compared to de 2012 turnout, contributing partly to dema loss.
So on December 7, dis be de elements wey you for look out for if you want see who dey win or lose.
"Elections be about counting heads not counting deaths"
Na de commitment of NDC Candidate John Dramani Mahama after en sign peace deal wit Prez. Nana Akufo-Addo on Friday.
US embassy for Ghana commend Ghana election 2020 Peace pact wey President Nana Akufo Addo and John Mahama de leaders of de two main opposition party, sign ahead of de 7 December polls.
For tweet de embassy say de threat of electoral violence be threat to democracy anywhere for de world.
“Political ambitions no suppose be allowed to tear down what generations be don build for ground”
Dem wish Ghana a peaceful election.
De Ghana electoral commission chairperson, Jean Mensa meet wit local and international election observers on Friday ahead of Monday 7 December polls.
De meeting be to update dem on de progress made as dem be dey prepare for de 2020 Presidential and Parliamentary General Elections.
Madam Jean Mensa emphasize make de commission dey ready for successful, credible, orderly, timely and peaceful elections.
I don talk say we believe in elections, and I dey happy to accept de verdict of de people of Ghana.
Na de commitment of President Nana Akufo Addo after en sign peace deal wit John Mahama on Friday.