40' Nigerian winger Rasheedat Ajibade make good run down di right come send in good cross.
Er-Rmchi gada di ball well as Ajibade cross end up for di Moroccan goalkeeper arms.
You’re viewing a text-only version of this website that uses less data. View the main version of the website including all images and videos.
Morocco defeat defending champions Nigeria on penalties to book Wafcon 2022 final place
Defending champions Nigeria dream to win tenth Wafcon title don end afta dem lose 5-4 on penalties to hosts Morocco.
Live Coverage
Helen Oyibo and Tamara Ebiwei
What a chance!
34' Ngozi Okobi miss good chance to give Super Falcons di lead afta mix up from di Moroccan defender and goalkeeper.
Goalkeeper Er-Rmchi misjudge Redouani back pass, wit di goalkeeper out of di goal post di ball fall for Okobi wey fire wide.
Morocco 0-0 Nigeria
30' Mssoudy and Nakkach combine to foul Ayinde.
Okobi cross from di free-kick fly past everybody go over.
25' Both sides never really create much so far.
Goal attempts: Morocco (1) - Nigeria (1)
Corners: Morocco (1) - Nigeria (1)
18' Ayinde send in good cross wey di Morocccan defender clear out for corner.
Mssoudy clear di cross afta di goalkeeper fail to catch am.
Tense game so far
12' - Both teams dey try to control di game by keeping possession.
No clear-cut chance yet from both sides.
Full house for Moulay Abdallah Stadium
Di importance of dis match clear as fans full di 53,000 capacity Moulay Abdallah Stadium for Rabat.
Morocco na dem be di host team and Nigeria na di defending champions.
Wit di way di match don start so far and di way di fans dey cheer di home side, dis match go tie wrapper.
Early chances for both teams
2' - Morocco win early freekick close to Nigerian eighteen. Captain Chebbak to take.
Dem head her cross go over.
Ngozi Okobi soon fire wayward shot go over for Ngieria.
Interesting start to dis game so far
Kickoff!
Di Atlas Lionesses don begin play as dis Semi final match don start.
Time for national anthems
Di players don file out on di pitch ahead of dis big match.
Wit passion on dia faces, players of di Super Falcons chant Arise o Compatriots wey be di national anthem of Nigeria.
Atlas Lionesses of Morocco den follow to sing Cherifian Anthem.
Time no far again before di math go start.
South Africa dey wait winner of Morocco vs Nigeria
Meanwhile di winner of dis semi-final match go play South Africa for Saturday final of Wafcon 2022.
Late penalty from Linda Motlhalo help di Banyana Banyana defeat Zambia 1-0 earlier today.
Coaches tok tough!
Ahead of di Semi-final meeting both teams bin address di press on Sunday.
Morocco coach, Reynald Pedros’ describe di Super Falcons as di 'strongest team for Africa'.
“Nigeria na strong team – di strongest for Africa. Dem dey always qualify for di World Cup.
"We don study dem and know dia strength and I know say for semi-final, eviritin dey possible. We need to do our best.”
Nigeria Coach Randy Waldrum describe di Atlas Lionesses as "one of di surprise of di tournament dia footballers dey outstanding for di development of di game.
"Even though we respect dem, dis match no be match we go play anyhow”.
How both teams line up
See di players wey go start di match for Morocco and Nigeria!
Head to Head
Morocco and Nigeria don meet two time for di history of Wafcon tournament.
Dem meet for di first time for 1998 group stage.
Di Atlas Lionesses kolet wotowoto for dia house sake of say Nigeria wire dem 8-0!
E still dey for record book as di worst beating for Morocco football history.
Two years later for year 2000 di two teams jam again for South Africa, Nigeria still hammer dem 6-0!
Which kontri go kolet dis night?
Wetin dey at stake
If Morocco win dem go qualify for dia first final for WAFCON while di hope of Nigeria to win dia 10th title don end.
But if Nigeria win, e go be dia 13th appearance for di finals of di African Women Football tournament, and di hope of Morocco as host nation to reach final go spoil.
Nigeria dey hope to win di tournament for di tenth time.
Morocco and Nigeria performance for Wafcon 2022 so far
Host nation Morocco dey unbeaten for di tournament, dem win all dia four group matches.
Morocco beat Burkina Faso 1-0 , Uganda 3-1, and Senegal 1-0 to top Group A.
Dis na di first time wey di Atlas Lionness' go reach di Semi-final for di women tournament.
Nigeria lose one match and na South Africa beat dem 2-1 for dia opening group c match.
Since dat defeat, dem don beat Botswana, Burundi and Cameroon and score seven goals.
Dis na di 12th time Nigeria go feature for di semi finals for WAFCON wey dem don win nine times.
Na only for 2008 and 2012 dem fail to win.
Dis game against di Super Falcons go be di toughest for di Atlas Lionesses.
Welcome!
Hello and welcome to our live-text coverage as di Atlas Lionesses of Morocco dey kwanta wit di Super Falcons of Nigeria for di semi-finals of di 2022 Women Africa Cup of Nations tournament.