Morocco defeat defending champions Nigeria on penalties to book Wafcon 2022 final place

Live Coverage

Helen Oyibo and Tamara Ebiwei

1. 18 July 2022Substitution for Nigeria

   77' Onome Ebi no fit kontinu.

   Michel Alozie don replace her.

2. 18 July 2022

   76' Ayane test Chiamaka Nnadozie wey dey in goal for Nigeria.

   Di Paris FC goalkeeper fumble di shot but her defenders later clear di ball wey quickly come back to Nigeria goal as El haj fire over.

3. 18 July 2022

   75' Nigeria defender Onome Ebi don go down injured.

   E be like she no go fit kontinu.

4. 18 July 2022Yellow card

   73' Di game don dey physical now.

   Nakkach don collect yellow card for Morocco.

5. 18 July 2022Nigeria receive second red card

   71' Afta VAR check, di referee don change her mind on di yellow she give Ajibade.

   Di midfielder don collect red card for dangerous tackle.

   As e be, di defending champions don dey reduced to nine-women.

6. 18 July 2022Yellow card

   69' Rasheedat Ajibade don collect yellow card.

   Di referee dey go cehck VAR for possible red card.

   Nigeria already dey down to 10-men afta Ayinde collect red early for second half.

7. 18 July 2022Breaking, Morocco equalise

   66' Sanaa Mssoudy draw Morocco level!

   Di midfielder pounce on loose ball wey Nigeria goalkeeper, Chiamaka Nnadozie parry into her path come fire shot into empty net.

   Morocco 1-1 Nigeria

8. 18 July 2022Breaking, Goal for Nigeria!

   63' Nigeria take di lead.

   Christy Ucheibe header bounce off di post and fall in front of Uchenna Kanu wey force di ball into di net off Yasmin Mrabet

   Morocco 0-1 Nigeria

9. 18 July 2022Morocco make substitution

   61' Salma Amani off, Hamzat ON

10. 18 July 2022Some social media reactions to di game

    As to be expected, di fact say di Super Falcons reach di semi final of di game don make pipo wey no for even dey interested to sit up and take note.

    As di game dey go on, di Super Falcons dey trend for Nigeria.

    See some reactions from Twitter.

11. 18 July 2022Yellow card

    59' Fatima Tagnaout don receive di first yellow card of di game.

12. 18 July 2022

    55' Ashley Plumptre clear Morocco goalbound effort to deny di Atlas Lioness from opening di scoring.

13. 18 July 2022Goal-line clearance

    52' Osinachi Ohale produce good insticts to clear Chebbak looped shot on di goal line.

    Di red card to Nigeria don give di Moroccans more belief.

14. 18 July 2022Breaking, Red card!

    47' Halimatu Ayinde don collect red card for her tackle on Rosella Annie.

    Afta VAR check di referee decide to send off di Super Falcons player for stamp on di heel of di forward.

15. 18 July 2022Second half resume

    46' Super Falcons don resume play as di second half don start.

    Morocco 0-0 Nigeria

16. 18 July 2022How di Super Falcons rate di game so far

    "An enterprising and cagey opening half" - Na so di Super Falcons rate di game.

    Di first half end for 0-0.

    Di Super Falcons dey hope to defend dia title.

17. 18 July 2022Half time statistics

    Possession: Morocco 53% - 47% Nigeria

    Goal attempts: Morocco (1) - (6) Nigeria

    Attempts on target: Morocco (0) - (1) Nigeria

    Corners: Morocco (1) - (1) Nigeria

18. 18 July 2022Half time!

    Morocco 0-0 Nigeria.

    Nothing to separate dis two sides so far.

    Dem go need try again for second half to find di winner.

    If no goal dem go play extra-time.

19. 18 July 2022Into one minute of added time

    45' Referee don add one minute before half-time.

    Morocco 0-0 Nigeria

20. 18 July 2022Clash of heads

    43' Ajibade and Elchad Nesryne dey down and need treatment.

    Di two players bin dey try to meet looped pass by Ayinde. E belike di goalkeeper clash into di two players.

    Afta some treatment, both players dey set to kontinu.