115' Morocco captain Chebbak find space inside di Falcons eighteen wia she finally let fly but her shot hit Alozie.
Nnadozie hurry out to catch di ball and prevent am from going out for corner kick.
You’re viewing a text-only version of this website that uses less data. View the main version of the website including all images and videos.
Morocco defeat defending champions Nigeria on penalties to book Wafcon 2022 final place
Defending champions Nigeria dream to win tenth Wafcon title don end afta dem lose 5-4 on penalties to hosts Morocco.
Live Coverage
Helen Oyibo and Tamara Ebiwei
Hit di bar!
111' Substitute Gift Monday against di run of play don hot di bar for Nigeria.
She waya better shot way beat di goalkeeper but no beat di post as e bounce back off di bar.
Di Nigerian fans for stadium don find dia voice.
Substitution
110' Christy Ucheibe don come off di pitch, Regina Otu don come on to replace her.
Morocco 1-1 Nigeria
Second half of extra time resume
106' Nigeria don restart play for di second half of extra time.
Straight from di restart, di Moroccans win di ball.
Tagnaout try to send in cross into di area, Nnadozie again catch di cross.
Morocco 1-1 Nigeria
End of first half of extra time
105' Morocco 1-1 Nigeria.
Di hosts dey control dis match, dem get di advantage of more players on di pitch but dem neva fit find way past di excellent Chiamaka Nnadozie.
104' Di Moroccans dey throw everitin now at di Super Falcons but dem neva fit find di breathrough dem want.
First Ayane test Nnadozie wit low shot and den later Mssoudy connect wit cross from di right but di Nigerian goalkeeper save di two shots comfortably.
Yellow card
101' Sanaa Mssoudy don collect yellow card.
100' Morocco again create anoda chance, dis time na from left winger Tagnaout.
She fake Payne before she shoot left footed shot, but di shot go wide of di post.
99' Again Mssoudy try her luck from distance, dis time di shot no dey dangerous as e no even dey on target.
Morocco 1-1 Nigeria
95' Morocco dey see more and more of di ball now as Nigeria don retreat to defend.
Mssoudy try to create space for herself before she shoot towards goal, Nnadozie catch her shot.
93' Ayane send low drive shot wey Nnadozie catch well.
Super Falcons reaction to di end of Full-Time
Nigeria Super falcons 9 man team succeed in holding down di 11 man team of Morocco Atlas Lionesses till full time.
Di question na if dem go fit hold dem down for half time?
See how di Super Falcons react to di end of Full Time.
First half extra time
91' Morocco don resume play as we wait for di winner between dis two.
Morocco 1-1 Nigeria.
FT: Morocco 1-1 Nigeria
Dis match go go into 30 minutes of extra-time as both teams still dey level.
Afta di late VAR check, di referee no give penalty.
Nigeria bin take di lead through yasmin Mrabet own goal but Mssoudy equalise for di Atlas Lionesses four minutes later.
Di Super Falcons dey down to nine-women afta Ajibade and Ayinde receive red cards for dangerous foul afta VAR check am.
Morocco 1-1 Nigeria
Save!
90+5' Chiamaka Nnadozie produce good save to deny Morocco from taking di lead.
Di corner kick no produce anytin even as Morocco players ask for penalty.
VAR dey check am.
Into added time
90+1' Six minutes stoppage time don dey added before dis match go enta extra-time if nobody score again.
Speaking of scoring, Tagnaout almost give di hosts di lead but her shot go just wide of Nnadozie post.
Substitution
90' Nigeria coach Randy Waldrum bring on Gift Monday for di tireles Ngozi Okobi.
Morocco 1-1 Nigeria
'Long night for Super Falcons' - Social media react to two red cards
Super Falcons of Nigeria dey down to nine women afta dem collect two red cards for dia game against di Atlas Lionesses.
Na two of Nigeria top players Ajibade and Ayinde collect di red cards.
Wit as much as 6 mins to go excluding extra time di fear na say e go be long night for di Super Falcons.
See as social media dey react.
86' Morocco dey controll much of di possession wit Nigeria down to nine-women.
Di defending champions, di Super Falcons dey hold on so far as dem don fit contain dia hosts.
79' Rita Chikwelu don enta di match, she replace Uchenna kanu.
Di score still remain Morocco 1-1 Nigeria.