HALF-TIME, HT: Egypt 1-0 Mozambique
Referee Dahane Beida blow im whistle to signal di end of first half.
Egypt don dominate dis game so far and dem dey lead through Mostafa Mohamed strike inside 2 mins.
Mozambique go hope to do more afta di break.
Ghana fall to late goal from Rodrigues
Cape Verde score late to beat Ghana 2-1 afta Egypt bin draw 2-2 wit Mozambique.
Live Coverage
Moseph Ekine
, 45+1 mins
Egypt 1-0 Mozambique
Hegazy rise high to connect wit Salah set piece, di defender header no trouble di goalkeeper as di ball go wide.
We don enter into four minutes of added time.
, 42 mins
Egypt 1-0 Mozambique
Salah race through to meet Elneny over di top pass but di goalkeeper read di game well as im rush out to clear di ball and deny di Eyptian any chance at goal.
GREAT SAVE!, 35 mins
What a save by Mohammed El Shanawy.
Di goalkeeper race back to keep out Witi goalbound effort.
E hit di post wit im leg in di process but dey okay to carry on.
Egypt clear di cornerkick to maintain dia lead.
Egypt 1-0 Mozambique
Cooling break, 30 mins
Both teams take some seconds off to cool dia body and take water as di referee signal for cooling break.
Temperature for di stadium dey around 32 degrees.
HITS THE WOODWORK, 25 mins
Lovely, lovely move by di Pharoahs.
Mohamed exchange passes wit Trezeguet before di winger strike di ball towards goal but e hit di bottom of di goalkeeper right hand post.
Egypt 1-0 Mozambique
, 18 mins
Now Mozambique don threaten to score against di run of play.
Witi pluck di ball from di air before e waya shot towards goal, di ball just go narrowly wide.
Di Mambas coach go dey pleased wit dat attempt as e go give dem hope.
, 15 mins
Egypt dey try press Mozambique more.
So far di seven-time Afcon winners dey in charge of dis match.
Dem dey try to find a second goal wey fit kill di game off early.
, 10 mins
Mohamed almost make am two nil inside 10 mins.
Di Nantes forward break free for one quick counterattack before e strike di ball hard towards goal.
Goalkeeper Ernan push di shot out.
Still Egypt 1-0 Mozambique
, 8 mins
Egypt dey in control of di early possession for dis game.
Di early goal go boost dia confidence as now Mozambique need to come out come play.
GOAL, 2 mins
Wia dis foto come from, Getty Images
Egypt take early lead through Mustafa Mohamed.
Di striker collect di ball afta Salah fail to connect wit am before im turn and swivel e shot into di net.
Egypt no come to waste time at all.
KICK-OFF, 1 min
Egypt 0-0 Mozambique
Di Pharoahs don take di first kick of di game as dis group B fixture don begin.
Skip X postAllow X content?Warning: Di BBC no dey responsible for di content of external sites.Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post
, Egypt vs Mozambique (17:00 GMT)
We don dey set for Kick-off as both teams don sing di national anthem.
Today referee come from Mauritania, Dahane Beida.
Mozambique to record first Afcon win?, Egypt vs Mozambique (17:00 GMT)
Mozambique never win one match for di group stages of any Afcon.
Di Mambas don qualify four times in all of those tournaments dem no win one game and dem never progress from di group stage before.
Dem fit do am today?
Tweet at as @bbcnewspidgin on X and use di hashtag #Afcon2023
Team News, Egypt vs Mozambique (17:00 GMT)
Egypt coach Rui Vitoria name strong lineup to face Mozambique. El Shenawy start in go as well as Elneny for midfield, uptop see Salah, Trezeguet and Mustafa Mohamed start as forwards.
Egypt XI: El Shenawy; Hany, Hegazy, Abdelmonem, Hamdy; Elneny, Fathi, Sayed; Salah, Mohamed, Trezeguet
Coach Francisco Junior go lineup wit a 4-4-1-1 formation as im hand starts to Reinildo Mandava and Mexer.
Mozambique XI: Macandza, Mexer, Dove, Mandava, Vilanculos, Guimaraes, Amade, Quembo, Domingues, Ratifo
Nigeria share point wit Equatorial Guinea for dia first Afcon 2023 game
Salah fit lead Egypt to eight Afcon victory?
Wia dis foto come from, Getty Images
Mohamed Salah go look to captain Egypt team to record-extending eighth victory wen dem begin dia 2023 Africa Cup of Nations bow for Ivory Coast afta im finish as runner-up wit di Pharaohs twice.
Di Liverpool forward bin miss out on penalties for di 2021 Afcon final against Senegal, as former Reds team-mate Sadio Mane net di winning spot-kick.
Di defending champions solidly dey among di favourites to lift di trophy but dem dey face threats from across di continent - as di tournament no dey predictable plus di fact say di past seven editions don produce seven different winners.
But di Liverpool man fit do am wit Egypt even as more competitive countries dey eye di same prize?
Group B take centre stage, Egypt vs Mozambique (17:00 GMT)
Wia dis foto come from, Getty Images
Seven-time Africa Cup of Nations winners Egypt go play dia first match of di tournament against Mozambique.
Di Pharoahs wey last win di tournament for 2010 dey grouped inside Group B together wit Ghana and Cape Verde.
For Mozambique, dis na dia first appearance for Afcon since dia last one for 2010.
Di Mambas go need to be at dia best to upset di Pharoahs wey finish as finallist for di 2021 tournament as dem lose on penalties to Senegal.
Welcome to di live-text commentary of di match between Egypt and Mozambique