Millions of Americans vote for next US president inside tight race

Both Trump and Harris don chart dia own historic and difficult paths to election day.

Summary

Millions of Americans across US dey cast dia votes, as Donald Trump and Kamala Harris dey in a race to become di next president
Trump say e dey "confident" as e cast im vote for Florida, while Harris, wey send her own ballot by mail, ask pipo to “get out and vote”
She be one of di 82 million pipo wey vote before election day, and polls suggest say di race for di White House is neck and neck
Harris don advocate for abortion rights and pledge to lower food and housing costs for working families
Trump don vow to seal di border and don propose tax cuts worth trillions
Americans no only just dey choose di president - dem dey also pick members of di US Congress, and some states dey vote on abortion rights
Wen we go sabi who win di US election? E fit take days - or e fit be soon after polls close

Helen Oyibo, Faith Oshoko, Annette Arotiba, Victor Ezeama and Adebola Ajayi

5 November 2024Elon Musk fit kontinu to give $1m to voters, judge rule
Wia dis foto come from, Getty Images
Elon Musk political group fit kontinu award $1m (£722,000) to voters in swing states, judge rule.
Di giveaway by Oga Musk America PAC go end today, and dem don already sabi who go collect last, one lawyer for di billionaire tok for court hearing yesterday.
In a surprising turn, di lawyer reveal say dem no dey select di beneficiaries of di money anyhow, as many bin believe but na one group dey select dem.
Philadelphia District Attorney Lawrence Krasner bin sue to stop wetin e call "illegal lottery" afta Musk announce say e go give money to one voter in a swing state each day until Election Day.
Pennsylvania Judge Angelo Foglietta no immediately give reason for di ruling, wey e make just few hours afta di hearing, according to di Associated Press.
5 November 2024Today na election day for US
Americans dey vote for dia next president in a general election wey go round off on Tuesday 5 November.
Once election end, depending on how close e be, e dey possible say a winner no go dey known for several hours, days or even weeks.
Dis na wetin you need to know.
5 November 2024Welcome to BBC Pidgin live coverage of di US elections
We welcome una to our live coverage of di US elections wey dey shelle today.
We go dey wit you from now till wen dem go announce di final result.