Nigeria qualify for Africa 2026 World Cup playoffs

Live Coverage

Victor Ezeama and Adesola Ikulajulo

1. 14 October 2025Super Eagles Ahmed Mjusa say make dem win as im birthday gift

   Super Eagles Captain Ahmed Musa don ginger di players wey dey play against Benin today say make dem win as special birthday gift to am.

   E tok dis for video message wey e reveal say dis "dis go be di best birthday gift, you fit give me guys, I miss una and I wish una best of luck".

   E add say "we all know wetin dey at stake wen dem get and wait for di result from South Africa- Rwanda,. I know una fit do am."

   Dis video comot as Nigeria dey prep to go for dia Group C World Cup Qualifier match against Benin Republic. If dem no win e go mean say Nigeria no go go World Cup for di second time in a row. E go be di first time dis kain tin don happun since di team start to dey go for 1994.

2. 14 October 2025LINE-UPS, South Africa vs Rwanda

   South Africa

   Williams, Sibisi, Ndamane, Mudau, Mbatha, Mokoena, Modiba, Mbule, Morena, Appolis, Makgopa

   Substitution: Chaine (Gk), Goss (Gk), Shabalala, Aubaas, Cupido, Sithole Matuludi, Nkota, Moremi, Khoza, Kabini, Moloisane

   Rwanda

   Ntwari Fiacre, Manzi Thierry, Mutsinzi Ange, Byiringiro Jean Gilbert, Niyomugabo Claude, Mugisha Gilbert, Mugisha Bonheur, Bizimana Djihad, Muhire Kevin, Kwizera Jojea, Nshuti Innocent

   Substitutes

   Buhake, Ishimwe, Kavita, Imanishimwe Darryl, Emmanuel, Yunusu, Ruboneka Enzo, Anicet, Abeddy, Gitego

3. 14 October 2025LINE-UPS, Nigeria Vs Benin

   Nigeria

   Nwabali, Fredrick, Sanusi, Ndidi, Ajayi, Osimhen, Chukwueze, Adams, Simon, Iwobi, Bassey

   Substitution

   Adebayo - Ekong

   Arokodare - Onyeka

   Onyemaechi - Abdullahi

   Obasogie - Uche

   Moffi - Olusegun.

4. 14 October 2025Line Up for id Super Eagles Squad don drop!!!

   Nigeria Super Eagles team for dis evening match up don land.

   Di line up include Victor Osimhen wey tori be say bin get injury during di last World Cup qualifying match agaist Lesotho on Friday.

   Oda team members include Alex Iwobi, Moses Simon among odas.

5. 14 October 2025GOAL

   03' Victor Osimhen score Nigeria first goal for dis match afta Samuel Chukwueze give am pass, Osimhen fire di ball inside open net.

6. 14 October 2025First Half

   01' Referee don blow whistle, match don start

7. 14 October 2025Video: How Nigeria, South Africa, Benin fit take qualify

   No need to bring out your calculator to do addition and subtraction of how Nigeria, Benin Republic or South Africa fit qualify for di Fifa World Cup as we don break am down for you.

   Nigeria dey play Benin Republic for home today as dem keep dia hope of qualification alive.

   Benin Republic ft qualify if dem win or draw against Nigeria, but South Africa go gatz lose dia match.

   South Africa fit qualify if dem beat Rwanda but Nigeria need to beat Benin Republic.

   Calm down, make we come look dis one well for di Super Eagles. Nigeria still fit qualify if dem beat Benin Republic, and hope say Rwanda beat South Africa.

   You fit watch di breakdown for here, here or here

8. 14 October 2025Nigeria vs Benin 2026 Fifa World Cup match preview

   Nigeria and Benin go put leg for one trouser for final round of di 2026 Fifa World Cup qualifiers on Tuesday.

   Di match go hapun for di Nest of Champions, Godswill Akpabio International Stadium, Uyo, southern Nigeria.

   Dis match dey important well-well sake of say e go decide wetin go hapun for Group C.

   Na today e go dey clear who dey qualify for di World Cup from di group and who dey go playoffs to go try dia luck.

   Read am hia: https://bbc.com.im/pidgin/articles/cn7el75z105o%3C/p%3E%3C/div%3E%3C/div%3E%3C/article%3E%3C/li%3E%3Cli class="css-xxlek1">

   14 October 2025See group C table and African teams wey don qualify for di 2026 World Cup

   Di new Fifa plan go see all African nations take part for group stage wia dem split 54 nations into nine pools, each group get six teams.

   All di kontris wey top dia qualifying group go automatically book dia place for United States, Mexico and Canada tournament.

   Di four best-ranked second-placed sides go play for play-offs, wey go see dem play semi-final and final for November 2025 to determine which African side go advance to di intercontinental play-off tournament.

   Di final global qualifying round go involve six teams wey go compete for di final two places for di 2026 finals, and e dey expected to take place for March 2026.

   Tunisia and Morocco na di first two African sides wey first qualify for di World Cup.

9. 14 October 2025How Nigeria and Benin performance be bifor?

   Nigeria Super Eagles bin struggle to beat Lesotho 2-1 for dia last match.

   Di match bin give dem hope but di goal wey Nigeria concede open di goal difference between dem and rival Benin Republic.

   Meanwhile, Benin win dia own match, dem beat Rwanda 1-0 to collect all three points.

   Nigeria draw five matches for dis qualifying round wey start for 2024 while Benin draw only three.

   Gernot Rohr wey be Benin Head Coach na former Super Eagles coach bifor, and e sabi how Nigeria dey play - wit hope to win against im former team.

   For di oda side, Nigeria Head Coach Eric Chelle dey ginger say make di Super Eagles fit win against Benin Republic.

10. 14 October 2025Bafana Bafana of South Africa need miracle against Rwanda to qualify

    South Africa for boost dia hope to qualify for di 2026 Fifa World Cup if dem no chop points deduction.

    Bifor, na South Africa bin dey lead group C for di 2026 World Cup table wit 17 points while Benin Republic dey second wit 14 points, Nigeria dey for third position wit 11 points and Rwanda with 11 points too - wen na just two games dey to end di qualifiers.

    But now, di point deduction and failure to beat Zimbabwe for dia last game don make South Africa hope begin dey shake.

    Bafana Bafana of South bin share points wit Super Eagles of Nigeria for dia Fifa World Cup qualifiers game for September.

    Dat game decide many tins for South Africa as dia joy afta di final whistle show say dia hope don increase to qualify wit just two games more to go - but dat joy no last.

    South Africa miss dia chance to move up di group C table, but dem play draw wit Zimbabwe.

    Now, dem go gatz beat Rwanda wit hope say Benin Republic go draw or lose dia match.

11. 14 October 2025Nigeria face Benin Republic for crucial game

    Di Super Eagles of Nigeria dey host di Les Guépards of Benin Republic for Godswill Akpabio International stadium.

    Currently, Benin Republic dey lead Group C wit 17 points while Nigeria dey third position wit 14 points.

    Nigeria bin move one step closer to 2026 FIFA World Cup qualification afta dem beat Lesotho 2-1 last Friday.

    For Benin Republic, di sanction wey Fifa bin sama South Africa give dem high hope to qualify for di 2026 World Cup.

    Di football body say South Africa use Teboho Mokoena, for di game for South Africa vs Lesotho wey dem play for 21 March 2025 for di qualifiers. Na so dem comot three points from dia points.

    Di points deduction give open space for group C wia Nigeria, Benin Republic and Rwanda take get high hope to qualify based on dia final match results.

    Nigeria go need to win dis game against Benin Republic, wit hope say oda Group C toppers lose dia matches.

    Benin Republic just need only one goal to qualify, and hope say di likes of South Africa and Nigeria no win dia games.