BBC News, Pidgin
Waka go wetin de inside

You’re viewing a text-only version of this website that uses less data. View the main version of the website including all images and videos.

Take me to the main website

Nigeria qualify for Africa 2026 World Cup playoffs

Di Super Eagles win wit three goals from Victor Osimhen.

Summary

  • Nigeria host Benin for Godswill Akpabio International stadium
  • South Africa go jam Rwanda for di Mbombela Stadium
  • Nigeria need win by two goals, South Africa need win and hope Benin draw
  • Benin just need a point to qualify

Live Coverage

Victor Ezeama and Adesola Ikulajulo

  1. , Nigeria 2-0 Benin

    40' Nigeria and Benin dey battle for di midfield, di two teams no dy allow ball stay for dia opponent leg.

  2. GOAL, Nigeria 2-0 Benin

    37' Victor Osimhen don score Nigeria second goal! Samuel Chukwueze pass di ball to di goal area Osimhen head di ball inside di net.

  3. , Nigeria 1 - 0 Benin

    33'

    Alex Iwobi is down afta tackle wit Benin player. Di ball don kontinue afta dem quickly attend to am

  4. , Nigeria 1-0 Benin

    33' Nigeria player Alex Iwobi dey for ground sake of bad tackle but im don get up.

  5. , Nigeria 1-0 Benin

    32' Benin hold possession of di ball, dem make di ball towards di post but di ball go over di bar!

  6. GOAL, South Africa 2 - 0 Rwanda

    25'

    Appollis don increase South Africa lead as e score for di 25th minute of di game. Dis don place Bafana Bafana wit two goals ahead of Rwanda wey still dey find goal.

  7. , Nigeria 1 - 0 Benin

    Aside from wetin Nigeria play against Lesotho, di Super Eagles bin make four changes.

    Moses Simon make im 85th appearance while Osimhen dey partner wit Akor Adams for di front.

  8. , Nigeria 1-0 Benin

    28' Side-netting! for Benin, di player fire di ball but e land for side of di net.

  9. , Nigeria 1-0 Benin

    26' Chance for Nigeria! Samuel Chukwueze get di ball for goal area but defender block am, e call for handball but Referee saybno foul.

  10. , Nigeria 1-0 Benin

    25' Freekick for Benin, dem play am but notin comeout.

  11. GREAT SAVE!, Nigeria 1-0 Benin

    22' Nigeria collect ball from Benin player from di midfield, dem build up until di ball reach Victor Osimhen wey fire shot but e land for one player head, Nigeria play di rebound but e go over di bar.

  12. , South Africa 1 - 0 Rwanda

    12' Bafana Bafana dey put more pressure ontop Rwanda as Mokoena give one korrect header but e go ova di bar.

    Rwanda dey find equaliser for dis game but di Bafana Bafana dey out plenti pressure

  13. GREAT SAVE!, South Africa 1 - 0 Rwanda

    Appollis come close to increase di lead for South Africa, but Rwanda goalkeeper make dat great save!!

  14. , Nigeria 1-0 Benin

    Benin get corner kick but e land for Nigeria goalkeeper hand.

  15. , Nigeria 1-0 Benin

    13'Chance for Benin to equalise but di ball land for Nigeria goalkeeper Stanley Nwabali hand.

  16. GOAL, South Africa 1 - 0 Rwanda

    Mbatha put Bafana Bafana for di early lead ahead of Rwanda for inside 5 minutes

  17. , Nigeria 1-0 Benin

    11' Benin collect ball from Nigeria leg and dem dey hold onto di ball since

  18. Fans arrive full stadium for Nigeria vs Benin Republic

    Plenti fans don full stadium to watch Nigeria vs Benin Republic

  19. 08' Nigeria dey try hold di ball to keep possession but Benin no dey give dem space.

  20. Nigeria 1-0 Benin