You’re viewing a text-only version of this website that uses less data. View the main version of the website including all images and videos.
Pipo of Imo, Kogi and Bayelsa state don decide who go govern dem for di next four years.
Victor Ezeama and Helen Oyibo
Di Independent National Electoral Commission (Inec) don raise alarm say armed men hold dia officials hostage for Brass local goment area of Bayelsa state.
Dis na as collation of govnorship election results dey go on for di state.
Di commission say di situation dey detrimental to credible elections for di state.
Inec call on security agencies to immediately facilitate di release of di officials.
Di govnor of Lagos state Babajide Sanwo-Olu wey all be di chairman of di Progressives Governors Forum (PGF) don send congratulatory message give di newly re-elected govnor of Imo, Hope Uzodinma.
Sanwo-Olu for im statement on Sunday say di pipo of Imo state na di real winners sake of say dem believe in Uzodinma to be re-elected for second term.
“Na assurance to us say di APC goment for di state and national levels dey do do sometin right.,” Sanwo-Olu say for im statement.
Di govnor say im party go work on areas of improvement and dem go ‘give Nigerians di best of wetin dem deserve.’
Di Socio-Economic Rights and Accountability Project (SERAP) don send strong message give Professor Mahmood Yakubu, wey be di Chairman of Inec.
SERAP say make Inec identify and arrest anybody wey dey sponsor electoral bribery and violence for di off-cycle governorship elections for Kogi, Imo and Bayelsa state.
Di group also challenge Inec make dem disclose di whole spending wey don follow dis off-cycle governorship elections for di three states go.
Dem lament di cases of bribery and violence wey don happun so far for diz elections and how e dey dangerous to Nigeria democracy.
For dia statement as di election dey go on, SERAP say Inec and politicians neva learn any lesson from previous elections.
Di All Progressives Congress (APC) don condemn di alleged plan of Inec to go collate votes of Nembe and Southern Ijaw for Yenagoa.
APC tok say dem confam say di commission wan move collation of votes wey happun for diz two places wey be dia stronghold go di state capital.
According to di National Publicity Secretary Felix Morka, di plan dey ‘unacceptable’ and suspicious as e go affect di credibility of di Bayelsa election.
APC call on Inec make dem collate di votes for di respective local goment wey di voting happun bifor dem go carry am go di state collation center.
“We dey call on Inec to reverse dia unlawful move, make dem collate results for di local goment wey e happun,” Morka add.
Di Peoples Democratic Party dey for early lead as dem begin announce results for di Bayelsa State governorship election for di State Collation Centre for INEC headquarters, Yenagoa.
Di local goments dem announce na Kolokuma/ Opokuma, Ogbia and Yenagoa LGAs.
Di State Collation Officer, Prof Farouk Kuta, Vice Chancellor, Federal University of Technology Minna, adjourn di collation of results to reconvene by 3pm.
Hopefully by dat time results from di remaining local goment areas go don ready.
Local goments wey remain include Brass, Nembe, Sagbama, Ekeremor and Southern Ijaw LGAs.
Bayelsa State get 8 LGAs wia di election hold.
Civil society group Yiaga Africa don call on Inec to clarify places wia election and location wia upload of results from polling units no hold.
Di group through dia chair Dr Hussain Abdu tok say dia observers from nine polling units document how election no take place for some places for Imo state but dem upload dia results for Irev.
Yiaga dey also call on Inec to investigate reports of election malpractices for places wey accreditation and voting no take place.
Di group also include say transparency and integrity dey important for dis election and dem go expose any area wey mago-mago dey.
Collation of results for di 2023 Kogi state govnorship election don start.
Deputy Vice-Chancellor of di University of Nigeria, Nsukka, Enugu state Professor Johnson Urama na di state returning officer for di Independent National Electoral Commission (Inec).
Kogi state get 21 local goment areas.
Inec bin suspend election for nine wards for Ogori/Magongo sake of electoral malpractices.
Kogi state
LGA: Idah
Registered Voters: 64339
Accredited voters: 230044
APC : 2033
LP: 10
PDP: 271
SDP: 20059
Total valid votes: 22742
Rejected votes: 280
Total votes cast: 23022
No incidents no cancellations
LGA: Ogorimagongo LGA
Registered Voters: 17688
Accredited voters: 665
APC : 362
LP: 1
PDP: 86
SDP: 195
Total valid votes: 658
Rejected votes: 7
Total votes cast: 665
LGA: Yagba West
Registered Voters: 51234
Accredited voters: 17152
APC : 7969
LP: 3
PDP: 3010
SDP: 1002
Total valid votes: 16738
Rejected votes: 363
Total votes cast: 17101
No cancellation no incidence of any form
LGA: Okehi
Registered Voters: 94456
Accredited voters: 57243
APC : 53062
LP: 69
PDP: 2722
SDP: 153
Total valid votes: 57002
Rejected votes: 174
Total votes cast: 57176
No cancellation No incidence everything went smoothly.
LGA: Yagba East
Registered Voters: 53436
Accredited voters: 18001
APC : 7096
PDP: 2615
SDP: 312
Total valid votes: 17649
Rejected votes: 344
Total votes cast: 17993
Cancellation dey for one polling unit for Itodo RA 9 sake of over voting.
LGA: Ijumu
Registered Voters: 66482
Accredited voters: 20405
APC : 10524
PDP: 6909
SDP: 356
Total valid votes: 19991
Rejected votes: 384
Total votes cast: 20375
LGA: Mopamuro
Registered Voters: 26827
Accredited voters: 9193
APC : 5077
PDP: 1562
SDP: 253
Total valid votes: 9049
Rejected votes: 136
Total votes cast: 9185
LGA: Adavi
Registered Voters: 114663
Accredited voters: 103251
APC : 101156
PDP: 1005
SDP: 268
Total valid votes: 103105
Rejected votes: 67
Total votes cast: 103172
LGA: Ofu
Registered Voters: 101964
Accredited voters: 36087
APC : 5245
PDP: 293
SDP: 28768
Total valid votes: 35180
Rejected votes: 587
Total votes cast: 35767
LGA: Kotonkarfe
Registered Voters: 63342
Accredited voters: 27184
APC : 14769
PDP: 2974
SDP: 8441
Total valid votes: 26541
Rejected votes: 308
Total votes cast: 26849
Inec cancel results for three polling unit for Kotonkarfe South-east wey get 2216 registered voters.
Dem cancel di results sake of over voting.
LGA: Bassa
Registered Voters: 69376
Accredited voters: 22276
APC : 9515
PDP: 3605
SDP: 7543
Total valid votes: 21554
Rejected votes: 718
Total votes cast: 22272
Inec cancel election for 4 Polling Units sake of over voting.
LGA: Omala
Registered Voters: 74537
Accredited voters: 22538
APC : 2902
PDP: 832
SDP: 18160
Total valid votes: 22317
Rejected votes: 196
Total votes cast: 22513
LGA: Olamaboro
Registered Voters: 105864
Accredited voters: 30287
APC : 5572
PDP: 1376
SDP: 22173
Total valid votes: 29731
Rejected votes: 495
Total votes cast: 30226
LGA: Ankpa
Registered Voters: 180095
Accredited voters: 57650
APC : 8707
PDP: 3654
SDP: 43258
Total valid votes: 56395
Rejected votes: 873
Total votes cast: 57268
LGA: Okene
Registered Voters: 151243
Accredited voters: 141898
APC : 138416
PDP: 1463
SDP: 271
Total valid votes: 141404
Rejected votes: 134
Total votes cast: 141538
LGA: Dekina
Registered Voters: 187881
Accredited voters: 60588
APC : 9174
PDP: 499
SDP: 47480
Total valid votes: 59151
Rejected votes: 1168
Total votes cast:60319
Inec cancel results for two polling units sake of over voting.
LGA: Ajaokuta
Registered Voters: 96504
Accredited voters: 33806
APC : 23211
PDP: 483
SDP: 8869
Total valid votes: 33173
Rejected votes: 580
Total votes cast: 33753
Many supporters of di Peoples Democratic Party carry protest go Inec headquarters for Yenagoa di Bayelsa State capital.
Dem dey protest di one wey some alleged supporters of di All Progressives Congress no allow dem participate for di elections for Nembe- Bassambiri.
Di protesters wear black on black and block di road but di security pipo on duty for Inec no allow dem come near di headquarters.
Dis affect movement to di Swali axis of Yenagoa as di protest make dem no allow vehicles to pass and e make dem increase security vigilance for di area.
Di ruling All Progressives Congress Party for Imo state win all di 27 local goment areas for di Govnorship election wey take place for 11 November.
APC party candidate, Govnor Hope Uzodinma defeat 17 oda candidates according to INEC.
See wetin Nigerians dey tok about di election for social media.
@agbani22444810 say ‘’Na mumu dey believe INEC’’.
For @Max1Brownie e say ''hold INEC responsible for all di lapses''
And for @XrisDwhyner e say ''More like INEC win for all di 27 LGA''.
Dis na wetin adekola damilola tok e say ''Dis INEC worse pass Maurice Iwu own''.
Generally pipo no really come out to vote for di different states wey election bin take place dis weekend
And INEC bin address di mata of forged election result for Kogi state and oda issues for Imo state too.
Di Independent National Electoral Commission (Inec) don suspend election for di nine wards wey dey Ogiri/Magongo local goment area of Kogi state.
Di wards include Eni, Okibo, Okesi, Ileteju, Aiyeromi, Ugugu, Obinoyin, Obatgben and Oturu.
Di electoral body say dem take dis action afta dem receive reports of electoral malpractices, especially cases of result sheet before voting from dia officials for Kogi state.
“Reports show say incidents occur for Adavi, Ajaokuta, Ogori/Magongo, Okehi and Okene local goment areas. Di most serious incidents occur for Ogori/Magongo, wey arrect nine of 10 registration areas.”
Inec say dem dey investigate cases of electoral fraud for oda local goment areas.
Dem add say dem get record of all officials dem deploy go di state and di election materials dem give dem and appropriate sanctions go dey applied wia necessary.
Di commission assure voters for Kogi state say dia votes go dey protected and dia wishes go dey respected.
Di Independent National Electoral Commission (Inec) don declare Govnor Hope Uzodinma of di All Progressives Congress (APC) winner of di 11 November, 2023 govnorship election for Imo state.
Di Vice Chancellor of di Federal University Oye Ekiti, Prof Abayomi Fashina wey be di state Returning Officer declare Uzodimma re-elected on Sunday morning at about 10:am afta ova eight hours of collation of local goment results.
“Say you Hope Uzodimma of APC having satisfied di law is hereby returned elected,” Prof Fashina declare.
Di Supreme Court for January 2020 bin first declare Hope Uzodinma as Imo state govnor afta dem cancel di election of Emeka Ihedioha of di Peoples Democratic Party (PDP), one situation wey make am attract more political enemies for di state wey dey suffer from security issues of “unknown gunmen”, kidnapping and endless Monday sit-at-home wey one separatist group for South-eastern group for Nigeria, di Indigenous People of Biafra (Ipob) dey order.
Uzodimma, 64, bin seek re-election for Saturday poll and e clear all di 27 local goment areas for di state.
Uzodimma beat PDP Samuel Anyanwu, Labour Party (LP)’s Nneji Achonu, Jack Ogunewe of di Action Alliance (AA), plus 14 oda opponents.
Di APC candidate gada 540, 308 votes to defeat im closest rivals, PDP Anyanwu, wey get 71,503 votes and LP’s Achonu wey get 64,081.
Dis na di moment some men beat and bundle out di state agent of Labour Party inside di collation centre for Owerri.
Di gbege start early mor-mor today wen di LP agent begin protest di declaration of di result for di Imo state governorship election.
Di incident happun before di di state Returning Officer of Inec for di election, Vice Chancellor of di Federal University, Oye Ekiti, Prof Abayomi Fashina, Police oga and oda ogbonge pipo wey dey part of di election for Imo state
Economic Financial Crimes Commission (EFCC) don arrest 14 suspected vote buyers for Otueke, Adawari playgrounds for Bayelsa state and for various polling units for Imo and Kogi states.
Di kontri financial corruption police tok say dem recover in total N11,040,000 from di suspected vote buyers and sellers plus electoral fraud suspects across Imo state.
EFCC say dem arrest dem on Saturday for statement say dem collect two vehicles from di suspects and dem go charge dem go court as sonn as dem finish investigations.
Di Independent National Electoral Commission office for Kogi state go officially open today for collation of results.
According to officials, di collation of results from Local Goment Areas go begin around 10am on Sunday 12 November, 2023.
Di pipo of Kogi state bin come out on Saturdy 11 November, 2023 to elect di next govnor.
Kogi get 21 Local Goment Areas and e dey expected say by late Monday or Tuesday morning all di results go don land for declaration.
Collation of results don start for di off-cycle election for Imo state Southeast Nigeria.
Di State collation centre start around 02:30am for early mor-mor of today for Owerri, di state capital.
Na di Vice Chancellor of di Federal University, Oye Ekiti, Prof Abayomi Fashina be di state Returning Officer of di Independent National Electoral Commission (Inec) for di election.
Di main candidates for di election na govnor Hope Uzodimma wey dey seek re-election, Samuel Anyanwu of di Peoples Democratic Party (PDP) and Labour Party Achonu Nneji.
Head of Voter Education for Inec, Kogi State Haliru Sule say dem dey investigate all di allegations wey showface for di Kogi election.
Allegations of vote buying, violence, di arrest of one Local goment Chairman wey carry money and ammunitions plus di result sheet wey Dino allege say dem don already fill.
Im tell BBC Pidgin say na hear dem hear di mata too but dem need to do investigation to confam weda na true or na lie.
Di election start slowly for di three states yesterday but tins begin pick-up as di day progress.
Eye dey on top di three states as per who go win di election
Dis na some highlights from yesterday;