د متحدو عربي اماراتو ولسمشر "شیخ خلیفه بن زاید ال نهیان" ومړ
د عکس سرچینه، WPA Pool
د متحدو عربي اماراتو ولسمشر او د ابوظبۍ امیر 'شیخ خلیفه بن زاید بن سلطان ال نهیان' نن جمعه د ۷۳ کلونو به عمر مړ شوی دی.
هغه چې د شیخ زاید بن سلطان مشر زوی و، په ۲۰۰۴ کال د خپل پلار له مړینې وروسته د ابوظبۍ حاکم او ولسمشر شو او ترڅنګ یې د متحدو عربي اماراتو د وسله والو ځواکونو اعلی سر قوماندان هم و.
شیخ خلیفه بن زاید که څه هم په ۲۰۱۴ کال کې د مغزي سکتې له کبله د ناروغۍ پر بستر پریوت او له هغې راهیسې یې د هېواد مهمو چارو کې نقش نه درلود، خو رسمآ پر دغو دندو پاتې و.
دې موده کې د هېواد چارې تر هغه کشر ورور عبدالله بن زاید پر مخ وړلې.
د شيخ خليفه بن زايد ال نهيان د مړينې له کبله ګڼ شمېر کسانو د خواشينۍ غبرګونونه څرګند کړي دي.
د پاکستان لومړی وزیر شهباز شریف د نړۍ له لومړنیو مشرانو دی چې د شیخ خلیفه بن زاید ال نهیان پر مړینه یې خواشینې ښودلې.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 1
د طالبانو د بهرنيو چارو وزارت وياند عبدالقهار بلخي هم د شيخ خليفه بن زاید ال نهيان د مړینې له کبله خواشيني څرګنده کړې ده.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 2
متحد عربي امارات په ۱۹۷۱ کال د اوو امارتونو د اتحاد پایله کې رامنځ ته شو، اوبو ظبۍ پکې تر ټولو ستر امارت دی او د دغه امارت حاکم د هېواد ولسمشر هم وي.
د رپوټونو له مخې عبدالله بن زاید بن سلطان ال نهیان به ژر د خپل مشر ورور شیخ خلیفه ځای ناستی اعلان او رسمآ د متحدو عربي اماراتو د ولسمشر په توګه کار پیل کړي.
