تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د هند ګوجرات کې توپان؛ ۲۰۰ زره خلکو خپل کورونه پرېښي
د هند ګوجرات ایالت کې د تېز توپان له کبله لږترلږه ۲۰۰ زره وګړي له خپلو کورونو وتلو ته اړ شوي. د هند سمندري ځواکونو ویلي، د یوې بار وړونکې بېړۍ ډوبېدو کې ۱۲۷ کسان تري تم شوي دي.
د توپان چټکوالی په یوه ساعت کې ۱۶۰ کیلومتره ښودل شوی دی.
خاورین توپان د هند لوېدیځ ته مخه کړې ده چې تر اوسه یې ۱۲ کسان وژلي دي.
د هند سمندري ځواکونو درې بېړۍ د سلګونه وګړو د ژغورنې لپاره استولې دي.
ګوجرات کې اوس روغتونونه له کړکېچ سره مخامخ دي.
هند کې توپانونه داسې مهال راغلي چې دغه هېواد د کورونا وبا له خونړۍ څپې سره مخامخ دی.
د سې شنبې په ورځ،، د هند د هوا پېژندنې ادارې پر ټویټر لیکلي وو، توپان تر پخوا یوڅه کمزوری شوی دی او د لا نورې کمزورتیا اټکل یې هم شوی.
د توپان د تېزوالي له کبله ځینې ونې او د برېښنا پایې له بېخه رایستل شوې دي.
پر ځینو سیمو د احتیاط لپاره برېښنا پرچاو شوې ده.
دا د تاوکتايي توپان په نامه یادېږي، چې له ۱۹۹۸ کال راهیسې پر دغه سیمه راځي، ګوجرات او ورڅېرمه مهارشترا سیمې ډېرې ځي. ممبۍ ښار ته لوړې کچې تیارسئ امر شوی دی.