ښځه په داسې کور کې چې ټول له ځیګځیګیو ډک دی

یوې ښځې چې خپل او د مور کور یې له ژغورلیو ځیګځیګیو ډک کړی وايي، نور یې نه شي ساتلی.

پاولا ګانر د برتانیا په یوه سیمه کې له تېرو پنځو کلونو راهیسې د ازغنو ژویو نرسه ده.

هغه وايي دا مهال تر اتیا ځیګځیګي ور سره دي او نور تر پوزې راغلې ده.

د نامالومې ناروغۍ او تودې هوا سره د دې کور ته د ځیګځیګیو تګ ډېر شو.

* ښځه تر نیمې شپې الوتکه کې یوازې ویده پرېښودل شوې وه

* امریکايي پولیس هغه ښځه لټوي چې ودونو کې غلا کوي

مېرمن ګانر وايي د ژغورلو عملیات یې پنځه کاله مخکې هغه مهال پیل کړل چې مور یې له چنجیو ډک ځیګځیګی وموند، خو د هغه د درملنې لپاره کوم روغتیايي مرکز نه و.

د څارویو ځايي ډاکټر دا ور ښودلي چې ځنګه د ژویو رغېدو کې مرسته وکړي او بېرته یې روغ کړي.

کله چې هغې په دې تړاو فیسبوک کې تبصره وکړه، نو ډېرو خلکو د درملنې لپاره ناروغ ځیګځیګي ور وړل.

اوس د هغې کور له رغېدلیو ځیګځیګو ډک دی او په ګاونډي کلي کې د خپلې مور کور هم د دا ډول ځیګځیګیو د درملنې لپاره کاروي.

هغه زیاتوي چې نامالومه ناروغي ځوان ځیګځیګي وژني او دې چارې خپله دا او ژوپوهان ګنس کړي دي:

"ډېرې ازموینې وشوې، خو بیا هم هېواد او فرانسه کې دا ژوي مړه کېږي".

تېر کال د یوه رپوټ له مخې برتانیا کې د ځیګځیګیو شمېر تر پنځوس سلنې کم شوی دی.

مېرمن ګارنر چې د ژغورنې عملیات کوي، له داوطلبو غواړي چې ځنګل ته د ځیګځیګو تر پرېښودلو مخکې دا ژوي ښه تیار کړي.

نوموړې خپل کور کې له ځیګځیګیو تر پوزې راغلې، خو لاسنیوي یې نه پرېږدي او غوړي په اوږدمهال کې ځای ورته کرایه کړي.