تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د پیسو سپینولو لاملونه او لارې
پیسې سپینول داسې بهیر دی چې په هغه کې له بې قانونه لارو ترلاسه شوې پیسې په داسې پیسو یا شتمني واوړي چې په ښکاره له قانوني لارو ترلاسه شوې وبلل شي او له دې لارې "د سپینو شوو پیسو" په ډول پر اقتصاد ور ګډې شي.
د پیسو سپینولو لامل
پیسې ځکه سپینېږي چې د ترلاسه کولو اصلي سرچینه یې پټه پاتې شي.
له مالیې تېښته هم د پیسو سپینولو بل دلیل بلل کېدلی شي.
پیسې سپینول له اصلي جرم د ترلاسه شوي عاید د پټولو لپاره یو بل څنګزن(فرعي) جرم دی.
د پیسو سپینولو جرم هم تر ډېره له لومړني جرم سره تړلی.
پیسې سپینوونکي تر ډېره هغه کسان دي چې د نشه يي توکو له قاچاق، اداري فساد، بډو او نورو بې قانونه لارو عاید ترلاسه کوي او بیا یې سپینوي.
پیسې څنګه سپینېږي؟
دا بهیر مختلف پړاوونه لري، چې ځینې یې دلته یادولی شو:
- اول پړاو کې د دلالانو په مټ تورې پیسې مالي او بانکي سیستم ته اچول کېږي
- دویم پړاو کې دا پیسې په پېچلو لارو سره ګڼو حسابونو ته لېږدول کېږي.
- وروستي پړاو کې، دا پیسې چې په ډېر لېږد را لېږد سره دودیزې ښکاري، ترې کار اخیستل کېږي.
خو شرایطو ته په پام، ممکن ځینې پړاوونو ته اړتیا نه وي.
د پیسو سپینولو څو لارې
- نغدې پیسې لېږدول: په دې لار له بې قانونه کار ترلاسه شوی عاید چې نغدې پیسې وي مالي موسسو ته لېږدول کېږي.
- پیسې ګډول: په دې ډول کې د قانوني اقتصادي فعالیت عاید په نغد ډول ترلاسه کېږي او تورې پیسې هم پر دغه قانوني عاید ور ګډېږي او څېښتن یې یې دعوه کوي چې ټول عاید یې قانوني دی.
- د پیسو بڼه بدلول: په دې ډول سره تورې پیسې پر سرو زرو یا نورو ونډو بدلېږي.