حمید حسن د کرېکټ ملي لوبډلې د توپ اچونې روزونکی ټاکل شوی
د عکس سرچینه، ACB
د افغانستان د کرېکټ ملي لوبډلې چټک توپ اچونکی حمید حسن د دغه هېواد د ملي لوبډلې د توپ اچونې روزونکي په توګه ټاکل شوی او د یوه لوبغاړي په توګه له لوبیدو یې استعفا کړې ده.
د افغانستان کرېکټ بورډ نن د یوې خبرپانې په خپرولو د دې نوي مقری خبر خپور کړی.
حمید حسن بیا پخپله فېسبوکپاڼه لیکلي "نن مې ډېره لویه پرېکړه وکړه او هغه دا چې ل نړیوال کرېکټ سره مخه ښه کوم خو یوه بل مسولیت ته مې اوږه ورکړه چې د هېواد راتلونکی پکې پروت دی."
هغه لیکلي "له نن نه وروسته به د افغان لوبډلې د توپ اچونې روزونکي په توګه دنده ترسره کوم."
د کرېکټ د مشهورې وېبپاڼې کرېک انفو د معلوماتو له مخې حمید حسن د افغانستان په ګټه ۳۸ یو ورځنۍ، شاوخوا ۷۰ شل اویزه او ۵۵ اې لېست لوبې کړي.
هغه په افغان لوبډله کې تر ټول اغېزناک او مشهور چټک توپ اچونکی و چې له ټپي کیدو وروسته یې تر اوږدې مودې په لوبډله کې تشه حس کیده.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای
هغه په ۲۰۰۷م کال کې لومړۍ افغان لوبغاړی شو چې د کرېکټ په کور لارډز لوبغالي کې د اېم سي سي لوبډلې په ګټه لوبیدلی.
حمید حسن د افغانستان په استازولی لومړۍ لوبه په ۲۰۰۹ کال کې د سکاټلېنډ خلاف وکړه او بیا ۲۰۱۹ نړیوال جام کې د پاکستان خلاف وروستۍ پنځوس اوریزه سیالۍ کې ولوبید بیا د ټپونو له کبله ډېر وخت له لوبډلې کېښنول شوی و.
وروستۍ ځل د نېوزېلانډ خلاف په کال ۲۰۲۱م کال نومبر میاشت کې په یوه شل اوریزه لوبه کې هم ولوبید او تر ډېره یې خپل کریر ساتلی .
هغه په یوه لوبه کې په زنګون سخت ټپ وخواړه له همدې کبله وخت نا وخت د اړتیا پر مهال د ملي لوبډلې برخه وه.
