تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
کرېکټ غوره لیګ: ننګرهار بلخ ته په شپږو وېکټو ماتې ورکړه
د افغانستان د کرېکټ غوره لیګ سیالیو په ۱۷مه لوبه کې د ننګرهار لوبډلې د چارشنبې بر ورځ بلخ لوبډلې ته په ۶ وېکټو ماتې ورکړه. د لوبې پچه بلخ وګټله او لومړی یې د منډو جوړولو پرېکړه وکړه.
بوپارا ۳۵ او دروېش رسولي ۲۷ منډې جوړې کړې.
خو د بلخ نور توپ وهونکي ډېر ونه ځلېدل او په پای کې یې په خپلو ۲۰ اورونو کې په ۷ وېکټو یوازې ۱۳۳ منډې وکړای شوې.
د ننګرهار لپاره نوین الحق، فضل نیازي او ظاهر خان دوه دوه وېکټې واخیستې.
ورپسې ننګرهار خپله پاڼۍ پیل کړه، او د سر لوبغاړي اندرې فلېچر ۴۸ منډې وکړې.
تر ده وروسته حشمت الله شهیدي ۳۱ او شفیق الله ۲۷ منډې وکړې او د ننګرهار لوبډله یې بریالۍ کړه. فلېچر د لوبې غوره لوبغاړی ونومول شو.