له ۲۵ کلنۍ نه د کولیسټرولو په فکر اوسئ

څیړونکي وايي خلک باید له شل کلنۍ وروسته خپل د کولیسټرولو د غوړو کچه وڅاري.

دا خبره د هغې څېړنې په پایله کې شوې چې د بدو کولیسټرولو په اړه ترسره شوې ده.

دا طبي څېړنه چې په "لانسټ" اونیزه کې چاپ شوې، څېړونکي یې وايي، ښه ده چې خلک په بیړه د پرهېز یا درملو په وسیله د کولیسټرولو لوړه کچه ټیټه کړي.

کولیسټرول څه شي دي؟

کولیسټرول یو ډول ته غوړ دی چې په ځینو خوړو کې موندل کېږي، همدارنګه په ځیګر کې هم جوړېږي.

موږ د ټسټوسټرون، اسټروجن او ویټامین ډي هورمونونو د جوړښت او نورو ترکیباتو لپاره دې مادې ته اړتیا لرو.

دوه ډوله کولیسټرول شته:

د دې څېړنې موندنې څه وې؟

په دې څېړنه کې، څېړونکو له ۱۹ هېوادونو د څه باندې ۴۰۰ زره کسانو پر معلوماتو ازموینه کړې او ارزولي یې دي. د ارزونې پایلو ښودلې چې د پاخه عمر یا زړبودۍ په لومړیو کلونو او ۴۰ کلنۍ کې د بدو کولیسټرولو او د زړه او رګونو د ناروغۍ ترمنځ قوي تړاو موجود دی.

څېړونکي توانېدلي چې تر ۳۵ کلونو په ډېر عمر لرونکو خلکو کې د زړه د حملې یا سکتې شونتیا او جنس او د بدو کولیسټرولو کچې ته په پام سره، د وینې د فشار اټکل وکړي.

په برتانیا کې کابو ۸ میلیون خلک د خپلو بدو کولیسټرولو د ټیټولو لپاره سټاټین درمل کاروي.

اټکل کېږي په سلو کې دوه کسان چې په ۵ کلونو کې یې دا درمل خوړلي وي، د زړه له حملې یا سکتې سره نه مخامخېږي.

د خوړ سالم رژیم او په ژوند کې فزیکي فعالیت هم کولیسټرول ټیټولی شي.

له ۳۰ کلنۍ پورته کوم خلک سټاټین خوړلی شي؟

ضرور نه ده چې ډاکټران دې د لوړ کولیسټرول لرونکو خلکو ته د دغو درملو خوړلو سپارښتنه وکړي.

پروفیسر بلنکنبرګ بي بي سي ته وویل: "زه په قوي توګه ځوانانو ته دا سپارښتنه کوم چې په وینه کې د کولیسټرول له کچې خبر وي او پر بنسټ یې پرېکړه وکړي - د سټاټین خوړل له دغو پرېکړو ګڼل کېدای شي."