تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د امریکا ولسمشر ډونلډ ټرمپ وايي، د ټاکنو پایلې فوق العاده وې او ډیموکراټ سیال یې جوبایډن هم وايي، د بریالیتوب په لار روان دي. څو مهم ایالتونه د دې ټاکنو برخلیک ټاکلی شي، خو ښايي د دې ایالتونو د پایلو اعلان څو ورځې وخت ونیسي.
هدایت الله همیم
امريکا کې د ولسمشريزو ټاکنو لپاره جلسې پای ته رسېدلې خو پر ټولنيزو رسنيو د دواړو ډلو له خوا کمپاين روان دی.
ولسمشر ټرمپ پر ټوېټر د خپلې نڅا ويډيو شريکه کړې او ليکلي يې دي رايه! رايه! رايه!
جوبايډن بيا د کمپاين يوه ويډيو شريکه کړې چې خلک د بايډن-هارس جامې اغوندي او د رايې اچونې مرکزونو ته ځي.
د غه راپور مخکې د بي بي سي پښتو پر يوټيوب خپور شوی.
د امریکا په بېلابېلو ايالتونو کې د پوستې له لارې د اچولو شويو رايو د پايلو د اعلانولو وخت هم يو له بل سره توپير لري. په ځينو ايالتونو لکه فلوريډا کې او ايريزونا کې د نومبر له درېيمې نېټې مخکې د پوستې له لارې د اچولو شويو رايو د شمېرلو پروسه پيل کړې وه خو د دې برعکس وسکونسن او پينسلوينيا کې د رايو شمېر نه دی پيل شوی نو له دې کبله دلته به د رايو پايلې په ځنډ اعلانيږي.
داسې ښکاري چې په ځينو ايالتونو کې د رايو شمېرل به اوونۍ وخت ونيسي، د دې مطلب دا دی چې په رسمي ډول د راتلونکي ولسمشر اعلان به وخت ونيسي.
په امریکا کې نن ځينې خلک د ساعتونو لپاره د رايو اچولو په موخه د مرکزونو مخې ته په قطارونو کې ولاړ وو. د امريکا ځيني ښوونځي او کتابتونونه د رايو اچولو پر مرکزونو بدل شوي دي.
د امريکا پنځوس ايالتونو نهه بېلابېل وختونه يا ټايم زونونه لري، له دې کبله په ټوله امریکا کې د رايو اچولو د پيل او پای وخت يو شان نه دی.
د امريکا په نيو همپشاير کې د رايولو اچولو بهير پیل شوی، ختيځو ايالتونو لکه ورمونټ کې ځايي مهال د سهار پنځه بجې رايه اچونه پيل شوې وه او دلته په سخته سړه هوا کې خلکو خپلې رايې اچولې.
په نورو سيمو لکه کنېټيکټ، انډیانا، کنټاکي، مين، نيو جرسي، نيويارک، ورجينيا کې د سهار شپږ بجې د رایو اچولو پروسه پيل شوې وه.
فلوريډا، جورجيا، لويزيانا، مېشيګن، ميزوري، پينسلوينيا، جنوبي کيرولاينا کې د سهار اووه بجې رايه اچونه پیل شوې وه.
ولسمشر ترمپ تر راتلونکې کرېسمېس پورې له افغانستانه د خپلو ټولو پوځیانو د وتلو خبره کړې خو کابل کې د ملي امنیت سلاکار خبردارۍ ورکړی چې له دغه هېواده د امریکايي ځواکونو د وتلو تیارۍ به افغانستان د کورنۍ جګړې له ریښتیني ګواښ سره مخ کړي. د بي بي سي مشرې نړېوالې خبریالې لېز دوسېت د یوه ځانګړي پوښښ په ترڅ کې دې ته کتنه کړې چې نړۍ له امریکا څه غواړي.
دغه راپور تېره مياشت خپور شوی دی.
د امريکا د ۲۰۲۰ کال ولسمشريزو ټاکنو پر ورځ دغه عکسونه د اټلانټا په فلټن سيمه کې اخيستل شوي، په دې کې ښکاري چې د ټاکنو کميسيون کارکوونکي قسم خوري.
د امریکا ولسمشر او اوسنیو ولسمشریزو ټاکنو ته نوماند ډونلډ ټرمپ خپلو ملاتړو ته په داسې حال کې وینا کړې، چې د ټرمپ اولاد خپل پلار ته د کمپاین لپاره له کورونو وتلي دي.
تېره ورځ په کینوشا، ویسکانسین کې ټرمپ خپلو ملاتړو ته خپل مشر زوی ډان جي ار وراستولی و.
د ټرمپ زوی د خپل پلار ملاتړو ته وینا کې د ټرمپ پر ټاکنیز سیال جو بایډن برید وکړ، بیا یې پر کلیدي رسنیو خوله ورخلاصه کړه او پر خلکو یې غږ وکړ چې رایې واچوي:
"موږ تاسو ته اړ یو چې راووځئ او خپل ملګري هم راوباسئ چې سبا ته رایې واچوي، کله چې موږ دا کار وکړ، موږ نه یوازې امریکا لویه ساتلی شو، بلکې لېبرال یوځل بیا ژړولی شو!."
د استازو جرګې غړي او د مشرانو جرګې ځینې غړي او د امریکا والیان هم په دې ټاکنو کې ټاکل کېږي.
د تېرې یوې پېړۍ د ټاکنو پرتله به د امریکا په راتلونکو ولسمشریزو ټاکنو کې ډېر رایه اچوونکي کډوال ګډون وکړي. دا ۳۲ میلیونه تیت او پرک وګړي پر کومو ټولنو پورې تړاو لري او د ټاکنو پایلې به څنګه بدلې کړي؟ نور په دې رپوټ کې کتلی شئ.
ځانګړې پاڼه: د امریکا ولسمشريزې ټاکنې: ۲۰۲۰
د امریکا د راتلونکو ولسمشريزو ټاکنو په اړه تازه رپوټونه، شننې، څېړنې، د ګوندونو او مهمو څېرو پېژندنه او نور ډېر څه له دې پاڼې موندلی شئ.
یوې جمهوریپالې اسیایۍ- امریکايي ډلې په رسمي ډول د جو بایډن ملاتړ کړی او خپل زرګونه غړي یې هڅولي چې ډیموکراټ نوماند ته رایې ورکړي.
په ۲۰۱۶ کې، د جمهوریپالو اسیايي- امریکایانو ملي کمېټې په ټاکنو کې د ډولنډ ټرمپ ملاتړ کړی و، خو دا ډله وايي چې سږ کال یې د ټرمپ له ملاتړه شا ته شوې ده.
دغې ډلې په یوه خبرپاڼه کې ویلي: "ستونزه نه وه چې تاسو په ۲۰۱۶ کې ډونلډ ټرمپ ته د ډېری محافظه کارانو په شان رایه ورکړه. موږ غوښتل له سیستم بهر یو څوک واک ته ورسوو، خو هغه ټول جوړښت ویجاړ کړی."
"دا هم سمه ده چې تاسو د بایډن له ډېرو پالیسو سره مخالف یاست. دا په دې پورې اړه لري چې امریکا لاهم امریکا ده. زموږ د کورنیو راتلونکی، زموږ د ټولنې، زموږ د لوی ملت او د نړۍ راتلونکی په خطر کې دی!"
ویناپاڼه په دې وینا پای ته رسول شوې ده چې: "جو بایډن ته رایه ورکړئ، امریکا وساتئ!"
که رایه اچونه پرېکنده وي، نوی ټاکل شوی ولسمشر له ټاکنو وروسته، ورځې او اوونۍ د یوې کابینې او د مفصلو پالیسیو په جوړولو تېروي. په همدې مهال پخوانی ولسمشر د سپینې ماڼۍ څخه د کوچېدلو تابیا نیسي او د خپل کور توکي غوټه کوي.
د امریکا د اساسي قانون له مخې، نوی ولسمشر له ټاکنو وروسته د راتلونکي میلادي کال د جنورۍ په شلمه د لوړې مراسم پر ځای کوي.
د امریکا ولسمشریزو ټاکنو په کمپاینونو کې تر ډېره پر کورني سیاست خبرې شوې او پر افغانستان بحث کم شوی دی، خو افغانان د همدغو دوو امریکایي مشرانو په اړه څه فکر کوي.د بي بي سي پښتو ټلویزیون خبریاله شازیه حیا د امریکايي پوهنتون له دوو محصلینو بلقیس احسان او عصمت سهاک سره پر همدغو ټاکنو غږېدلې ده.