د عکس سرچینه، Getty Images
د امریکا او شمالي کوریا د مشرانو تاریخي خبرې
ډونلډ ټرمپ او کېم جونګ اونګ د امریکا او شمالي کوریا د واک پر ګدۍ ناست لومړني مشران دي چې خپلمنځي لیدنه لري. تر یوه سند لاسلیکولو وروسته، کیم وویل، "نړۍ به یو لوی بدلون وویني''. ټرمپ یوې خبري غونډې ته وینا کې وویل، "د پرون شخړه باید د سبا جګړه ونه ګرځول شي."
ژوندی پوښښ
غزا نور هدایت الله همیم
د عکس تشریح، د سوېلي کوریا په لکونو خلک دا خبرې څاري. د ډونلډ ټرمپ او کېم جونګ اون په دې لیدنه کې به د کوریاوو ترمنځ د جګړې پر رسمي پای ته رسولو هم خبرې وشي.
د شمالي او سوېلي کوریاوو ترمنځ د ۱۹۵۰-۵۳ کلونو جګړه په اوربند سره پای ته رسېدلې، خو د سولې پرېکند تړون نه دی شوی.
ښاغلی ټرمپ وايي، چې په دې برخه کې د سولې هوکړه لاسلیکول به د دې خبرو "اسانه برخه" وي.