د امریکا نوې ستراتیژي: د افغانستان هرکلی او د چین نیوکه

ژوندی پوښښ

1. ۳۱ زمری ۱۳۹۶ - ۲۲ اګست ۲۰۱۷وروستی,

   ډونلد ټرمپ له خپلو ملاتړو (ناټو) هیله وکړه چې د نوې ستراتیژي ملاتړ یې وکړي او ویې ویل له ملاتړو حکومتونو غواړي چې خپله ونډه زیاته کړي.

   

   د عکس سرچینه، Getty Images

2. ۳۱ زمری ۱۳۹۶ - ۲۲ اګست ۲۰۱۷ولسمشر ټرمپ

   اوس د دې وخت راغلی چې پاکستان د تمدن، تظم او سولې په هکله خپلې ژمنې وښيي.

3. ۳۱ زمری ۱۳۹۶ - ۲۲ اګست ۲۰۱۷وروستی, ټرمپ

   "امریکا به نور داسې پاکستان ونه زغمي چې ترهګرو ته خوندي پټنځی وي".

   

   د عکس سرچینه، Getty Images

4. ۳۱ زمری ۱۳۹۶ - ۲۲ اګست ۲۰۱۷

   د امریکا ولسمشر هند په دې وستایه چې له افغانستان سره یې د بیا رغونې په برخه کې مرسته وکړه، خو په وینا یې واشنګټن سره له دې چې له پاکستان سره ډېره مالي او پوځي مرسته وکړه، خو بیا هم دغه هېواد د ترهګرو پټنځی دی.

5. ۳۱ زمری ۱۳۹۶ - ۲۲ اګست ۲۰۱۷ټرمپ

   اول کې چې واکمن شوم، غوښتل مې ټول امریکايي ځواکونه له افغانستان وباسم، خو اوس غواړم د عراق تېروتنه تکرار نه شي. د هغه په خبره، په ۲۰۱۱ کال کې له عراق د امریکايي ځواکونو د ژر وتلو پایله هم معلومه شوه. له عراق د امریکا په وتلو سره په دغه هېواد کې بیا تاوتریخوالی زیات شو او داعش پیدا شو.

   

   د عکس سرچینه، Getty Images

6. ۳۱ زمری ۱۳۹۶ - ۲۲ اګست ۲۰۱۷ولسمشر ټرمپ

   له افغانستان د امریکايي ځواکونو بېړندي وتل به تشه رامنځ ته کړي چې ترهګر به یې ډکه کړي.

7. ۳۱ زمری ۱۳۹۶ - ۲۲ اګست ۲۰۱۷وروستی,

   امریکايي ولسمشر دا هم وویل، چې د دوی کار په افغانستان کې د ترهګرو ځپل دي او افغانانو ته د ژوند ښودل نه دي، بلکې افغانان به خپل راتلونکی خپله جوړوي.

8. ۳۱ زمری ۱۳۹۶ - ۲۲ اګست ۲۰۱۷ټرمپ: تر هغه جګړه کوي چې ویې ګټي

   د امریکا ولسمشر ډونلډ ټرمپ خپله افغان ستراتیژي اعلان کړه، چې له مخې یې په افغانستان کې امریکایي پوځیان تر مناسب وخت پاتې کېږي. د چې افغانستان کې به تر هغه جګړه کوي چې ویې ګټي او تر هغه به له وسلوالو طالبانو او نورو ډلو سره جنګ کوي چې مات یې کړي.

9. ۳۱ زمری ۱۳۹۶ - ۲۲ اګست ۲۰۱۷د افغانستان په اړه د ولسمشر ټرمپ ستراتیژي

   د امریکا ولسمشر ډونلډ ټرمپ خپله افغان ستراتیژي اعلان کړه، چې له مخې یې په افغانستان کې امریکایي پوځیان تر مناسب وخت پاتې کېږي.