په امریکا کې نن څه کېږي؟
- اوس د امریکا په ټولو ایالتونو کې د رایې ورکولو بهیر پیل شوی دی. هوايي وروستی ایالت و، چې د رایې ورکولو بهیر پکې پیل شو.
- لږ مخکې ډونلډ ټرمپ د فوریډا ایالت په پام بیچ سیمه کې له خپلې مېرمنې میلینا سره یو ځای رایې وکاروله. نوموړي له خبریالانو سره مرکه کې وویل، ''موږ ډېر ښه روان یو.''
- د یادونې ده، چې کمالا هرېس وار له مخه خپله رایې کارولې ده. نوموړې تېره اونۍ د پوستې له لارې خپله رایې استولې وه.
- د پنسلوانیا له کامبریا کاونټي سیمې ورکړل شویو رپوټونو کې ویل شوي، چې د سوفټوئر تخنیکي ستونزو له کبله د رایې ورکولو پر سکنرونو اغېز شوی دی.
- په جورجیا کې پنځه ځایه د بمي چاودنو بې باوره ګواښونه وو، چې له کبله یې دوه ځایه خلک د رایو له مرکزونو وایستل شول.