وروستی, د وژل شویو شمېر له دوه زره کسانو اوښتی
په افغانستان کې د طالبانو حکومت رسمي شمېرې وايي، د هرات ولایت په پرونۍ زلزله کې د وژل شویو کسانو له ۲۰۵۰ اوښتی دی.
د طالبانو ویاند ذبیح الله مجاهد د طبیعي پېښو پرضد د مبارزې وزارت د شمېرو له مخې پر اېکس لیکلي، چې د هرات په ۱۳ کلیو کې ټولټال ۲۰۵۳ کسان وژل شوي دي.
د مجاهد په وینا، څه باندې ۱۲۰۰ کسان ټپیان دي او شاوخوا ۱۳۰۰ کورونه بشپړ وېجاړ شوي دي.
تر ټولو ډېر زیان د هرات زنده جان ولسوالۍ کې اوښتی. ځینې رپوټونه وايي، چې تر نړېدلو کورونو لاندې د ایسارو پاتې کسانو د لټون هڅې روانې دي.دې ځواکمنه زلزله کې د ملګرو ملتونو ادارو هم د سلګونو کسانو د وژل کېدو پخلی کړی دی.
هممهاله افغاني سرې میاشتې ټولنه ویلي، چې زلزله ځپلو سیمو ته د خوراکيتوکو، درملو او روغتیايي ډلو ترڅنګ خیمې، ترپالونه، د اوبو ذخیره کولو لوښي، د پخلنځي وسایل، کمپلې او ګڼ نور اړین توکي استولي دي.
دا ټولنه وايي چې کارکوونکي او رضاکاران یې د لټون او ژغورنې په عملیاتو کې مرسته کوي او زیانمنو شویو خلکو ته د هستوګنې د بیړني کمپ او سرپناه پر جوړولو بوخت دي.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای