تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
نن 'شنبه، تله ۶مه' د افغانستان ۱۳۹۸ کال ولسمشرۍ ټاکنې کېږي، چې څه باندې ۹ میلیون رایې اچوونکو په کې نوملیکنه کړې. په ټول هېواد کې د رایو اچولو شاوخوا پنځه زره مرکزونه جوړ شوي او د ټاکنو د امنیت لپاره څه باندې ۷۰ زره امنیتي سرتېري ګومارل شوي دي. د ټاکنو د خپلواک کمېسيون په وينا د ټاکنو پايلې به په راتلونکو دريو اوونيو کې اعلان شي.
د افغانستان اجرایه رییس عبدالله عبدالله د کابل ښار په نادریه لېسه کې خپله رایه وکاروله.
نوموړي د ټاکنو پر شفافیت ټینګار وکړ او له خلکو یې وغوښتل چې په ټاکنو کې برخه واخلي او خپل برخلیک وټاکي.
اجرایه مشر وسلوالو طالبانو ته په اشارې وویل، د ولسواکۍ ننګونه داسې لار نه ده چې څوک هدف ته ورسوي.
وسلوالو طالبانو د پنجشنبې په ورځ یوه اعلامیه کې له خلکو وغوښتل چې ټاکنو کې ګډون ونه کړي او د دې بهیر د ګډوډولو ګواښ یې وکړ.
ولسمشر غني د رایې ور کولو مرکز کې وویل، چې ټاکنې ښې روانې دي، نن خلاصېږي او د پنځو کلونو لپاره به یو حکومت ولرو.
نوموړي په ټاکنو کې پر روڼتیا ټینګاروکړ،درغلي یې جرم وباله اوویې ویل اساسي قانون کې روښانه شوې ده.
هغه دا هم وویل چې د هر افغان دنده دا ده چې د درغلي مخه ونیسي.
نوموړي له نړیوالو ټاکنڅارو هم وغوښتل چې دا بهیر وڅاري
د نوموړي په خبره، د ټاکنو کمېسون د کمېشنرانو ټاکلو کې یې یوازې یوه رایه درلوده او دې کمېشنرانو ټاکلو کې ټولو نوماندانو یو ډول رول درلود.
افغان ولسمشر اماني لېسه کې د رایه ور کولو پر مهال وویل، چې ټاکنو کې د ولسمشرۍ پایښت نغښتی.
ماته د ویاړ ځای دی چې عمده برخه لګښت یې د افغانستان له مالیې تمویلېږي.
نوموړی له مرستندویو هېوادونو لکه امریکا، اروپا، جاپان او نورو هغو هېوادونوهم مننه وکړه چې ټاکنو مالي ملاتړ یې کړی دی.
افغان ولسمشر او د ولسمشرۍ ټاکنو نوماند محمد اشرف غني هم اماني لېسه کې رایه ور کړه.
اجرایه رییس چې د ټاکنو بل نوماند دی هم رایه ور کړه.
د افغانستان د ملي امنیت پخواني لوی رییس هم شیبه وړاندې د ولسمشرۍ ټاکنو لپاره رایه واچوله.
د بلخ د ټاکنو د کمېسیون رییس ایوب بیاني بي بي سي ته وویل ټاکلې ده نن د شنبې په ورځ په دې ولایت کې د رایې ورکولو ۱۵۸مرکزونه پرانیستي وي خو د ټیلیفوني اړیکو د پرې کېدو له امله د دې ولایت په دوو ولسوالیو کې شورتپه او کلداره کې به پرانیستې وي که یانه.
د بلخ د ټاکنو د کمېسیون رییس ایوب بیاني بي بي سي ته وویل ټاکلې ده نن د شنبې په ورځ په دې ولایت کې د رایې ورکولو ۱۵۸مرکزونه پرانیستي وي خو د ټیلیفوني اړیکو د پرې کېدو له امله د دې ولایت په دوو ولسوالیو کې شورتپه او کلداره کې به پرانیستې وي که یانه.
iii��= m\!
د افغانستان د ټاکنو د څار بنسټ فیفا وايي کارکوونکو یې له بېلابېلو سیمو معلومات ورکړي چې تر اوسه یو شمېر سیمو ته ټاکنیز توکي نه دي رسېدلي او ځینو مرکزونو ته کارکوونکي ناوخته رسېدلي
په تخار کې د بي بي سي خبریال وايي چې دې ولایت کې هم ولسمشریزو ټاکنو لپاره رایه ورکونه پیل شوې او خلک لږ لږ د رایو مرکزونو ته روان دي.
د ننګرهار ولایت په يوه مرکز کې لوړ پوړو چارواکو خپله رايه وکاروله، خو نور مرکزونو کې لا هم رايه نه ده لويدلې.
په کندهار کې نن د شنبې په ورځ د اووه بجې او ۲۰دقیقو پورې د رایو مرکزونه نه دي پرانیستل شوي. په کندهار کې د بي بي سي خبریال مامون درانی وايي، د ټاکنو د کمېسیون کارکوونکو د لېږد لپاره دا مرکزونه لا نه دي پرانیستل شوي.
د سهار په اوو بجو کابل، هرات، بلخ، ننګرهار او بامیانو کې رای اچونه پیل شوې او خلک رایو اچولو ته په کتارونو کې ولاړ دي.
دا عکس زموږ همکار نورګل شفق راستولی چې وايي، د رای اچوونکو امنیت ته امنیتي ځواکونه ولاړ دي.
د افغانستان ولسمشریزو ټاکنو لپاره د رایې اچوونې بهیر له پیله څو ساعته مخکې د ملګرو ملتونو عمومي منشي له ټولو ښکېلو اړخونو غوښتي چې ټول افغانان، ښځې او نارینه پرېږدي چې رایې ورکولو خپل حق وکاروي.
عمومي منشي ویلي،'د رایې ورکړې بهیر پر مهال یا د رایې ورکولو پر مرکزونو، کارکوونکو یا خپله پر رایې ورکوونکو بریدونه یا تاوتریخوالی د منلو نه دی.'اعلامیه کې ویل شوي:
''د تاو تریخوالي، درغلیو او ویرې ترهې خپرولو ته هېڅ ځای نه شته.''
نور جزییات دلته لوستلی شئ:
د افغانستان د ټاکنو کمېسیون وايي، د سهار په اوو بجو به رای اچونه په ټول هېواد کې رسماً پیل شي. په دې ټاکنو کې دیارلس نوماندان سیالي کوي.
په دې ټاکنو کې اوسنی ولسمشر محمد اشرف غني او اجراییه مشر عبدالله عبدالله هم نوماندان دي.
د دغه څلورم ځل ټاکنو لپاره یوه لویه اندېښنه د امنیتي ستونزو ډیر والی هم دی. د ټاکنو د امنیت لپاره ۷۲۰۰۰ امنیتي ځواکونه ګومارل شوي. امنیتي او دفاعي ځواکونو یو ځل بیا د دغو ټاکنو د خوندیتوب ډاډ ورکړی او له خلکو غواړي چې ټاکنو کې ګډون وکړي.
نن 'شنبه، تله ۶مه' د افغانستان ۱۳۹۸ کال ولسمشرۍ ټاکنې کېږي، چې څه باندې ۹ میلیون رای اچوونکو پکې نوملیکنه کړې. په ټول هېواد کې د رایو اچولو شاوخوا پنځه زره مرکزونه جوړ شوي او د ټاکنو د امنیت لپاره څه باندې ۷۰ زره امنیتي سرتېري ګومارل شوي دي.