تېره اوونۍ کې د نړۍ لروبر اخیستل شوي غوره خبري عکسونه

دې لپاره چې انټرنېټ مو لږ مصرف شي، یوازې متن ولولئ
د خپرېدو وخت

تېره اوونۍ بېلابېلو هېودونو کې د تودې هوا د څپې او د ځنګلي اورلګېدونو ترڅنګ د نړۍ لروبر ګڼې داسې نورې پېښې هم رامنځته شوې چې خبر سازه وې.

دلته درسره د ځینو همداسې پېښو عکسونه شریکوو.‌

بایډن

د عکس سرچینه، JEFF SWENSEN/GETTY IMAGES

د عکس تشریح، دغه عکس کې د امریکا پخوانی ولسمشر ډونلډ‌ ټرمپ د پنسېلوانیا په اییري ښار کې خپلې یوې ټاکنیزې غونډې ته د ننوتلو پر مهال ښکاري. واشنګټن کې یوې فدرال محکمې هغه تېره اوونۍ رسمآ د ۲۰۲۰ کال د ولسمشریزو ټاکنو د پایلو د بدلونو په هڅه تورن کړ.
اوکرایین

د عکس سرچینه، VALENTYN OGIRENKO/REUTERS

د عکس تشریح، د اوکرایین پلازمېنه کیېف کې د ودانیزو چارو کارکوونکي لیدل کېږي چې د دغه هېواد د ملي سمبول مجسمې له ډال څخه د پخواني شوروي اتحاد د مهال د لور او څټک نښانونه لېرې کړي. دا کار به شلو ورځو کې بشپړ شي. دا د کیېف او مسکو ترمنځ د واټن بل ګام بلل شوی.
سکاټلنډ

د عکس سرچینه، JANE BARLOW/PA MEDIA

د عکس تشریح، د سکاټلنډ پلازمېنه کې د اېډېنبرګ ماڼۍ مخې ته کلنی پوځي پرېډ
مراکش

د عکس سرچینه، Alamy

د عکس تشریح، د مراکش پاچا شپږم محمد د تطوان په شاهي‌ ماڼۍ کې د خپل سلطنت څلېرویشتم کال ونمانځه
فوټبال

د عکس سرچینه، HANNAH MCKAY/REUTERS

د عکس تشریح، د جامایکا د ښځو فوټبال لوبډلې د نړیوال جام په سیالیو کې د برازېل په ماتولو سره بل پړاو ته لار وکړه.‌ دا سیالۍ په استرالیا او نیوزیلنډ‌ کې روانې دي.‌ پر برازیل سربېره د جرمني‌ او ایټالیا پياوړو لوبډلو هم د نړیوال جام منځلوبو ته لار ونه شوه کړای.
قبرس

د عکس سرچینه، VICTORIA JONES/PA

د عکس تشریح، ډيویډ‌ هانټر له خپلې ښځه سره چې د سرطان درمنله یې له امکان وتلې وه، ځانوژنه کې د مرستې په تور نیول شوی و.‌ هغه له راخوشې کېدو وروسته د ګلونو ګېدۍ سره د خپلې ښځې جنېس هانټر قبر ته روان دی. هغه اصلا بریتانوی دی او له ښځې سره قبرس ته په چکر تللی و.‌
اسپانیا

د عکس سرچینه، BORJA SUAREZ/REUTERS

د عکس تشریح، دا دوه ښځې تېره اوونۍ د اسپانیا د کناري‌ مجمع الجزایزو په یوه ټاپو کې د بشپړې سپوږمۍ مخ ته لیدل کېږي.‌