تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د پاکستاني ځواکونو او وسله والو ترمنځ نښتې؛ د 'ای اېس ای' یو ډګرمن او ۳ پوځيان وژل شوي
پاکستان کې د پوځي استخباراتو ادارې "ای اېس ای" یو ډګرمن 'مصطفی کمال برکي' سویلي وزیرستان کې وسله والو سره نښته کې وژل شوی دی.
د پاکستان پوځي د مطبوعاتو او عامه اړیکو دفتر 'ای اېس پي ار' وايي دا نښته سې شنبه د (جون ۲۱مه) د سویلې وزیرستان انګور اډې سیمه کې شوې.
اعلامیه کې راغلي چې په دې نښته کې ۷ نور پوځيان ټپي شوي هم دي، چې د ۲ روغتیايي وضعیت پکې نازک دی.
ای اېس پي ار وايي د استخباراتو دغه افسر یې خپل ژوند هېواد کې د سولې لپاره قرباني کړی او دا چې دفاعي ځواکونه او استخبارات به یې د خاورې له لوېشت لوېشتې د ترهګرو پاکولو له هوډه په شا نه شي.
د پاکستان پوځ د عامه اړیکو دفتر په همدې ورځ یوې بلې جلا اعلامیه کې په ډیره اسماعیل خان کې هم وسله والو سره د ډزو تبادله کې د خپلو دریو پوځیانو د وژل کېدو خبر ورکړی دی.
دې اعلامیه کې راغلي چې وسله والو د دوشنبې او سې شنبې ترمنځ پر شپه سیمه کې د پولیسو پر یوه پوسته ډزې وکړې او امنیتي ځواکونو د دې لپاره چې د بریدګرو د تېښتې مخه ونیسي، سملاسي ټوله سیمه کلابنده کړه.
د پاکستان پوځ وايي په دې لړ کې بالاخره درې وسله وال د ډېره اسماعیل خان 'ساګو' سیمه کې تعقیب او د ډزو تر سختې تبادلې وروسته ووژل شول.
خو په دې نښته کې د پاکستان پوځ یو حوالدار 'محمد اظهر اقبال' او دوه سرتېري نیک محمد اسد او محمد عیسی هم وژل شوي دي.
د ای اېس پي ار اعلامیه کې راغلي چې دغلته له احتمالي پاتې ترهګرو د سیمې پاکولو عملیات لا دوام لري.
د پاکستان پوځ په اعلامیو کې که څه هم دا نه دي ویل شوي، چې دا نښتې د کومې وسله والې ډلې له غړو سره شوې او په دغو سیمو کې د پاکستاني طالبانو تحریک یا "ټي ټي پي" فعال دی.
اسلام اباد وايي د ټي ټي پي غړي افغانستان کې خوندي پټنځایونه لري او دا چې ګوندې له همدغو پټنځایونو خپل فعالیتونه تنظیموي.
خو پر افغانستان د طالبانو واکمن حکومت بیا تل دا ادعا رد کړې او ویلي یې دي چې اجازه نه ورکوي، د افغانستان خاوره د کوم ګاونډي خلاف وکارول شي.