ډاکټر افتخار حسین: افغانستان کې د ځان وژنې څلورو پېښو کې درې یې ښځې ترسره کوي

یو شمېر ډاکټران په دې باور دي، چې افغانستان کې پر ښځو بندیزونه او په ځانګړي ډول له کار او زده کړو منع کول د دې لامل شوي، چې د دوی ترمنځ رواني ناروغۍ زیاتې شي.

روان پوهان وايي، یاد هېواد کې د ښځو ځان وژنې پېښې زیاتې شوي دي.

ډاکټر افتخار حسین وايي، معمولا سړي ځان وژنې ته زیاته مخه کوي خو د افغانستان په اوسنیو شرایطو کې برعکس ښځې د نارینو پرتله زیاتې ځان وژنې کوي.