منظور پښتین: منیر اکرم په ډاګه کړه چې د افغان نجونو د زدکړو بندیز تر شا څوک دي
د عکس سرچینه، Manzoor Pashteen
- Author, صابر عزیز
- دنده, بي بي سي
- د خپرېدو وخت
- د لوستلو وخت: ۳ دقیقې
د افغان نجونو د زدکړو په تړاو په ملګرو متلونو کې د پاکستان د استازي منیر اکرم له څرګندونو یوه ورځ وروسته د پښتون ژغورنې غورځنګ مشر منظور پښتین تند غبرګون ښوولی دی.
ښاغلي پښتین په همدې تړاو پر خپله فېسبوک پاڼه لیکلي چې په ښځو تعلیم نه کول د پښتنو رواج نه دی او د نوموړي په ټکو" له ډیوېډ جونز څخه رانیولې تر کرنل امامه د ملګرو منصوبه ده چې پښتانه افغانان وروسته پاتې وساتی ځکه هغوی تل د ښځو تعلیم رد کړی دی."
منظور پښتین زیاتوي، د افغان نجونو د زدکړو په تړاو په ملګرو ملتونو کې د پاکستاني استازي بې بنسټه " جوازونو" یا څرګندونو روښانه کړه چې د نجونو پر زده کړو د بندیز تر شا څوک دي.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 1
په ملګرو متلونو کې د پاکستان دایمي استازي منیر اکرم څرګندونې د ډیورنډ کرښې دواړو غاړو ته د پښتنو سیاستوالو او عامو خلکو له خوا په پراخه کچه غندل شوې دي.
له منظور پښتین مخکې د ملي عوامي ګوند د خیبرپښتونخوا مشر 'ایمل ولي خان' هم ویلي چې "د پښتنو نجونو په اړه ملګرو ملتونو کې د پاکستان د استازي له سپکاوي ډکې څرګندونې د منلو نه دي."
هغه پر خپل ټویټر لیکلي "موږ پښتانه پر خپلو ښځو ویاړو چې د ژوندانه ټولو اړخونو کې زموږ د سړیو ملاتړ کوي."
ایمل ولي خان لیکلي، منیر اکرم ملګرو ملتونو کې د پاکستان استازولۍ لپاره هېڅ مناسب کس نه دی او د پاکستان له بهرنیو چارو وزیر بلاول بوټو زرداري یې غوښتي چې د هغه ګوښه کولو لپاره ګام اوچت کړي.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 2
په هم دې حال د افغانستان د پخواني ولسمشر محمد اشرف غني لومړي مرستیال امرالله صالح هم په دې اړه وایي د پاکستاني سفیر څرګندونې له استعماري ادبیاتو سرچینه اخلي.
ښاغلی صالح وایي، پاکستان یو ځل بیا د افغانستان په سر "نوې پروژه" اخلي ترڅو دده په ټکو " یو ځل بیا پرې ډالر واخلي."
دده په وینا پاکستان شل کاله وړاندې په افغانستان کې د زدکړو او پرمختګ مخینوي لپاره " مدرسې په داسې کسانو ډګې کړې چې نن پر افغانستان واکمن دي."
د ښاغلي صالح په ټکو په پښتنو کې د زدکړو په تړاو د پاکستاني استازي څېړنې " د ای ایس ای په روزنځایونو کې" کې ترسره شوې.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 3
د پاکستان سفیر د ملګرو ملتونو یوې غونډې ته ویلي و "زموږ له نظره هغه بندیزونه چې د افغان چارسمبالي حکومت له لوري لګول شوي، تر ډېره د پښتنو له کلتوري برخې سرچینه اخلي، نه له مذهبه. د همدې کلتور له مخې ښځې باید په کورونو کې وساتل شي."
د ملګرو ملتونو په یاده غونډه کې د افغانستان چارسمبالی استازی نصیر احمد فایق هم د نوموړي څرګندونې په کلکه رد کړې وې او ویلي یې وو "د طالبانو کړنې د افغانستان د خلکو له هېڅ کلتور سره اړخ نه لګوي"
وروسته ښاغلي فایق په ټویټر د خپلو څرګندونو ویډیو هم خپره کړه چې نوموړي پکې ویلي، د منیر اکرم له څرګندونو سره موافق نه دی.
ښاغلي فایق په خپلو خبرو کې وایي، ان په قبایلو سیمو کې هم هیڅوک د نجونو د زدکړو مخالف نه دي.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 4
ښاغلی فایق پر افغانستان د طالبانو له واکمنۍ وروسته ، په ملګرو ملتونو کې د چارسمبالي په ډول د افغانستان استازولي کوي او د طالبانو حکومت استازی نه دی.
نوموړی وايي، طالبانو د کلتور په بهانه په افغانستان کې نجونې له ښوونځیو او پوهنتونو راګرځولې دي.
په افغانستان کې د طالبانو حکومت تر اوسه د پاکستان د استازي د څرګندونو په اړه څه نه دي ویلی او نه یې هم د نصیر احمد فایق څرګندونو ته غبرګون ښودلی.
