تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
افغان صادراتو ته د پاکستان نوي مقررات؛ سوداګر وايي د طالبانو حکومت دې ورسره خبرې وکړي
د پاکستان مرکزي بانک د دغه هېواد ګومرکونو ته امر کړی چې سر له سبا (شنبې) دې د افغانستان صادراتو ته له "يي ای اېف" یا د وارداتو برېښنايي فورم پرته اجازه نه ورکوي.
ټاکلې دا پرېکړې د اپریل له دېرشمې الزامي شي.
د دې له مخې به دا اړینه وي چې لومړی د افغانستان صادراتو ته دغه فورم ورکړل شي او بیا په رسمي ډول د پېرل شویو توکو پیسې افغانستان ته ولېږدول شي.
خو د افغانستان د سوداګرۍ او پانګونې خونه ادعا کوي چې د پاکستان بانکونه دغه فورم افغان سوداګرو ته نه ورکوي.
د دې خونې مرستیال خان جان الکوزی وايي که دا پرېکړه پلې شي، پاکستان ته به د افغانستان صادارت ودریږي.
نوموړی دا د اندېښنې وړ ګني او د طالبانو له چارواکو غواړي چې له پاکستان سره دې د دې پریکړې د ځنډولو په اړه خبرې وکړي.
له دې سره د افغانستان او پاکستان د سوداګرۍ ګډه خونه وايي، پاکستان له وړاندې دوه ځله د افغانستان صادراتي توکو لپاره دغه فورم معاف کړی، او د عملي کېدو لپاره ورکړی وخت یې تر راتلونکې شنبې پوره کېږي.
يي ای اېف یا د بریښنایی وارداتو فورمه یوه وسیله ده چې د پاکستان حکومت لخوا د بهرنیو تادیاتو سرچینې او جریان څارلو لپاره کارول کېږي او هغه توکي چیک کوي چې د پاکستان مرکزي بانک له لارې له بهرنيو اسعارو پرته وارد شوي.