د ۲۰۲۳ کال اوسکار جایزه: "هر څه، هر ځای، په یوه ځل" نندارې اووه جایزې وګټلې

د اوسکار جایزو ۹۵ دورې په لړ کې د"هر څه، هر ځای، په یوه ځل"ننداره د غوره جایزې ګټونکې اعلان شوه.

دغې نندارې د اوسکار په ګډون اووه نورې جایزې هم وګټلې.

د ۲۰۲۳ اوسکار جایزې د مراسمو په پای کې د غوره نندارې جایزه د "هر څه، هر ځای، په یوه ځل"فلم جوړوونکو دانیال کوان او دانیال شاینهارت ته ورکړل شوه.

میشل یئو هم په دغه فلم کې د خپلې کارکردګۍ له امله د غوره ادا کارې جایزه وګټله او لومړنۍ اسیايۍ شوه چې دا جایزه یې ترلاسه کړه.

مېرمن یئو چې کله دا جایزه اخیسته په خپلو خبرو کې یې وویل: "ټولې هغه نجونې او هلکان چې زما په څېر دي او نن شپه ما ګوري، پوه دې شي چې دا د هیلو او بریاوو ښکارندويي کوي."

هغې ښځو ته په خطاب کې دا هم وویل: "هیچا ته اجازه مه ورکوئ چې تاسو ته ووايي چې د بریا پړاو مو تېر شوی."

د آغلې یئو سربېره د نندارې نورو اداکارانې جیمي لي کورټیس او کي هوی کوان هم د ملاتړو اداکارانو په ډله کې د اسکار جایزې ګټونکې اعلان شوې.

مېرمن یئو دویمه رنګین پوټکي ښځه شوه چې له نږدې دوه لسیزو وروسته یې د اسکار غوره جایزه وګټله، له دې دمخه هالي بري یاده جایزه ګټلې وه.

د اوسکار په تاریخ کې تر اوسه هېڅ داسې ننداره نه وه چې د غوره فلم، غوره کارکردګۍ او درې نورې جایزې پوه یوه وار ګټلې وي.

دانیال کوان، دانیال شاینهارت او پال راجرز هم دغه ننداره کې اوسکار جایزې ترلاسه کړې دي.

او له دوی سربېره برنډن فریزر هم توانبدلی چې په ننداره کې د خپل مخکښ رول د لوبولو له امله د غوره لوبغاړي ګټونکی اعلان شي او جایزه ترلاسه کړي.

۵۴ کلن فریزر کلونه له هالیووډ نه لېري پاتې شوی و خو د دې جایزې په ګټلو سره یو ځل بیا په زړه پورې ډول دې ډګر ته راستون شو.

فریزر تېرو لسیزو کې یو لوی فلمي ستوری پاتې شوی و او په ګڼو نندارو کې د لوبېدو له امله مشهور و خو وروستیو کې د خلکو له پامه لوېدلی و.

ښاغلي فریزر هڅه کوله یو ځل بیا د خلکو پام ځان ته راواړوي او بیا د خپل هنر د نړۍ لوړو کې ځان وګوري.

له دې نندارې پرته ګڼې نورې نندارې او سندرې هم د ۲۰۲۳ کال اسکار جایزې ګټونکي اعلان شوي دي.