تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
دایکندي: د طالبانو برید کې ۸ افغان پولیس وژل شوي
د افغانستان دایکندي کې چارواکي وايي چې ددې ولایت په کجران ولسوالۍ کې د پولیسو پر پوستو د وسله والو طالبانو بریدونو کې ۸ افغان پولیس وژل شوي او ۱۶ نور ټپیان دي.
د چارواکو په خبره بریدونه د یادې ولسوالۍ په "پدګګ" سیمه کې شوې.
دوی ویلي په دې نښته کې ۸ طالبان هم وژل شوي او څلور نور ټپیان شوي دي.
د دایکندي والي سید انور رحمتي بي بي سي ته وویل، د طالبانو برید د سهار په یوه نیمه بجه پیل شو او د سهار تر څلورو بجو یې دوام درلود.
طالبانو ویلي، د افغان پولیسو درې پوستې یې نیولې دي. دې ډلې ویلي چې وسلې او مهمات هم په لاس ورغلي.
خو د دایکندي والي وايي چې د برید سیمې اوس د افغان امنیتي ځواکونو په واک کې دي.
دایکندي د افغانستان مرکزي ولایت دی چې څه نا څه یې امنیت ښه بلل کیږي.