तपाईँ अहिले हाम्रो वेबसाइटको थोरै डेटा प्रयोग हुने ‘टेक्स्ट-ओन्ली’ साइटमा हुनुहुन्छ। सबै तस्बिर र भिडिओसहित मूल वेबसाइटमा जान यहाँ क्लिक गर्नुहोस्।
मूल वेबसाइट तथा पूरा संस्करणमा जानुहोस्।
हाम्रो वेबसाइटको थोरै डेटा प्रयोग हुने संस्करणबारे थप जान्नुहोस्।
नेपालमा आज देशका ७५३ स्थानीय तहका लागि भएको निर्वाचनमा एक करोड ७७ लाखभन्दा बढी मतदाता थिए।
प्रमुख निर्वाचन आयुक्त दिनेशकुमार थपलियाले निर्धक्क भएर सबै मतदातालाई मतदान गर्न आह्वान गरेका छन्।
नेपाल टेलिकमका मोबाइल प्रयोगकर्ताहरूलाई एसएमएस पठाउँदै शुक्रवार बिहान उनले त्यस्तो आग्रह गरेका हुन्।
थपलियाले पठाएको सन्देशमा भनिएको छ, "निर्धक्क भएर मतदान गर्नुहुन म सम्पूर्ण मतदाताहरूलाई हार्दिक अपिल गर्दछु।"
बिहान ७ बजे सुरु भएको मतदानमा सहभागी हुन त्यसअगावै बिहानैदेखि मतदाताहरू लामबद्ध भएको हाम्रो संवाददाताहरूले जनाएका छन्।
नमस्कार। शुभ प्रभात।
आज वैशाख ३० गते शुक्रवार देशभर स्थानीय तह सदस्य निर्वाचन हुँदैछ।
कुल ७५३ स्थानीय तहका लागि एक करोड ७७ लाख ३३ हजार ७२३ मतदाताले मतदान गर्नसक्ने निर्वाचन आयोगले जनाएको छ।
यो चुनावमा ५५,६९८ महिलासहित कुल एक लाख ४५ हजार ११ जना उम्मेदवार रहेका छन्।
आज दिनभर हामी यो लाइभ पेजमा निर्वाचनसम्बन्धी अद्यावधिक सामग्री अपडेट गर्ने छौँ।