मतदान सकियो, अब गणना र नतिजाको पालो

निर्वाचन आयोगले प्रतिनिधिसभा निर्वाचनमा झन्डै ६० प्रतिशत मतदान भएको प्रारम्भिक आकलन गरेको छ। विभिन्न जिल्लास्थित हाम्रा संवाददाताहरूका अनुसार केही जिल्लामा बिहीवार राति र कतिपय जिल्लामा शुक्रवार बिहान मात्र गणना सुरु हुँदै छ।

सारांश

कतिपय जिल्लामा बिहीवार राति र अन्य जिल्लामा शुक्रवार बिहान मतगणना सुरु हुने
प्रतिनिधिसभाको निर्वाचनमा झन्डै ६० प्रतिशत मत खसेको प्रारम्भिक आकलन
मतदान सम्पन्न भएकोमा राष्ट्रपति सन्तुष्ट, प्रधानमन्त्रीद्वारा सत्ता हस्तान्तरण गर्न आफू आतुर रहेको जानकारी
चुनावविरोधी गतिविधि गर्ने २४ जना पक्राउ परेको प्रहरीको भनाइ
यो निर्वाचनबाट प्रत्यक्षतर्फ १६५ र समानुपातिकतर्फ ११० सांसद निर्वाचित हुने छन्
निर्वाचनमा प्रत्यक्ष र समानुपातिक प्रणालीका लागि छुट्टाछुट्टै मतपत्र छन्
गत भदौ महिनामा जेन जी आन्दोलन भएपछि प्रतिनिधिसभा भङ्ग भएको थियो। त्यसैले निर्धारित समयभन्दा अगाडि नै अहिले निर्वाचन भएको हो
आयोगले छिटपुट घटनाबाहेक शान्तिपूर्ण वातावरणमा मतदान भएको जनाएको छ

लाइभ कभरेज

५ मार्च २०२६४,००० मिटर आसपासको उचाइका मतदान केन्द्रहरू, प्रदीप बस्याल/बीबीसी
पश्चिम नेपालको उपल्लो डोल्पामा मात्र ४,००० मिटरभन्दा उचाइमा १० वटा मतदान केन्द्र रहेको डोल्पाकी प्रमुख जिल्ला अधिकारी जुनु हमाल ढकालले बीबीसीलाई जानकारी दिएकी छन्।
"ती सबै केन्द्रका मतपेटिका भोलि मात्र हेलिकप्टरमार्फत् ल्याइनेछ, १२ बजेपछि सितिमिति हेलिकप्टर उडाउन सकिँदैन," प्रजिअ ढकालले भनिन्।
हिमालपारिको जिल्लाका रूपमा चिनिने मुस्ताङको सबैभन्दा माथिल्लो मतदान केन्द्र उपल्लो मुस्ताङको छोसेरमा रहेको मुस्ताङकी प्रमुख जिल्ला अधिकारी अजिता शर्माले बीबीसीलाई बताइन्।
"छोसेरमा कुल ३३९ मतदाता छन् भने मुस्ताङमा सबैभन्दा धेरै मतदाता जोमसोमको एउटा केन्द्रमा ६८९ जना छन्," शर्माले भनिन्।
त्यसैगरी सोलुखुम्बुको सबैभन्दा माथिल्लो मतदान केन्द्र पाङबोचे करिब ४,००० मिटर उचाइमा छ। प्रसिद्ध सगरमाथा पदयात्रा मार्गमा पर्ने लुक्लामाथि ९ वटा मतदान केन्द्र रहेको सोलुखुम्बुकी प्रमुख जिल्ला अधिकारी लीलाकुमारी केसी पाण्डेले बीबीसीलाई बताइन्।
"पाङबोचे सगरमाथा आधार शिविर नजिकै पर्ने एउटा गाउँ हो। हामीले त्यहाँबाट करिब ९-१० घण्टा मतपेटिका बोकाएर ३,४०० मिटर उचाइको नाम्चे बजारमा ल्याएर त्यहाँबाट हेलिकप्टरमा ल्याउँछौँ," प्रजिअ पाण्डेले भनिन्।
खुम्बुमा लुक्लामाथिका सबै मतदान केन्द्रबाट मतपेटिका नाम्चे बजारसम्म बोकाएर त्यहाँबाट हेलिकप्टरमा उठाएर जिल्ला सदरमुकाम ल्याउने योजना छ।
५ मार्च २०२६प्रधानमन्त्री कार्कीद्वारा मतदान
प्रधानमन्त्री सुशीला कार्कीले मतदात गरेकी छन्। उनले काठमाण्डूस्थित मतदान केन्द्र पुगेर भोट खसालेकी हुन्।
उनले भोट हाल्न सबै मतदातालाई आह्वान पनि गरेकी छन्।
“तपाईँको प्रत्येक मत हाम्रो भविष्य निर्धारणका लागि महत्त्वपूर्ण छ,” उनले भनेकी छन्।
प्रधानमन्त्री कार्कीले शान्तिपूर्ण निर्वाचनका लागि आमनागरिकले देखाएका संयम र समझदारीप्रति आभार व्यक्त गरेकी छन्।
५ मार्च २०२६बिहान पाका मतदाताको चहलपहल, 'अब के हुन्छ थाहा छैन'
काठमाण्डूका मतदानकेन्द्रहरूमा बिहानैबाट मतदाताहरूको चहलपहल बढेको छ।
काठमाण्डूको हाँडीगाउँस्थित मतदानकेन्द्रमा ७२ वर्षकी दुर्गाकुमारी लामा र उनका पति कृष्णबहादुरले मतदान गरे। घरमा नातिहरूसँग समय बिताउने उनले भनिन्, “अब के हुन्छ थाहा छैन। भगवान्‌ले नै जानून्। चुनावपछि राम्रो हुनुपर्‍यो। सबै मिल्नुपर्‍यो, देशलाई राम्रो बनाउनुपर्‍यो।”
“जनताले कति दुःख पाइरहेको छ, अहिले पनि ग्यास पाएको छैन। जनता मरेको मर्‍यै छ, नराम्रो र भ्रष्टाचार मात्रै गरेर भएन। केही नजान्ने मान्छेलाई पनि यो कुरा थाहा छ।
उनका पति कृष्णबहादुर लामाले पहिले र अहिलेको चुनावमा फरक रहेको बताए।
“भ्रष्टाचारका कारण देश खाल्डोमा पर्‍यो र व्यक्ति व्यक्ति माथि गए भन्ने चिन्ता छ। २४ घण्टामा विश्वमै नभएको कुरा नेपालमा भयो। राम्रो व्यक्ति आउँछन् जस्तो लाग्छ। हाम्रो सुन्दर देश हो। गर्न खोज्यो भने देश विकास हुन्छ।”
विभिन्न मतदानकेन्द्रमा पुगेका बीबीसी संवाददाताहरूका अनुसार बिहानीपख मतदान गर्न जानेहरूमा युवाभन्दा पनि पाका मतदाताहरूको सङ्ख्या ठूलो छ।
५ मार्च २०२६२०१५ सालदेखिका मतदाताको अनुभव
चितवनका ८६ वर्षीय नारायण श्रेष्ठले मतदान गरेपछि पहिलेभन्दा अहिलेको चुनावमा धेरै फरक महसुस हुने गरेको बताएका छन्।
उनले आफू १९ वर्षको हुँदा २०१५ सालदेखिका मतदान गर्दै आएको जानकारी दिए। त्यति बेला नेपालमा पहिलो पटक संसदीय निर्वाचन भएको थियो।
“उसबेला पार्टीहरूको फरक फरक बाकस हुन्थ्याे, सूची दिन्थ्यो लगेर मतपेटिकामा खसालिन्थ्यो,” उनले हाम्रा संवाददाता ईश्वर जोशीसँग कुरा गर्दै भने, “अहिले छाप लगाउनुपर्छ।”
५ मार्च २०२६भोट हालेपछि मतदाता भन्छिन्, सुशासन चाहियो
काठमाण्डूको टङ्गालस्थित मतदान केन्द्रमा भोट खसालेपछि ७४ वर्षीया मीना बुढाथोकीले आफूले सहजै मतदान गर्न पाएको बताइन्।
उनले चुनावपछि मुलुकमा सुशासन कायम हुने र देशभित्रै रोजगारीको अवसर उपलब्ध हुने अपेक्षा आफूले गरेको बताइन्।
उनी भन्छिन्, “देश खतम भइसक्यो। प्रगति केही छैन। सबै विदेश लागिसके। देशभित्र नागरिकलाई काम दिइयोस्। नागरिकहरूलाई राम्रो होओस्।”
५ मार्च २०२६कार्यवाहक प्रमुख आयुक्तले गरे मतदान
निर्वाचन गराउने जिम्मेवारीमा रहेको निर्वाचन आयोगका कार्यवाहक प्रमुख निर्वाचन आयुक्त रामप्रसाद भण्डारीले मतदान गरेका छन्।
उनले काठमाण्डू महानगरपालिका वडा नम्बर २९ मा रहेको मतदान केन्द्र पुगेर भोट हालेका हुन्।
५ मार्च २०२६निर्वाचन सफलताको निकट: प्रचण्ड
नेपाली कम्युनिस्ट पार्टीका संयोजक पुष्पकमल दाहाल प्रचण्डले भोट हालेपछि ‘धेरै खुशी’ भएको प्रतिक्रिया दिएका छन्।
‘केही अहसज परिस्थिति निर्वाचन भइरहेको र यसलाई सफल पार्ने जिम्मेवारी दल, नागरिक समाज र सबै निकायको भएको’ प्रचण्डले बताए।
“मैले र मेरो नेतृत्वको पार्टीले सुरुदेखिनै निर्वाचनको निर्वाचननै विकल्प हो भन्दै आएका थियौँ, आज हामी सफलताको सन्निकट पुगिसकेका छौँ,” उनले भने, “यो निर्वाचन सफल पार्नु यो राष्ट्र, जनता, स्थायित्वको लागि र अगाडि समृद्धिको यात्रा सुरु गर्नका लागि धेरै महत्त्वपूर्ण हुन गएको छ, सामान्य मात्र नभएर अलि असमान्य निर्वाचन हुन गएको छ। त्यस अर्थमा पनि म खुशी छु कि यो निर्वाचन अब सफल हुन गएको छ।”
५ मार्च २०२६मिश्र र शर्माद्वारा मतदान
नेपाली कांग्रेसका उपसभापति विश्वप्रकाश शर्मा र राष्ट्रिय प्रजातन्त्र पार्टीका वरिष्ठ उपाध्यक्ष रवीन्द्र मिश्रले मतदान गरेका छन्।
शर्माले झापा र मिश्रले ललिपुरमा मतदान गरेका हुन्।
५ मार्च २०२६अनिवार्य मतदान गर्न प्रधानमन्त्रीको आह्वान
आमचुनावअन्तर्गत देशभरि बिहीवार मतदान भइरहँदा प्रधानमन्त्री सुशीला कार्कीले भोट हाल्न सबैलाई आह्वान गरेकी छन्।
“अनिवार्य रूपमा मतदान केन्द्र पुगी आफ्नो अमूल्य मताधिकार प्रयोग गर्न हार्दिक आग्रह गर्छु। तपाईँको प्रत्येक मत हाम्रो भविष्य निर्धारणका लागि महत्त्वपूर्ण छ,” उनले भनेकी छन्।
प्रधानमन्त्री कार्कीले शान्तिपूर्ण निर्वाचनका लागि आमनागरिकले देखाएका संयम र समझदारीप्रति आभार व्यक्त गरेकी छन्।
५ मार्च २०२६मतदानमा कसले के गर्न पाउँछन्, के पाउँदैनन्?
गत भदौको जेन जी आन्दोलनले सिर्जना गरेको 'विशिष्ट परिस्थिति'मा घोषणा भएर अहिले भइरहेको चुनावमा मतदाताले निर्बाध रूपमा आफूलाई मन परेको उम्मेदवार र राजनीतिक दललाई मत दिन सक्ने व्यवस्था सुनिश्चित गरिएको कार्यवाहक प्रमुख निर्वाचन आयुक्त रामप्रसाद भण्डारीले बताएका छन्।
बुधवार निर्वाचन आयोगमा आयोजित पत्रकार सम्मेलनमा बोल्दै भण्डारीले "ऐतिहासिक मतदानमा उत्साहपूर्वक सहभागी हुन" आह्वान गरेका हुन्।
पूरा समाचारका लागि यो लिङ्कमा क्लिक गर्नुहोस्
५ मार्च २०२६निर्वाचन आयुक्तहरूले गरे मतदान
निर्वाचन आयुक्तहरूले आमचुनावअन्तर्गत मतदान गरेका छन्। आयुक्तहरू जानकीकुमारी तुलाधर र सगुन शम्शेर जबराले काठमाण्डूमा मतदान गरेका छन्
५ मार्च २०२६रवि लामिछानेद्वारा मतदान
दलका प्रमुख नेता र उच्च अधिकारीहरूले पनि मतदान गरिरहेका छन्। त्यस क्रममा राष्ट्रिय स्वतन्त्र पार्टी रवि लामिछानेले काठमाण्डूमा मतदान गरेका छन्। उनी चितवनबाट उम्मेदवार छन्।
५ मार्च २०२६प्रमुख नेताहरू पनि मतदान गर्दै
देशैभरि बिहानैदेखि मतदाताहरू भोट हाल्न लाइनमा लागेका बेला प्रमुख नेताहरूले पनि मतदान गरिरहेका हाम्रा संवाददाताहरूले जनाएका छन्।
५ मार्च २०२६भोट दिन जाँदा मतदाताले के गर्न पाउँछन्, के गर्न पाउँदैनन्
के निर्वाचन आचारसंहिता भनेको केवल राजनीतिक दल, उम्मेदवार वा अन्य सरकारी अधिकारीहरूलाई मात्र हो?
यो आचारसंहिताले सर्वसाधारण मतदातालाई पनि जिम्मेवार बनाउन खोजेको छ र त्यसको उल्लङ्घन गरे कारबाही भोग्नुपर्ने हुन सक्छ।
मतदान गर्न जाँदा गर्न हुने र गर्न नहुने कुराहरू के के छन् त, पढ्नका लागि यहाँ क्लिक गर्नुहोस्।
५ मार्च २०२६आजको निर्वाचन नेपालको भावी दिशा तय गर्न यसकारण 'विशेष'
नयाँ निर्वाचनले प्रधानमन्त्री सुशीला कार्की नेतृत्वको अन्तरिम सरकारलाई विस्थापित गर्दै नयाँ सरकार गठनको बाटो खोल्ने छ भने गएको भदौमा संसद् विघटनपछि देखिएको जनप्रतिनिधिमुलुक सङ्घीय निकायको रिक्ततालाई पूर्ति गर्ने छ।
फणीन्द्र दाहालको लेख पढ्न यहाँ क्लिक गर्नुहोस्।
५ मार्च २०२६मतदान आरम्भ
प्रतिनिधिसभा सदस्यको निम्ति देशभरि मतदान सुरु भएको छ। बिहान ७ बजे अगाडिदेखि नै मतदाताहरू आआफ्नो मतदाता परिचयपत्र सहित लाममा लागिसकेका छन्।
५ मार्च २०२६
५ मार्च २०२६स्वागतम्
बीबीसी न्यूज नेपालीको लाइभ पेजमा यहाँहरूलाई स्वागत छ। आज हामीले निर्वाचनसम्बन्धी दिनभरिका ताजा घटनाक्रमबारे जानकारी गराउने छौँ।

मतदान सकियो, अब गणना र नतिजाको पालो

सारांश

लाइभ कभरेज

५ मार्च २०२६४,००० मिटर आसपासको उचाइका मतदान केन्द्रहरू, प्रदीप बस्याल/बीबीसी

५ मार्च २०२६प्रधानमन्त्री कार्कीद्वारा मतदान

५ मार्च २०२६बिहान पाका मतदाताको चहलपहल, 'अब के हुन्छ थाहा छैन'

५ मार्च २०२६२०१५ सालदेखिका मतदाताको अनुभव

५ मार्च २०२६भोट हालेपछि मतदाता भन्छिन्, सुशासन चाहियो

५ मार्च २०२६कार्यवाहक प्रमुख आयुक्तले गरे मतदान

५ मार्च २०२६निर्वाचन सफलताको निकट: प्रचण्ड

५ मार्च २०२६मिश्र र शर्माद्वारा मतदान

५ मार्च २०२६अनिवार्य मतदान गर्न प्रधानमन्त्रीको आह्वान

५ मार्च २०२६मतदानमा कसले के गर्न पाउँछन्, के पाउँदैनन्?

५ मार्च २०२६निर्वाचन आयुक्तहरूले गरे मतदान

५ मार्च २०२६रवि लामिछानेद्वारा मतदान

५ मार्च २०२६प्रमुख नेताहरू पनि मतदान गर्दै

५ मार्च २०२६भोट दिन जाँदा मतदाताले के गर्न पाउँछन्, के गर्न पाउँदैनन्

५ मार्च २०२६आजको निर्वाचन नेपालको भावी दिशा तय गर्न यसकारण 'विशेष'

५ मार्च २०२६मतदान आरम्भ

५ मार्च २०२६

५ मार्च २०२६स्वागतम्