इरानका सर्वोच्च नेता खामेनेई मारिएपछि मध्यपूर्वमा तनाव

इरानमा अमेरिका र इजरेलले हवाई आक्रमण गर्दा सर्वोच्च नेता आयातोल्लाह अली खामेनेईसहित कैयौँ इरानी अधिकारीको मृत्यु भएको विवरण आएको छ। अहिले मध्यपूर्वमा अशान्ति छाएको छ।

सारांश

अमेरिका र इजरेलले गरेको हवाई आक्रमणमा परी इरानका सर्वोच्च नेता आयातोल्लाह अली खामेनेईको मृत्यु भएको इरानी सरकारी सञ्चारमाध्यमले पुष्टि गरेको छ
इजरेलले 'तेहरानको मुटुमा' आक्रमण गरिरहेको बताएको छ भने इरानले अरबका खाडी देशहरूमा हवाई हमला गरेको छ
संयुक्त अरब इमिरेट्सको दुबई, कतारको राजधानी दोहा, बाहरेन र कुवेतमा हमला भएका विवरण आएका छन्
अमेरिकाका राष्ट्रपति डोनल्ड ट्रम्पले खामेनेईलाई "इतिहासका सबैभन्दा दुष्ट व्यक्तिमध्ये एक"को सङ्ज्ञा दिँदै इरानीहरूलाई "आफ्नो देश फिर्ता लिन" आह्वान गरेका छन्
अमेरिकी सैन्य शिविरहरू भएका वा अमेरिकाको साझेदार मानिएका मध्यपूर्वका दुबई, दोहा, बाहरेन र कुवेतमा इरानी पक्षले प्रत्याक्रमण गरेको विवरण आएको छ
इरानभरि २०० जनाभन्दा बढीको मृत्यु भएको रेड क्रेसन्टले जनाएको छ। अमेरिकी र इजरेली आक्रमणमा परेको एउटा कन्या विद्यालयमा कम्तीमा १०८ जनाको मृत्यु भएको इरानी पक्षले जनाएको छ

लाइभ कभरेज

केशव कोइराला, गनी अन्सारी, सञ्जय ढकाल र जितेन्द्र राउत

१ मार्च २०२६बीबीसी न्यूज नेपालीको लाइभ पेजमा तपाईँलाई स्वागत छ

नमस्कार। तपाईँलाई बीबीसी न्यूज नेपालीको यो लाइभ पेजमा स्वागत छ।

अमेरिका र इजरेलले इरानमा हवाई आक्रमण सुरु गरेपछि मध्यपूर्वमा अहिले अशान्ति र अन्योलको वातावरण उत्पन्न भएको छ।

आज हामी त्यसकै सेरोफेरोमा रहेर महत्त्वपूर्ण राष्ट्रिय तथा अन्तर्राष्ट्रिय घटनाक्रमसँग सम्बन्धित जानकारी यो लाइभ पेजबाट तपाईलाई गराउने छौँ।