Tha Baile Ùr an t-Slèibh air Cupa na Camanachd a bhuannachadh
Chrìochnaich a' chuairt dheireannach an aghaidh Chinn a' Ghiùthsaich 3-2 às dèidh dhan Bhaile Ùr a bhith 3-0 air thoiseach
Thàinig dà thadhal bho Iain Robinson, a' chiad fhear an seo is an dàrna tadhal aige an seo
Chuir Joe Coyle òg an treas tadhal
Fhuair Ryan Borthwick tadhal air ais do Cheann a' Ghiùthsaich is chuir e fear eile le mionaid air fhàgail de dh'ùine àbhaisteach
Tha am Baile Ùr a-nise air an cupa a thogail 35 tursan
Bha a' chuairt dheireannach air ais aig Pàirc a' Bhucht 'son a' chiad turas bho chaidh an goireas a sgeadachadh
Nas tràithe san là bhuannaich Lòbhat Cupa MhicMhaighstir
Calum Dòmhnallach
Ag aithris à Pàirc a' Bhucht
"20 mionaid ri dhol is thathar a’ leughadh a-mach toraidhean an rafail. Chan eil fhiosam a bheil duine ag èisteachd. Gu mì-fhortanach cha do bhuannaich mi dad!"
Baile Ùr an t-Slèibh 3 Ceann a’ Ghiùthsaich 1
Dòchas às ùr do Cheann a' Ghiùthsaich leis an tadhal ud bho Ryan Borthwick.
3-1 is mu 20 mionaid air fhàgail - an urrainn dha Ceann a' Ghiùthsaich seo a thionndadh mun cuairt?
Baile Ùr an t-Slèibh 3 Ceann a’ Ghiùthsaich 1
Ryan Borthwick!
Baile Ùr an t-Slèibh 3 Ceann a’ Ghiùthsaich 0
Seo an tadhal tràth san dàrna leth a chuir am Baile Ùr 2-0 air thoiseach.
Baile Ùr an t-Slèibh 3 Ceann a’ Ghiùthsaich 0
Tadhal àlainn bho Joe Coyle òg! Agus an obair aige fhèin gu tur.
Eil an geama seachad?
Is an uairsin cothrom aig Genini gus tadhal fhaighinn air ais - ach cha deach e a-staigh.
Baile Ùr an t-Slèibh 3 Ceann a’ Ghiùthsaich 0
Joe Coyle!
Baile Ùr an t-Slèibh 2 Ceann a’ Ghiùthsaich 0
Sàbhaladh an siud bho MhacGriogair - dh'fhaodadh gum biodh tadhal eile an sin air an geama a chur seachad air Ceann a' Ghiùthsaich.
Bha Roddy Young sìos 'son treis is tha e a-nise air a dhol dheth is Savio Genini a' tilleadh.
Baile Ùr an t-Slèibh 2 Ceann a’ Ghiùthsaich 0
Dòmhnall MacLaomainn
Ag aithris à Pàirc a' Bhucht
Tha Dòmhnall MacLaomainn ag ràdh gu bheil coltas fiadhaich air Iain Corky Borthwick.
Tha Lee Bain is Ryan Borthwick a' tighinn air an àite Savio Genini is Friseal Rothach.
Baile Ùr an t-Slèibh 2 Ceann a’ Ghiùthsaich 0
Calum Dòmhnallach
Ag aithris à Pàirc a' Bhucht
"Abair gàirdeachas bho luchd-taic a’ Bhaile Ùir, eil iad den bheachd gur e sin an tadhal a ghlèidheas an cupa dhaibh?"
Baile Ùr an t-Slèibh 2 Ceann a’ Ghiùthsaich 0
An duine ud Robinson a-rithist! Bha MacGriogair air stad a chur air oidhirp bho Joe Coyle ach chaidh Bob bochd car air chall às a dhèidh a' feuchainn ri stad a chur air Robinson - is air a' cheann thall bha an tadhal fosgailte - rud air an do ghabh fear Bhaile Ùir an t-Slèibh brath.
Baile Ùr an t-Slèibh 2 Ceann a’ Ghiùthsaich 0
Iain Robinson a-rithist!
Baile Ùr an t-Slèibh 1 Ceann a’ Ghiùthsaich 0
Bha dàil bheag air gnothaichean leis nach robh sgeul air an rèitire Iain Ceannadach. Saoil an do chuir gnothach nan taighean beaga maill air a' Cheannadach?
Tha an geama a-nise a' dol às ùr.
Baile Ùr an t-Slèibh 1 Ceann a’ Ghiùthsaich 0
Chan eil a h-uile dad ag obair mar bu chòir san stand ùr aig a' Bhucht tha e coltach is Dòmhnall MacLaomainn ag innse gu bheil na taighean-beaga a-mach à òrdugh.
Dh'fhaodadh gum bi gu leòr ann an èiginn air is far na pàirce ro dheireadh an fheasgair.
Baile Ùr an t-Slèibh 1 Ceann a’ Ghiùthsaich 0
Nise mar a bha sinn ag ràdh an sin, bha grèim làidir air sgiobaidhean ann an Earra-Ghàidheal air Cupa na Camanachd anns na 1920an.
Bho chionn 100 bliadhna rinn Inbhir Aora eachdraidh nuair a thog iadsan an cupa 'son a' chiad uair. Rud milis is na nàbaidhean aca san Fhùirneis is ann an Taigh na Bruaich air a dhèanamh romhpa.
Bidh Inbhir Aora a' comharrachadh nan gaisgeach bho 1925 aig tachartas an ath-mhìos. Am measg na bhios air fhaicinn bidh bonn bhon là a chaidh a lorg san sgìre bho chionn ghoirid.
Chaidh Javen Houston againn a dh'Inbhir Aora gus cluinntinn mun eachdraidh agus am bonn fhaicinn....
Baile Ùr an t-Slèibh 1 Ceann a’ Ghiùthsaich 0
Tha e doirbh a chreidsinn às dèidh coimhead air sin 'son 45 mionad - ach bha àm ann nuair a bha fireannaich Bhàideanach a' cluich san aon sgioba.
Bha seo anns na 1920an nuair a bha coltas gu math diofraichte air saoghal na h-iomain is làmh an uachdair aig sgiobaidhean Earra-Ghàideal - rud a dh'fhàg gun do rinn Baile Ùr an t-Slèibh is Ceann a' Ghiùthsaich rud cha mhòr do-chreidsinneach.
Barrachd mun sin an seo.
Baile Ùr an t-Slèibh 1 Ceann a’ Ghiùthsaich 0
Tha tòrr air tachairt bhon a chaidh a' chuairt dheireannach a chur gu dol!
Baile Ùr an t-Slèibh 1 Ceann a’ Ghiùthsaich 0
Leth-chothrom aig Mata Sloss dìreach aig an deireadh ach chaidh e àrd os cionn an tadhail.
Leth-ùine is am Baile Ùr air thoiseach 1-0.
Thalla is cuir air a' choire!
Baile Ùr an t-Slèibh 1 Ceann a' Ghiùthsaich 0
Chan eil fhios dè an campa às a bheil an cuilean beag seo?
Baile Ùr an t-Slèibh 1 Ceann a’ Ghiùthsaich 0
Tha Steven Dòmhnallach sìos an-dràsta is e air buille fhaighinn mu bheul. Bhiodh e fìor a ràdh nach eil an Dòmhnallach air a dhòigh.
Tha sinn ann an ùine a chaidh a chur ris a' chiad leth a-nise.
Baile Ùr an t-Slèibh 1 Ceann a’ Ghiùthsaich 0
Dà chothrom an sin aig Kings is dà shàbhaladh eile aig Kenny Ros.
Tha bodach a' Bhaile Ùir ann an sunnd aig an ìre seo.
Bhuannaich Baile Ùr an t-Slèibh Cupa na Camanachd airson a' chiad uair ann an sia bliadhna.
Rinn iad an gnothach air sgioba eile Bhàideanach, Ceann a' Ghiùthsaich, 3-2.
Bha làmh an uachdair aig a' Bhail' Ùr fad tòrr den gheama agus cha tàinig Kings air adhart ceart gus an robh iad gu math air dheireadh aig 3-0.
Fhuair an cluicheadair aghaidh Iain Robinson dà thadhal don Bhaile Ùr - a' chiad fhear an dèidh 18 mionaid agus an uairsin a-rithist an dèidh 50 mionaid.
Fhuair am fear òg tàlantach Joe Coyle, a tha cuideachd a' cluiche ball-coise le cùmhnant aige aig Ross County, an tadhal eile dhan sgioba aig Peadar Ros an dèidh 63 mionaid.
Ach thill Ceann a' Ghiùthsaich le dà thadhal bho Ryan Borthwick a thàinig far na beingidh.
A dh'aindeoin 's gun robh cùisean air leth teann faisg air deireadh a' gheama, chaidh an là leis a' Bhail' Ùr aig a' cheann thall.
Fhuair Iain Robinson duais sàr-chluicheadair a' gheama cuideachd agus e a' faighinn bonn cuimhneachaidh Albert Mhic a' Ghobhainn.
B' ann ann an 2019 a fhuair iad an cupa mu dheireadh agus tha seo cuideachd a' ciallachadh nach eil Ceann a' Ghiùthsaich a' dol a dh'fhaighinn Grand Slam air an t-seusan seo.
Tha fhathast obair mu choinneimh an dà sgioba ge-tà, agus tiotal a' Phrìomh Lìg ri bhuannachadh airson an t-seusain.
Iain Robinson, sàr-chluicheadair a' gheama