You’re viewing a text-only version of this website that uses less data. View the main version of the website including all images and videos.
राज्याची आरोग्ययंत्रणा कोलमडली, 50 हजार कोटींचं पॅकेज द्या - देवेंद्र फडणवीस
कोरोनाच्या काळात अनेक जण अनेक गोष्टींना मुकतायत, त्यातलीच एक म्हणजे मानवी स्पर्श. स्पर्श, प्रेम, सेक्स याबद्दल अनेक लोक खुलेपणाने बोलू शकत नाहीत.
कोरोनाच्या या काळात जेव्हा यातील अनेक गोष्टींना आपल्याला मुकावं लागतंय, त्यावेळी हे बोलणं गरजेचं झालंय. मानवी आयुष्यात स्पर्शाचा एक महत्त्वाचा रोल असतो.
तो मिळाला नाही तर आपल्या मानसिक आणि शारिरीकआरोग्यावर काही परिणाम होऊ शकतात. काय आहे स्पर्शाचं महत्त्व याचीच ही सोपी गोष्ट.
माजी मुख्यमंत्री पृथ्वीराज चव्हाण यांच्यापाठोपाठ प्रकाश आंबेडकर यांनीही कोरोनाच्या काळात आर्थिक संकटाला तोंड देण्यासाठी धार्मिक स्थळाकडील सोनं ताब्यात घेण्याची मागणी केली आहे. तुम्हाला याबद्दल काय वाटतं? तुमच्या प्रतिक्रिया फेसबुक किंवा ट्वीटरवरच्या या चर्चेमध्ये पोस्ट करू शकता.
RBI ने कर्जाचा हप्ता न भरण्याची मुदतआणखी तीन महिन्यांनी वाढवून कर्जदारांना दिलासा दिला आहे.
रिझर्व्ह बँकेकडून रेपो रेटमध्ये कपात. रेपो रेट 4.4% पासून 4% केल्याची घोषणा रिझर्व्ह बँकेचे गर्व्हनर शक्तिकांत दास यांनी पत्रकार परिषदेत केली.
शक्तिकांत दास यांच्या पत्रकार परिषदेतले महत्त्वाचे मुद्दे-
देशात गेल्या 24 तासांत कोरोनाचे 6088 नवीन रुग्ण आढळले आहेत. देशातील कोरोना रुग्णांची संख्या आता 1,18,447 झाली आहे. कोरोनामुळे आतापर्यंत 3583 रुग्णांचा मृत्यू झाला आहे.
चीनपाठोपाठ कोरोनाचा सर्वाधिक फटका इटलीला बसला होता.इटलीमधली रुग्णसंख्या आणि मृत्यूंची संख्याही चीनपेक्षा जास्त झाली.
त्यानंतर अमेरिकेतली कोरोनाग्रस्तांची आकडेवारी जास्त झाली.अमेरिकेत आतापर्यंत कोव्हिड-19मुळे 95,000 लोकांचा मृत्यू झालेला आहेत, तर इटलीमध्ये 32,000 मृत्यू झालेले आहेत.
पण इटलीमध्ये मार्च आणि एप्रिलमध्ये कोव्हिड-19 मुळे जितके मृत्यू झाल्याचं सांगण्यात येतंय हा आकडा त्यापेक्षा 19,000 नी जास्त असण्याची शक्यता असल्याचं गुरुवारी इटलीच्या नॅशनल सिक्युरिटी एजन्सीने म्हटलं आहे.
INPS ही इटलीमधली सगळ्यात मोठी सामाजिक सुरक्षा आणि कल्याणकारी संस्था आहे. सरकारी आकडेवारीवर विश्वास ठेवता येणार नसल्याचं या संस्थेने म्हटलंय.
मार्च - एप्रिलमध्ये इटलीमध्ये एकूण 1,56,429 मृत्यू झाल्याचं या अभ्यासात सांगण्यात आलंय. 2015 ते 2019 दरम्यान या महिन्यांमध्ये इटलीमध्ये झालेल्या मृत्यूंच्या तुलनेत ही आकडेवारी सरासरी 46,909 ने जास्त आहे. यापैकी फक्त 27,938 मृत्यू कोरोनाव्हायरसशी संबंधित असल्याचं सिव्हिल प्रोटेक्शन एजन्सीने म्हटलंय.
याचाच अर्थ एरवीपेक्षा 18,971 जास्त मृत्यू झालेले आहेत आणि यापैकी 18,412 मृत्यू हे कोरोनाचा सर्वात गंभीर प्रादुर्भाव झालेल्या इटलीच्या उत्तर भागात झालेले आहेत. मृत्यूंचं वाढलेलं प्रमाण हे केवळ कोरोनाव्हायरसशी संबंधित असू शकत नाही, कारण लोकांना कोव्हिड 19च्या रुग्णांमुळे हॉस्पिटलमध्ये जागा नसल्यानेआरोग्यसेवा मिळत नसल्याचं INPSचं म्हणणं आहे.
शुक्रवारपर्यंत इटलीमध्ये कोरोना व्हायरसमुळे झालेल्या मृत्यूंची अधिकृत संख्या 32,486 आहे. यापैकी 26,715 मृत्यू हे इटलीच्या उत्तरेकडील लॉम्बार्डिया भागात झालेले आहेत. युरोपातल्या या भागात कोरोना व्हायरसचा प्रादुर्भाव मोठ्याप्रमाणात झालेला आहे.
अर्थमंत्री निर्मला सीतारमण विविध आर्थिक घोषणा केल्यानंतर आता रिझर्व्ह बँकेचे गव्हर्नर शक्तीकांत दास सकाळी 10 वाजता पत्रकार परिषद घेणार आहेत.
रात्री आठच्या सुमारास आशिष आणि विनायक तुमच्यासाठी कोरोनासंदर्भातले दिवसभराचे अपडेट्स घेऊन येतात, त्यांचं विश्लेषण करतात आणि तुमच्या प्रश्नांची उत्तरंही देतात.हा पॉडकास्ट न चुकता लाईव्ह पाहण्यासाठीबीबीसी मराठीच्या फेसबुक पेजला लाईक आणि फॉलो करा.
भारतात कोरोनाग्रस्त रुग्णांचा आकडा 1.12 लाखांहून अधिक झाला आहे. महाराष्ट्रात ही संख्या 41 हजारांहून अधिक झाली आहे.
महाराष्ट्रात गेल्या 24 तासात कोरोनाचे 2345 नवीन रुग्ण आढळले.
एकट्या मुंबईत रुग्णांची संख्या 25 हजारांहून अधिक झाली असून गेल्या 24 तासात 1,382 नवीन रुग्ण आढळले आहेत .
महाराष्ट्रात गुरूवारी (21 मे) कोरोनामुळे 64 रुग्णांचा मृत्यू झाला.
एकीकडे महाराष्ट्रात कोरोना रुग्णांची संख्या वाढत असताना माजी मुख्यमंत्री आणि भाजप नेते देवेंद्र फडणवीस यांनी उद्धव ठाकरे सरकारवर निशाणा साधला आहे. महाराष्ट्र सरकार कोरोना संकट निवारण्यामध्ये अपयशी ठरल्याची टीका फडणवीस यांनी केली.
“महाराष्ट्राला कोरोनाचा सर्वाधिक फटका बसला आहे. मुंबईतली परिस्थिती तर हाताबाहेर जात आहे. लॉकडाऊन सुरू झाल्यापासूनच या सरकारची धोरणं चुकलेली आहे. मुख्यमंत्री नवे आहेत आणि त्यांच्याकडे प्रशासनाचा कोणताही अनुभव नाहीये.”
·विमानात सोशल डिस्टन्सिंग नाही, सर्व सीट भरणार - हरदीप सिंह पुरी
·कोरोनाच्या पार्श्वभूमीवर पुण्यातील सार्वजनिक गणेशोत्सव साधेपणाने
·राज्यात आज 2345 नव्या रुग्णांची नोंद, एकूण संख्या 41 हजार 642 वर
·रेड झोन, कंटेनमेंट झोन वगळता इतर भागात जिल्हांतर्गत एसटी बस उद्यापासून सुरू - परिवहन मंत्री अनिल परब
·एकट्या उत्तर प्रदेशात 15 लाखांहून अधिक स्थलांतरित दाखल
·ऑलिंपिक स्पर्धा रद्द होण्याची शक्यता
·जगभरातल्या रुग्णसंख्येत एका दिवसात उच्चांकी वाढ - WHO
गुड मॉर्निंग. तुम्हाला जगभरातून कोरोना व्हायरससंबंधीचे सर्व अपडेट्स देण्यासाठी आम्ही इथे हजर आहोत.
त्यामुळे हे पान तुम्ही नक्की शेअर करा आणि दिवसभरातल्या ताज्या घडामोडींसाठी यावर लक्ष ठेवा.
धन्यवाद.