You’re viewing a text-only version of this website that uses less data. View the main version of the website including all images and videos.
कोरोना व्हायरस विषयीचे महाराष्ट्र, देश आणि जगातले सर्व ताजे अपडेट्स
मुंबईतल्या सायन रुग्णालयात कोरोना वार्डमध्ये जिवंत रुग्णांसोबत मृतदेह ठेवले जात असल्याचा एक व्हीडिओ सोशल मीडियावर व्हायरल झाला होता.
या व्हीडिओविषयी मुंबई महापालिकेनं स्पष्टीकरण देताना म्हटलंय की, या व्हायरल व्हीडिओची चौकशी करण्यासाठी आम्ही एक समिती गठीत केली आहे आणि पुढच्या 24 तासांत समिती अहवाल सादर करेल.
कोरोना व्हायरसमुळे ब्रिटनच्या अर्थव्यवस्थेवर आतापर्यंतचं सगळ्यात मोठं संकट ओढावेल, अशा इशारा बँक ऑफ इंग्लंडनं दिला आहे.
जूनमध्ये लॉकडाऊन पूर्णपणे समाप्त केल्यास अर्थव्यवस्था यंदा 14 टक्क्यांनी खालावेल, असं बँकेनं म्हटलं आहे.
बँकेचं हे विश्लेषण जून ते सप्टेंबर दरम्यान लॉकडाऊन टप्प्याटप्प्यानं शिथिल करण्यावर आधारित आहे, असं बँक ऑफ इग्लंडनं म्हटलं आहे.
आषाढातली पंढरपूरची वारी ही महाराष्ट्रातल्या सर्वांत मोठ्या सांस्कृतिक आणि धार्मिक सोहळ्यांपैकी एक मानली जाते. पण यंदा कोरोना विषाणूची साथ आणि लॉकडाऊनमुळे वारीवर अनिश्चिततेचं सावट आहे.
याविषयी वारकऱ्यांचे प्रतिनिधी आणि सरकारमध्ये चर्चा सुरू असून येत्या काही दिवसांत निर्णय अपेक्षित आहे.
पाहा व्हीडिओ -
भारतीय रेल्वेनं कोरोनाचा सामना करण्यासाठी देशभरातल्या 215 रेल्वे स्थानकांवर 5,231 कोव्हिड केअर सेंटर तयार केले आहेत.
तसंच भारतीय रेल्वेनं 2,500 डॉक्टर आणि 35,500 पॅरामेडिक स्टाफ तैनात केले आहेत.
मुख्यमंत्री उद्धव ठाकरे आणि वेगवेगळ्या राजकीय पक्षांच्या नेत्यांची आज व्हीडिओ कॉन्फरन्सिंगद्वारे बैठक पार पडली.
या बैठकीला अजित पवार, अशोक चव्हाण, बाळासाहेब थोरात, देवेंद्र फडणवीस, प्रवीण दरेकर, प्रकाश आंबेडकर, जोगेंद्र कवाडे, विनय कोरे, महादेव जानकर, जयंत पाटील, राज ठाकरे, इम्तियाज जलील, अशोक ढवळे, कपिल पाटील, राजेंद्र गवई आदी नेते उपस्थित होते.
या बैठकीनंतर राज ठाकरे यांनी मांडलेले मुद्दे -
1.मुंबईची अशी परिस्थिती यापूर्वी पाहिली नव्हती, जुन्या सिनेमात पाहिलं होतं.
2.कन्टेंन्मेंट झोनमध्ये पोलीस फोर्स वाढवा.
3.परप्रांतीय जेव्हा महाराष्ट्रात परत येतील तेव्हा त्यांची तपासणी करा.
4.सरकारचा लॉकडाऊनचा एक्झिट प्लॅन काय आहे?
5.कोरोनामुळे जी परिस्थिती उद्भवली आहे, त्याचं उत्तर ना तुमच्याकडे, माझ्याकडे, राज्य किंवा केंद्र सरकारकडे, कोणाकडेच नाही,जग चाचपडतंय,आता टीका करुन मोरल डाऊन करु नये.
6.मी जुन्या भाषणांत सांगितलं होतं,अडचण आली की हे परप्रांतीय सर्वांत आधी जातील, आता तेच घडतंय.
7.पोलिसांच्या जागी SRPFलावणं याचा अर्थ पोलीस कमी पडले असं नाही,दीड महिना काम करुन त्यांच्यावर ताण आहे, तो कमी होईल.
8.परप्रांतियांची एण्ट्री आणि एक्झिटवर बंधनं हवीत, प्रत्येक ठिकाणी माणुसकी चालत नाही.
9.सरकारी कर्मचारी, पोलीस ते सफाई कामगार, सर्वांच्या सुरक्षेबाबत सूचना, लॉकडाऊनचा एक्झिट प्लान काय? विषयी प्रश्न विचारला.
10.गर्दीच्या ठिकाणी सुरक्षा वाढवावी, छोटे दवाखाने सुरु करावेत, परप्रांतीय मजूर जे बाहेर गेले आहेत, त्यांची तपासणी करुन, नोंदणी करुन महाराष्ट्रात घ्यावं, MPSC विद्यार्थ्यांना घरी पोहोचवावं, या सूचना केल्या.
सौदी अरेबियात अडकलेल्या भारतीयांना देशात आणण्यासाठी 5 विशेष विमानांची सोय करण्यात येईल. या माध्यमातून 1 हजार भारतीयांना मायदेशी आणलं जाईल. सौदी अरेबियाच्या दूतावासानं ही माहिती बीबीसी प्रतिनिधी दिलनवाझ पाशा यांना ही माहिती दिली आहे.
विदेशात अडकलेल्या भारतीयांना परत आणण्यासाठी केंद्र सरकारनं 'वंदे भारत' नावाची योजना आणली आहे.
8 मेला पहिलं विमान सौदी अरेबियातल्या रियादहून कोझीकोडला येईल.
जवळपास 60 हजार लोकांनी भारतात परत येण्यासाठी अर्ज केले आहेत, असं दूतावासानं सांगितलं आहे.
विमानांच्या तारखा :
8 मे : रियाद – कोझिकोड
10 मे : रियाद – दिल्ली
12 मे : दम्माम – कोची
13 मे : जेद्दा – दिल्ली
14 मे : जेद्दा - कोची
मंत्रालयातल्या एका विभागाच्या प्रधान सचिवांना कोरोनाची लागण झाली आहे.
संबंधित अधिकाऱ्याचा रिपोर्ट पॉझिटिव्हआल्यानंतर त्यांच्याबरोबर काम करणाऱ्या इतर सचिवांना क्वारंटाईन करण्यात आलं आहे.
मंत्रालयात या आधी पाच जण कोरोना बाधित झाले होते, आता मंत्रालयातील बाधितांचा आकडा सहावर पोहोचला आहे.
नमस्कार मंडळी,
सकाळपासून कोरोना व्हायरस संदर्भातले महत्त्वाचे अपडेट्स बीबीसी मराठीच्या या लाईव्ह पेजच्या माध्यमातून आपण जाणून घेत आहोत. आता दुपारचे दोन वाजलेत.
इथून पुढचे अपडेट्सही आपण पाहणार आहोत, पण त्यापूर्वी नजर टाकूया आतापर्यंतच्या महत्त्वाच्या घडामोडींवर.
1.देशातील कोरोना व्हायरसची लागण झालेल्या व्यक्तींची संख्या 52,952 वर पोहोचली आहे. तर आतापर्यंत 1783 जणांचा मृत्यू झाला आहे.
2."गौतम बुद्धांनी त्याग आणि तपस्या ही शिकवण दिली.गौतम बुद्धांचा उपदेश कोरोना संकटकाळात उपयोगी येत आहे."-नरेंद्र मोदी
3.स्थलांतरित मजुरांना घेऊन एक विशेष रेल्वे भिवंडीहून बिहारला रवाना झाली आहे. यामध्ये सुमारे 1200 प्रवासी होते.
4.स्थलांतरित मजुरांची पायपीट अजूनही सुरुच आहे. आज मुंबई-नाशिक हायवेवर पुन्हा मजूर चालत जाताना आढळून आले.
5.मुंबईत तब्बल 250 पोलीस कर्मचारी आणि अधिकाऱ्यांना कोरोना व्हायरसची लागण झाली आहे. पण यामध्ये बहुतांश पोलिसांमध्ये कोव्हिड-19 ची लक्षणं दिसलेली नाहीत.
लॉकडाऊनमुळे मनमाडमधील गुरुद्वारेत अडलेल्या भाविकांची रवानगी त्यांच्या स्वगृही करण्यात आली आहे. महाराष्ट्र सरकारने बसची सोय करून या भाविकांना पंजाबला पाठवलं आहे. सर्व भाविकांची तपासणी केली आहे. तरी घरी परतल्यानंतर त्यांना 14 दिवस क्वारंटाईन करण्यात येईल.
मुंबईत तब्बल 250 पोलीस कर्मचारी आणि अधिकाऱ्यांना कोरोना व्हायरसची लागण झाली आहे. पण यामध्ये बहुतांश पोलिसांमध्ये कोव्हिड-19 ची लक्षणं दिसलेली नाहीत. तसंच लागण झालेल्या पोलिसांपैकी कुणीही गंभीर नाही, अशी माहिती मुंबई पोलीस आयुक्त परमबीर सिंग यांनी दिली आहे.
राजस्थानातील कोरोनाबाधितांचा आकडा 3355 वर पोहोचला आहे. राज्यात आतापर्यंत 95 जणांचा मृत्यू झाल्याची माहिती राजस्थान आरोग्य विभागाने दिली आहे.
स्थलांतरित मजुरांची पायपीट अजूनही सुरुच आहे. आज मुंबई-नाशिक हायवेवर पुन्हा मजूर चालत जाताना आढळून आले. जेवण्यासाठी पैसे नसल्यामुळे चालत जाण्याशिवाय कोणताच पर्याय उपलब्ध नसल्याचं जौनपूरला जात असलेल्या प्रीती कुमारी यांनी सांगितलं. असेच अनेक स्थलांतरित विविध राज्यांच्या दिशेने चालत जात आहेत.
कोरोना व्हायरसच्या पार्श्वभूमीवर महात्मा गांधी ग्रामीण रोजगार हमी योजनेतून राज्यातील 3 लाख 81 हजार 930 लोकांना रोजगार देण्यात येणार आहे. यामुळे मागेल त्याला काम उपलब्ध होईल. नागरिकांना कामासाठी बाहेर कोठेही जाण्याची आवश्यकता नाही, अशी माहिती मनरेगा आयुक्त ए.एस.आर. नायक यांनी दिली आहे.
एअर इंडिया अमेरिकेत अडकलेल्या भारतीय प्रवाशांसाठी विशेष विमानांची सोय करणार आहे. 9 ते 15 मेदरम्यान ही विमानं अमेरिकेतून भारतात येतील. या प्रवासाचं तिकीट प्रवाशांकडूनच घेण्यात येणार आहे, असं अमेरिकेतील भारतीय उच्चायुक्त कार्यालयाने कळवलं आहे.
स्थलांतरित मजुरांना घेऊन एक विशेष रेल्वे भिवंडीहून बिहारला रवाना झाली आहे. यामध्ये सुमारे 1200 प्रवासी होते.
नरेंद्र मोदी यांच्या भाषणातील प्रमुख मुद्दे -