You’re viewing a text-only version of this website that uses less data. View the main version of the website including all images and videos.
कोरोना व्हायरस विषयीचे महाराष्ट्र, देश आणि जगातले सर्व ताजे अपडेट्स
देशांतर्गत तसंच आंतरराष्ट्रीय विमानांच्या उड्डाणासंबंधीचा कोणताही निर्णय अद्याप झाला नसल्याचं नागरी उड्डयन मंत्रालयानं स्पष्ट केलं आहे.
सरकारनं निर्णय जाहीर केल्यानंतरच विमान कंपन्यांनी तिकिटांचं बुकिंग सुरू करावं, असंही मंत्रालयानं स्पष्ट केलं आहे.
अमेरिकेला लागून असलेली कॅनडाची सीमा पुढच्या 30 दिवसांसाठी बंद राहील आणि या कालावधीत कोणत्याही अनावश्यक प्रवासावर बंदी राहील, असं कॅनडाचे पंतप्रधान जस्टिन ट्रूडो यांनी जाहीर केलं आहे.
कोरोनाच्या प्रादुर्भावामुळे या देशांदरम्यान लादलेली अनावश्यक प्रवासावरची बंदी या मंगळवारी संपुष्टात येणार होती. आता ही बंदी 30 दिवसांनी वाढवण्यात आली आहे.
दोन्ही देशांतल्या नागरिकांच्या सुरक्षेसाठी हे पाऊल उचलणं गरजेचं होतं, असं ट्रूडो यांनी म्हटलं आहे.
तुम्हाला माहितीये, आम्ही हे लाईव्ह कव्हरेज दररोज असंच करतोय...
काल, म्हणजेच शुक्रवारी महाराष्ट्रापासून जगभरात काय काय घडलं कोरोना व्हायरस संदर्भात, ते सारंकाही वाचण्यासाठी इथे क्लिक करा
जगभरात कोरोनाचा संसर्ग झालेल्या रुग्णांची संख्या 22 लाखांपेक्षा जास्त झाली आहे, तर कोरोनामुळे जगभरात आतापर्यंत 1 लाख 46 हजार 898 जणांचा मृत्यू झाला आहे.
कोरोनाचा सर्वाधिक फटका अमेरिकेला बसला आहे. अमेरिकेत आतापर्यंत 7 लाख 14 हजार 215 कोरोनाचे रुग्ण आढळले असून 37 हजार 555 जणांनी कोरोनामुळे जीव गमावला आहे.
स्पेनमध्ये गेल्या 24 तासात 5 हजार 252 अधिक रुग्ण आढळले होते, आणि मृतांचा आकडा 20 हजारांच्या पुढे गेला आहे. इटलीमध्येही मृतांचा आकडा 23 हजारांच्या वर आहे.
गुड मॉर्निंग. कसे आहात? घरीच आहात ना? घरीच राहा.
तुमच्यापर्यंत कोरोनाचे सर्व अपडेट्स आम्ही नियमितपणे पोहोचवत आहोतच. आजच्या या लाईव्ह ब्लॉगमध्ये तुमचं स्वागत.
सुरुवातीला आतापर्यंतच्या काही ठळक अपडेट्सवर नजर टाकू या... त्यावर...