मुंबईत एकाच दिवसात 184 नवे रुग्ण, राज्यातल्या रुग्णांची संख्या 3648 वर

लाईव्ह कव्हरेज

1. 18 एप्रिल 2020जगाचं बोलायचं झालं तर...

   जगभरात कोरोनाचा संसर्ग झालेल्या रुग्णांची संख्या 21.51 लाख एवढी झाली आहे.

   कोरोनाचा सर्वाधिक फटका अमेरिकेला बसला आहे. अमेरिकेत आतापर्यंत 32 हजार जणांनी कोरोनामुळे जीव गमावला आहे.

   स्पेनमध्ये गेल्या 24 तासात पाच हजारहून अधिक रुग्ण आढळले होते.

   तर गेल्या महिन्याभरात लॉकडाऊनमुळे जर्मनीमध्ये लागण होण्याचं प्रमाण सध्या 0.7 वर आलं आहे. म्हणजे एका रुग्णाकडून आता एकापेक्षा कमी लोकांना लागण होण्याची शक्यता आहे.

   जर्मनीमध्ये मृतांचा आकडाही 3868, म्हणजेच स्पेन किंवा इटलीपेक्षा बराच कमी आहे.

2. 18 एप्रिल 2020सुप्रभात!

   गुड मॉर्निंग. कसे आहात? घरीच आहात ना? घरीच राहा.

   तुमच्यापर्यंत कोरोनाचे सर्व अपडेट्स आम्ही नियमितपणे पोहोचवत आहोतच. आजच्या या लाईव्ह पेजमध्ये तुमचं स्वागत.

   सुरुवातीला काही ठळक अपडेट्सवर नजर टाकू या... म्हणजे तुम्ही रात्रीतून काय काय मिस केलं, त्यावर...

   • 17 एप्रिल अर्थात शुक्रवारी राज्यात 118 रुग्णांची भर पडली तर 7 जणांचा मृत्यू झाला. यापैकी मुंबईचे 5 तर 2 पुण्याचे होते.

   • शुक्रवारी रात्रीपर्यंत राज्यात कोरोना बाधितांची संख्या 3,320 झाले. पण चिंता नको, कारण आतापर्यंत 331 जण या आजारातून बरे होऊन घरी परतलेसुद्धा आहेत.