महाराष्ट्रातील आज 221 नवे रुग्ण, एकूण आकडा 1982 वर

लाईव्ह कव्हरेज

1. 12 एप्रिल 2020भारतात 24 तासांमध्ये 34 रुग्णांचा मृत्यू

   भारतात 24 तासांमध्ये 909 जणांना कोरोनाची लागण झाल्याचे स्पष्ट झाले असून 34 रुग्णांचा मृत्यू झाला आहे. भारतात एकूण 8356 रुग्ण आहेत.

2. 12 एप्रिल 2020मुंबई कसं बनलं कोरोनाचं हॉटस्पॉट?

   देशाची आर्थिक राजधानी आणि प्रचंड लोकसंख्येचं शहर असलेल्या मुंबईत कोरोना रुग्णांचा वाढतोच आहे. काय आहेत नेमकी कारणं ज्यामुळे मुंबई कोरोनाचं हॉटस्पॉट झालं आहे? वाचा सविस्तर

3. 12 एप्रिल 2020श्रीलंकेने मानले भारताचे आभार

   कोरोनाग्रस्तांवरील उपचारांसाठी आवश्यक वैद्यकीय मदत पुरवल्याबद्दल श्रीलंकेने भारताचे आभार मानले आहेत.

4. 12 एप्रिल 2020भारताकडे पुरेसे व्हेंटिलेटर्स आहेत का?- पाहा व्हीडिओ

5. 12 एप्रिल 2020इस्टर संडे परंतु मुंबईतील चर्च बंद

   इस्टरच्या निमित्ताने चर्चमध्ये प्रार्थनेचं आयोजन केलं जातं मात्र यंदा कोरोनाचा संसर्ग रोखण्याच्या दृष्टीने मुंबईतील सेंट मायकेल चर्च तसंच वांद्रे येथील चर्च बंद ठेवण्यात आलं आहे.

6. 12 एप्रिल 2020लॉकडाऊन नसतं, तर भारतात 15 एप्रिलपर्यंत 8.2 लाख रुग्ण असते...

7. 12 एप्रिल 2020महाराष्ट्रातल्या दूध व्यावसायिकांना आर्थिक फटका

   कोरोना काळात हॉटेल्स, चहाच्या टपऱ्या बंद असल्याने राज्यातील दूध व्यावसायिकांना आर्थिक फटका बसत आहे. "आम्ही 50 ते 55 रुपये प्रतिलिटर दराने दूध विकत असू, आता 30-35 रुपये प्रतिलिटर असं विकत आहोत. हॉटेल्स तसंच चहाच्या टपऱ्या बंद असल्याने दुधाची मागणी कमी झाली आहे. तोटा सहन करून व्यवसाय सांभाळणं कठीण आहे", असं नाशिकमधील दूध व्यावसायिकांनी सांगितलं.

8. 12 एप्रिल 2020कोरोनाचा प्रसार रोखणारा 'इस्लामपूर पॅटर्न' काय आहे?

9. 12 एप्रिल 2020चार राज्यात 30 एप्रिलपर्यंत लॉकडाऊन

   कोरोनाचा विषाणूचा प्रादुर्भाव टाळण्यादृष्टीने महाराष्ट्र, ओदिशा, पंजाब आणि तेलंगणा या चार राज्यांनी लॉकडाऊन 30 एप्रिलपर्यंत लागू करण्याचा निर्णय घेतला आहे.

10. 12 एप्रिल 2020कोरोनाच्या काळात उद्योगधंदे सुरू राहू शकतात का? पाहा व्हीडिओ-

11. 12 एप्रिल 2020दिल्लीहून मेलबर्नला विशेष विमान रवाना

    भारतात अडकलेल्या ऑस्ट्रेलिया आणि न्यूझीलंडच्या नागरिकांना घेऊन विशेष विमान दिल्लीहून मेलबर्नला रवाना झालं. यामध्ये ऑस्ट्रेलियाचे 430 तर न्यूझीलंडच्या 14 नागरिकांचा समावेश आहे. भारतातल्या ऑस्ट्रेलियाच्या दूतावासाने या विमानाची व्यवस्था केली.

12. 12 एप्रिल 2020अमेरिकेत कोरोनाचे 20,000 बळी

    अमेरिकेत कोरोनामुळे आतापर्यंत 20 हजार लोकांचे प्राण गेले आहेत.

13. 12 एप्रिल 2020आतापर्यंतच्या ठळक घडामोडी

    नमस्कार,बीबीसी मराठीच्या लाईव्ह पेजच्या माध्यमातून कोरोनाविषयक प्रत्येक अपडेट आपण येथे वाचू शकता.1) महाराष्ट्रात 30 एप्रिलपर्यंत लॉकडाऊन करण्याची घोषणा मुख्यमंत्री उद्धव ठाकरे यांनी केली.

    2) सोशल डिस्टन्स ठेवून कामगारांचा, मजुरांचा वापर शेतकरी करू शकतो. शेतीमाल वाहतुकीलाही प्रॉब्लेम नाही.असं मत राज्याचे कृषिमंत्री दादा भुसे यांनी बीबीसी मराठीशी बोलताना व्यक्त केलं.

    3) जॉन्स हॉपकिन्स युनिव्हर्सिटी अमेरिकेत 20 हजार लोकांचे कोरोनामुळे प्राण गेले आहेत.

    काल रात्रीपर्यंतच्या घडामोडी वाचण्यासाठी येथे क्लिक करा.