मोदी सरकार: नरेंद्र मोदींची संसदीय दलाच्या नेतेपदी निवड

लाईव्ह कव्हरेज

1. 23 मे 2019सकाळी 8.44 वाजेपर्यंतच्या कलानुसार पश्चिम बंगालमध्ये तृणमूलची आघाडी

2. 23 मे 2019राज्यात एका जागी काँग्रेस आघाडीवर तर 3 जागांवर भाजप अाघाडीवर

3. 23 मे 2019भाजपला 300 हून अधिक जागा मिळतील- भाजप प्रवक्ता

   भाजपला 300हून अधिक जागा मिळतील. कधी चांगली रुग्णालयं मिळतील, कधी घरात बल्ब लागेल असा विचार गरिबांनी कधीही केला नव्हता. आज त्यांच्या घरात एलईडी आहे. मोदींना ‘चोर’ही म्हणवलं गेलं मात्र लोकभावना त्यांच्याबरोबर आहेत.- अश्वनी उपाध्याय, भाजप प्रवक्ता

4. 23 मे 2019भाजपची 60 जागांवर आघाडी तर काँग्रेसची 17 जागांवर, राष्ट्रवादी काँग्रेस 3 ठिकाणी आघाडीवर

   निवडणूक आयोगाने दिलेल्या आकडेवारीनुसार 60 ठिकाणी भाजप आघाडीवर आहे काँग्रेस 17 ठिकाणी, तर राष्ट्रवादी काँग्रेस 3 ठिकाणी आघाडीवर आहे.

   जनता दल, केरळ काँग्रेस, मिझो नॅशनल फ्रंट, तेलंगणा राष्ट्र समिती, शिरोमणी अकाली दल, वाय. एस. आर. काँग्रेस, कम्युनिस्ट पार्टी ऑफ इंडिया, तृणमूल काँग्रेस, शिवसेना, सिक्कीम क्रांतिकारी मोर्चा हे प्रत्येकी एका जागेवर आघाडीवर आहेत.

5. 23 मे 2019भाजपची 36 जागांवर आघाडी तर काँग्रेसची 11 जागांवर, राष्ट्रवादी काँग्रेस 3 ठिकाणी आघाडीवर

   निवडणूक आयोगाने दिलेल्या आकडेवारीनुसार 36 ठिकाणी भाजप आघाडीवर आहे काँग्रेस 11 ठिकाणी, तर राष्ट्रवादी काँग्रेस 3 ठिकाणी आघाडीवर आहे.

   जनता दल, केरळ काँग्रेस, मिझो नॅशनल फ्रंट, तेलंगणा राष्ट्र समिती, शिरोमणी अकाली दल हे प्रत्येकी एका जागेवर आघाडीवर आहेत.

6. 23 मे 201924 जागांवर भाजपची आघाडी, काँग्रेस 15 जागांवर काँग्रेस आघाडीवर

   सकाळी 8.30 वाजेपर्यंत झालेल्या मतमोजणीतून भाजप 24 जागांवर आणि काँग्रेसने 15 जागांवर आघाडी घेतल्याचे दिसत आहे.

   (स्रोत-सी-व्होटर)

7. 23 मे 2019मध्य प्रदेशात 4 जागांवर भाजपची आघाडी

   मध्य प्रदेशात 4 जागांवर भाजपने आघाडी घेतली असून एका जागेवर काँग्रेसने आघाडी घेतली आहे.

   (स्रोत- सी-व्होटर)

8. 23 मे 2019चंदिगडमध्ये मतमोजणीला सुरुवात

   भाजपतर्फे खासदार किरण खेर, काँग्रेसतर्फे पवन कुमार बन्सल आणि आम आदमी पार्टीचे हरमोहन धवन हे उमेदवार या निवडणुकीत उभे आहेत.

9. 23 मे 2019महाराष्ट्रात तीन जागांवर भाजप आघाडीवर

   सी-व्होटरकडून आलेल्या माहितीमध्ये सुरुवातीच्या मतमोजणीत भाजपने 3 जागांवर आघाडी घेतल्याचे स्पष्ट झाले आहे. तसेच काँग्रेस एका जागेवर आघाडीवर आहे.

10. 23 मे 2019बंगळुरूमध्ये मतमोजणीला सुरुवात, द. बंगळुरूकडे सर्वांचे लक्ष

    बंगळुरुमध्ये मतमोजणीला सुरुवात झाली आहे. 1991 पासून दक्षिण बंगळुरू मतदारसंघात भाजपाचा विजय झाला आहे.1996 पासून 2014 च्या निवडणुकीपर्यंत अनंत कुमार यांचा विजय झाला होता.

    यावेळेस भाजपने तेजस्वी सूर्या यांना निवडणुकीच्या रिंगणात उतरवले आहे. त्यांच्याविरोधात काँग्रेसचे बी. के. हरिप्रसाद निवडणूक लढवत आहेत. यंदा या मतदारसंघात कोण विजयी होणार याकडे सर्वांचे लक्ष लागले आहे.

    ही निवडणूक आपणच जिंकू असा विश्वास तेजस्वी सूर्या यांनी व्यक्त केला आहे.

11. 23 मे 20198040 उमेदवारांचे भविष्य आज ठरणार

    लोकसभा निवडणुकीच्या मतमोजणीला सुरूवात झाली असून एकूण 8040 उमेदवारांचे भविष्य आज ठरेल.

12. 23 मे 2019काँग्रेस मुख्यालयाबाहेर होमहवन

    काँग्रेसच्या नवी दिल्लीतल्या मुख्यालयाबाहेर कार्यकर्त्यांकडून होमहवन केलं जात आहे. त्याचा आढावा घेतला आहे बीबीसीचे प्रतिनिधी झुबैर अहमद यांनी.

13. 23 मे 2019निकाल काँग्रेसच्या बाजूने लागेल- अजय माकन

    नवी दिल्ली मतदारसंघात काँग्रेसच्या तिकिटावर निवडणूक लढवणाऱ्या अजय माकन यांनी सर्व निकाल काँग्रेसच्या बाजूने लागतील असा विश्वास व्यक्त केला आहे.

    भाजपाच्या मीनाक्षी लेखी यांच्याविरोधात ते निवडणूक लढवत आहेत. काँग्रेस विजयी होईल आणि पक्षाचे सरकार स्थापन होईल तसेच राहुल गांधी पंतप्रधान होतील असाही विश्वास त्यांनी व्यक्त केला.

14. 23 मे 2019देशभरात मतमोजणीला सुरुवात

    देशभरातल्या वेगवेगळ्या मतदान केंद्रांवर मतमोजणीला सुरुवात झाली आहे. सुरुवातीला पोस्टानं येणाऱ्या मतांची मोजणी केली जाणार आहे.

15. 23 मे 2019मतमोजणीला थोड्याच वेळात सुरुवात

    आज सर्वांची नजर असेल ती स्ट्राँगरूम्सवर. देशभरातील शेकडो अशा स्ट्राँग रूम्समध्ये आज हजारो उमेदवारांचं नशीब ठरणार आहे.

    आम्हीही देशभरातील बहुतांश मतदारसंघांमधून तुमच्यापर्यंत ताजी आणि अचूक माहिती आणणार आहोत.

    तुम्ही आमच्या सोशल मीडिया आकाउंट्सवर तसंच जिओ टीव्ही अॅपवर आमचं विशेष कव्हरेज पाहू शकता.

    https://bbc.com.im/marathi%3C/a%3E%3C/p%3E%3C/div%3E%3Cdiv dir="ltr" class="css-1k9op6x e17x9cvu0">

    https://www.facebook.com/bbcnewsmarathi/

    https://twitter.com/bbcnewsmarathi

    https://www.youtube.com/BBCNEWSMARATHI

16. 23 मे 2019संजय निरुपम यांनी घेतले सिद्धिविनायकाचे दर्शन

    मुंबई उत्तर पश्चिम लोकसभा मतदारसंघात काँग्रेसतर्फे निवडणूक लढवणारे संजय निरुपम यांनी सकाळी सिद्धिविनायकाचे दर्शन घेतले.

    संजय निरूपम यांनी शिवसेनेचे गजानन कीर्तीकर यांच्याविरोधात निवडणूक लढवली आहे. या मतदारसंघात 2014 साली कीर्तीकर यांचा विजय झाला होता.

    संजय निरुपम यांनी मुंबई प्रदेश काँग्रेसच्या अध्यक्षपदीही काम केले आहे. 2014 साली त्यांनी उत्तर मुंबई मतदारसंघात गोपाळ शेट्टी यांच्याविरोधात निवडणूक लढवली होती.

    2009 साली उत्तर मुंबई मतदारसंघात भाजपाच्या राम नाईक यांचा पराभव करून ते लोकसभेत गेले होते.

17. 23 मे 2019मतमोजणीसाठी कडक सुरक्षाव्यवस्था

    सकाळी 8 वाजता मतमोजणीला सुरुवात होत आहे. बंगळुरू आणि हैदराबाद येथील सुरक्षाव्यस्थेची ही छायाचित्रे.

18. 23 मे 2019मतमोजणीपूर्वी उमेदवारांनी देवदर्शनाने केली दिवसाची सुरुवात, सकाळी 8 वाजता मतमोजणीला सुरुवात होत आहे.

    केरळमधील तिरुअनंतपूरम येथील भाजप उमेदवार कुम्मानम राजशेखरन यांनी सकाळी अय्यागुरू आश्रम येथे जाऊन प्रार्थना केली.

    काँग्रेसचे शशी थरूर आणि डाव्या आघाडीचे उमेदवार सी. दिवाकरन यांच्याविरोधात ते निवडणूक लढवत आहेत.

    भाजपचे उमेदवार तेजस्वी सूर्या यांनी माध्यमांशी संवाद साधला.

19. 23 मे 2019EVM : मतांमध्ये फेरफारासाठी या मशीन्स सुरक्षा व्यवस्थेतून बाहेर काढणं किती सोपं?

20. 23 मे 2019लोकसभा निकाल: बीबीसीच्या नावाने पसरवला जात असलेला 'तो' सर्व्हे खोटा