रवींद्र वायकर 48 मतांनी विजयी, नाट्यमय घडामोडींनंतर लागला निकाल

लाईव्ह कव्हरेज

ओंकार करंबेळकर

1. 4 जून 2024मराठवाड्यातील मतदारसंघांची सध्याची स्थिती

   औरंगाबाद लोकसभा मतदारसंघातील स्थिती

   • संदीपान भुमरे - 265786
   • इम्तियाज जलील -227369

   संदीपान भुमरे 38,417 मतांनी आघाडीवर

   ...............बीड लोकसभा मतदारसंघातील स्थिती

   • पंकजा मुंडे - 216635
   • बजरंग सोनवणे - 205372

   पंकजा मुंडे 11,263 मतांनी आघाडीवर.........................................

   जालना लोकसभा मतदारसंघातील स्थिती

   • कल्याण काळे- 285297
   • रावसाहेब दानवे- 260233

   रावसाहेब दानवे 5,064 मतांनी पिछाडीवर

   लोकसभा निकाल :सार्वत्रिक निवडणूक भारत 2024 पाहाण्यासाठी येथे क्लिक करा

2. 4 जून 2024जालना लोकसभा निकाल : काँग्रेसच्या कल्याण काळेंकडून रावसाहेब दानवे पराभूत

3. 4 जून 2024मुंबई उत्तर मध्य मतदारसंघामध्ये उज्वल निकम आणि वर्षा गायकवाड यांच्यात 'काटे की टक्कर'

   मुंबई उत्तर मध्य लोकसभा मतदारसंघात भाजपाच्या उज्वल निकम यांना 385695 मतं तर वर्षा गायकवाड यांना 382174 मतं मिळाली आहेत. उज्वल निकम यांना केवळ मताधिक्य 3521 मिळालं आहे.

   लोकसभा निकाल :सार्वत्रिक निवडणूक भारत 2024 पाहाण्यासाठी येथे क्लिक करा

4. 4 जून 2024पंजाबचे माजी मुख्यमंत्री चन्नी यांचा विजय

   पंजाबमधील जालंधर लोकसभा मतदारसंघातून पंजाबचे माजी मुख्यमंत्री चरणजीत सिंह चन्नी विजयी झालेत. या जागेवर काँग्रेस नेते चरणजीत सिंह चन्नी यांनी भाजपच्या सुशील कुमार रिंकू यांचा 1 लाख 75 हजार 99३ मतांनी पराभव केला आहे.

   

   फोटो स्रोत, ANI

   चन्नी यांनी 3 लाख 90 हजार 53 मते घेतली. 1999 ते 2019 पर्यंत या जागेवर काँग्रेसचे वर्चस्व होतं, मात्र गेल्या निवडणुकीत आम आदमी पार्टीने येथून विजय मिळवला होता.

   पंजाबमध्ये लोकसभेच्या एकूण 13 जागा आहेत. चन्नी यांच्या विजयानंतर उरलेल्या 12 जागांपैकी काँग्रेस 6, आम आदमी पार्टी 3, शिरोमणी अकाली दल एक आणि अपक्ष दोन जागांवर आघाडीवर आहेत.

   लोकसभा निकाल :सार्वत्रिक निवडणूक भारत 2024 पाहाण्यासाठी येथे क्लिक करा

5. 4 जून 2024राज ठाकरे आणि प्रकाश आंबेडकर यांचा मतदारांवर किती प्रभाव पडला?

6. 4 जून 2024दिंडोरीत भास्कर भगरे आघाडीवर

   19 व्या फेरीनंतर उमेदवारांना मिळालेली मते पुढीलप्रमाणे

   • भारती पवार- 3 लाख 91 हजार 889 (भाजप)
   • भास्कर भगरे- 4 लाख 72 हजार 955 (राष्ट्रवादी शरद पवार गट)

   

   फोटो स्रोत, UGC

7. 4 जून 2024धाराशीव लोकसभा मतदारसंघात ओमराजे निंबाळकर आघाडीवर

   17 व्या फेरीअखेर धाराशीव मतदारसंघात उमेदवारांना मिळालेली मतं पुढीलप्रमाणे

   ओमराजे निंबाळकर 4,80,749

   अर्चना पाटील 2,74,159

   आघाडी- 2,06,590 (ओमराजे निंबाळकर)

   लोकसभा निकाल :सार्वत्रिक निवडणूक भारत 2024 पाहाण्यासाठी येथे क्लिक करा

8. 4 जून 2024चंद्रपुरात प्रतिभा धानोरकर विजयाच्या दिशेने

   

   चंद्रपुरात प्रतिभा धानोरकर यांची विजयाकडे वाटचाल चंद्रपुरात आपला जुना गड परत मिळविण्यासाठी काँग्रेसनं महाराष्ट्राचे मंत्री सुधीर मुनगंटीवार यांना संधी दिली होती. पण, काँग्रेसनं प्रतिभा धानोरकर यांना तिकीट दिलं

   प्रतिभा धानोरकर यांनी मुनगंटीवार यांना धोबीपछाड करत अगदी पहिल्या फेरीपासून लीड कायम ठेवलं आहे. सध्या प्रतिभा धानोरकर यांना 3 लाख 90 हजार मतं मिळाली असून सुधीर मुनगंटीवार यांना 2 लाख 53 हजार मतं मिळाली आहेत.

   प्रतिभा धानोरकर 1 लाख 37 हजार मतांची विजयी आघाडीकडे वाटचाल सुरू झाली आहे. सुधीर मुनगंटीवार यांना धानोरकरांचं लीड तोडणं आता शक्य नाही. त्यामुळे प्रतिभा धानोरकर यांचा विजय पक्का मानला जातोय.

   लोकसभा निकाल :सार्वत्रिक निवडणूक भारत 2024 पाहाण्यासाठी येथे क्लिक करा

9. 4 जून 2024बारामतीचा निकाल यापेक्षा वेगळा लागेल असं कधी वाटलं नव्हतं- शरद पवार

   राष्ट्रवादी शरदचंद्र पवार गटाचे अध्यक्ष शरद पवार यांनी निकालाचे कल स्पष्ट होताच पत्रकार परिषद घेतली.

   ते म्हणाले, "महाराष्ट्राच्या जनतेचं आभार. राष्ट्रवादी काँग्रेसच्या सर्व कार्यकर्त्यांनी कष्ट घेतले, त्यासाठी संघटनेच्यावतीने आभार मानतो. हा निकाल परिवर्तनाला पोषक असा आहे. या निवडणुकीत अनेक चांगल्या गोष्टी घडल्या.

   विशेष करून उत्तरप्रदेशमध्ये तुमच्या पोलपेक्षा वेगळं चित्र दिसलं. याचा अर्थ आमचे सहकारी चांगलं काम करत आहेत. मी कॉंग्रेसचे अध्यक्ष खरगे आणि इतक सहकाऱ्यांसोबत चर्चा केली. कदाचित उद्या इंडीया आघाडीची दिल्लीत बैठक होईल. नितीशकुमारांशी आणि चंद्राबाबू नायडू यांच्याशी काहीही बोलणं झालेलं नाही. राष्ट्रवादी कॉंग्रेसने दहा जागा लढवल्या होत्या त्यापैकी राष्ट्रवादीला सात जागांवर पुढे आहोत. महाराष्ट्रात उद्धव ठाकरे, जयंत पाटील आणि नाना पटोले यांच्या नेतृत्वात चांगली कामगिरी झाली आहे."

   "बारामतीत यापेक्षा वेगळा निकाल लागेल असं मला कधी वाटलं नव्हतं. बारामतीतील सामान्यांची मानसिकता काय आहे हे मला ठाऊक आहे."

   लोकसभा निकाल :सार्वत्रिक निवडणूक भारत 2024 पाहाण्यासाठी येथे क्लिक करा

10. 4 जून 2024लातूर लोकसभा निकाल : काँग्रेसच्या डॉ. शिवाजीराव काळगेंची सुधाकर शृंगारेंविरोधात मोठी आघाडी

11. 4 जून 2024महाराष्ट्र निकाल LIVE: ठाकरे-पवार विरूद्ध शिंदे-फडणवीस, कोण मारणार बाजी?

    लोकसभा निवडणुकीच्या निकालाचा महाराष्ट्राच्या दृष्टिने अर्थ काय?

    उद्धव ठाकरे-शरद पवार विरुद्ध एकनाथ शिंदे-देवेंद्र फडणवीस यांच्यामध्ये कोणी बाजी मारली?

    पाहा बीबीसी मराठीचं विश्लेषण इथे क्लिक करून.

    

12. 4 जून 2024इंदौरमध्ये 'नोटा'ला 2 लाख लोकांची पसंती

    

    फोटो स्रोत, Getty Images

    मध्य प्रदेशातील इंदौर मतदारसंघात मतदारांनी NOTA बटण 2 लाखांहून अधिक लोकांनी दाबल्याची बातमी समोर येत आहे.

    दुपारी 2.30 वाजेपर्यंत जाहीर झालेल्या आकडेवारीनुसार या जागेवर दोन लाखांहून अधिक मतदारांनी नोटा बटण दाबले. या जागेवर नोटा दुसऱ्या क्रमांकावर आहे.

    या जागेवर भाजपचे उमेदवार शंकर लालवाणी यांना आतापर्यंत 11 लाख 83 हजारांहून अधिक मतं मिळाली आहेत.

    बसपाचे उमेदवार संजय शंकर लाल तिसऱ्या क्रमांकावर आहेत. आतापर्यंत त्यांना केवळ 49 हजार मते मिळाली आहेत.

    संजय लाल भाजप उमेदवार शंकर लालवाणी यांच्यापेक्षा 11 लाख मतांनी पिछाडीवर आहेत.

13. 4 जून 2024स्मृती इराणींना पिछाडीवर टाकणाऱ्या किशोरी लाल शर्मांचं प्रियंका गांधींकडून अभिनंदन

    उत्तर प्रदेशमधील अमेठी मतदार संघात काँग्रेसचे उमेदवार किशोरी लाल शर्मा 90 हज़ार मतांनी आघाडीवर आहेत. ही आकडेवारी दुपारी 2.20 वाजेपर्यंतची आहे.

    किशोरी लाल यांचं मताधिक्य पाहता, त्यांचा विजय आता जवळपास निश्चित आहे.

    प्रियंका गांधी यांनी ट्वीट करत म्हटलं आहे की, किशोरी भैया, मला अजिबात संशय नव्हता. तुम्ही जिंकाल हा विश्वास होता. तुमचं आणि माझ्या अमेठीतल्या बंधू-भगिनींचंही हार्दिक अभिनंदन.

    अमेठी गांधी कुटुंबाचा परंपरागत मतदारसंघ मानला जातो.

    2019 मध्ये भाजपच्या स्मृती इराणी यांनी राहुल गांधी यांना अमेठीमध्ये पराभूत केलं होतं.

    यंदा लोकसभा निवडणुकीत काँग्रेसने किशोरीलाल शर्मांना उमेदवारी दिली होती.

    

    फोटो स्रोत, X/PRIYANKA

14. 4 जून 2024काय आहे उत्तर महाराष्ट्राचा कल?

    

15. 4 जून 2024दुपारपर्यंत एक लाखांच्यावर मतांची आघाडी घेणारे उमेदवार

    महाराष्ट्रात 9 मतदारसंघ असे आहेत, की तेथील उमेदवारांनी दुपारी अडीच पर्यंत एक लाख मतांहून अधिक आघाडी घेतली आहे. यापैकी पियुष गोयल यांना विजयी घोषित करण्यात आले आहे.

    

16. 4 जून 2024काय आहे मराठवाड्याचा कल?

    

17. 4 जून 2024संभाजीनगरमध्ये संदिपान भुमरे आघाडीवर

    

    छत्रपती संभाजीनगरमध्ये (औरंगाबाद मतदारसंघ) शिवसेना शिंदे गटाचे संदिपान भुमरे आघाडीवर आहेत.

    आतापर्यंत उमेदवारांना मिळालेली मते पुढीलप्रमाणे-

    • संदिपान भुमरे (शिवसेना) - 194364
    • इम्तियाज जलील (MIM) - 172889
    • चंद्रकांत खैरे (UBT) - 123438

    आघाडी- 21475 (संदिपान भुमरे)

18. 4 जून 2024दक्षिण मध्य मुंबईत आघाडी मिळाल्यावर शिवसेना उबाठा गटाच्या कार्यकर्त्यांचा जल्लोष

    

    फोटो स्रोत, DEEPALI JAGTAP

    शिवसेना उबाठा गटाच्या अनिल देसाई यांना मुंबई दक्षिण मध्य मतदारसंघात आघाडी मिळाल्यावर त्यांच्या पक्षाच्या कार्यकर्त्यांनी जल्लोष सुरू केला आहे.

    या मतदारसंघात मुख्यत्वे चेंबूर आणि धारावी यांचा समावेश होतो. दक्षिण मध्य मुंबई मतदारसंघामध्ये विधानसभेचे अणुशक्तीनगर आणि चेंबूर हे मुंबई उपनगर जिल्ह्यातले दोन मतदारसंघ येतात. तर मुंबई शहर जिल्ह्यातले धारावी, सायन कोळीवाडा, वडाळा आणि माहीम हे विधानसभा मतदारसंघ येतात.

    या मतदारसंघात इतर विभागांप्रमाणे मिश्र वस्ती असली तरी बहुतांश मतदारसंघात कष्टकरी, अल्प ते अत्यल्प उत्पन्न गटातील लोकसंख्या राहाते. या मतदारसंघामध्ये लोकसंख्येची घनताही जास्त दिसून येते.

    आशियातील सर्वात मोठी झोपडपट्टी म्हणून ओळखली जाणारी धारावी झोपडपट्टी याच मतदारसंघात आहे.

19. 4 जून 2024नागपूरमध्ये नितीन गडकरी यांना मोठी आघाडी

    

    नागपूरमध्य़े केंद्रीय मंत्री नितीन गडकरी यांना काँग्रेस उमेदवार विकास ठाकरे यांच्यावर मोठं मताधिक्य मिळालं आहे. नवव्या फेरीअखेर उमेदवारांना मिळालेली मते पुढीलप्रमाणे

    • नितीन गडकरी भारतीय जनता पार्टी 3,27,205
    • विकास ठाकरे इंडियन नॅशनल काँग्रेस 2,67,062

    आघाडी- 60,143 (नितीन गडकरी)

20. 4 जून 2024जालन्यात कल्याण काळे आघाडीवर

    जालना मतदारसंघात 8 व्या फेरीअखेर कल्याण काळे यांनी आघाडी घेतल्याचे दिसते.

    या मतदारसंघात उमेदवारांना आतापर्यंत मिळालेली मते पुढीलप्रमाणे

    • कल्याण काळे- 1,82,708
    • रावसाहेब दानवे - 1,76,115

    1999 ते 2019 अशा सलग 5 निवडणुका रावसाहेब दानवे जिंकले असून यावेळीही पक्षानं त्यांना उमेदवारी दिलेली आहे.

    रावसाहेब दावने यांनी यापूर्वीच्या दोन निवडणुकांत काँग्रेसच्या विलास औताडे यांना सहज पराभूत केल्याचं दिसून आलं. पण 2009 मध्ये मात्र कल्याण काळे यांनी दानवेंना घाम फोडला होता. अगदी थोड्या फरकानं दानवे यावेळी विजयी झाले होते.

    काँग्रेस आणि भाजप दोन्ही पक्षांचं ठळकपणे अस्तित्व दिसत असलेल्या या मतदारसंघांमध्ये जवळपास गेल्या चार दशकांत भाजपनं मतांच्या राजकारणात बाजी मारल्याचं पाहायला मिळालं आहे.