कोरोना : कोव्हिड रुग्णालयात दाखल होण्यासाठी पॅाझिटिव्ह रिपोर्ट सक्तीचा नाही

कोव्हिड रुग्णालयात दाखल होण्यासाठी पॅाझिटिव्ह रिपोर्ट सक्तीचा नसल्याचं केंद्र सरकारने स्पष्ट केलंय. रुग्णाला हॉस्पिटलमध्ये दाखल करण्याबाबतचं राष्ट्रीय धोरण केंद्रीय आरोग्य मंत्रालयाने आज जाहीर केलंय.

रुग्णांना हॉस्पिटलमध्ये दाखल करून घेण्याबाबतचं राष्ट्रीय धोरण काय आहे आपण पाहूयात.

डॉक्टरांकडून धोरणांचं स्वागत

आरोग्य मंत्रालयाने जाहीर केलेल्या या धोरणांचं डॉक्टर्सनी स्वागत केलंय.

याविषयी बोलताना इंडियन मेडिकल असोसिएशचे माजी अध्यक्ष डॉ. रवी वानखेडकर म्हणाले, "या मार्गदर्शक सूचनांना भले खूप उशीर झाला असेल पण याचं स्वागत करतो. ज्या रुग्णांना लक्षणं आहेत, पण त्यांचा रिपोर्ट निगेटिव्ह आहे. अशांना याचा नक्की फायदा होईल.

"हे रुग्ण सुपर स्प्रेडर बनणार नाहीत. त्याचसोबत एका शहरातून दुसऱ्या शहरात उपचारासाठी जाणाऱ्यांना मदत मिळेल. बऱ्याच रुग्णांना लक्षणं असूनही रिपोर्ट निगेटिव्ह येतो. आता हे रुग्ण कोव्हिड सेंटरमध्ये संशयित म्हणून दाखल होऊ शकतात."

हे वाचलंत का?

(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.

बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.

'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)