उडुपी रामचंद्र राव: गुगलने बनवलं भारताच्या सॅटेलाईट मॅनवर डुडल
फोटो स्रोत, Google
गुगल हा आपल्या सगळ्यांच्या परवलीचा शब्द झाला आहे. आज तुम्ही गुगलवर गेलात तर तुम्हाला डुडल दिसेल. हे डुडल भारतीय शास्त्रज्ञ उडुपी रामचंद्र राव यांना समर्पित करण्यात आलं आहे.
प्राध्यापक राव यांचा आज जन्मदिवस आहे.
1975 मध्ये राव यांच्या नेतृत्वात भारताने आर्यभट्ट हा पहिला उपग्रह अंतराळात प्रक्षेपित केला होता.
भारतीय अंतराळ विज्ञानाच्या यशस्वी वाटचालीत प्राध्यापक राव यांचं मोलाचं योगदान आहे.
अंतराळ विश्वाच्या बरोबरीने माहिती प्रसारण क्षेत्रातही राव यांचे मोठं योगदान आहे.
प्राध्यापक राव यांचा जन्म 10 मार्च 1932 रोजी कर्नाटकातल्या उडुपी जिल्ह्यातल्या अडामारू भागात झाला. सर्वसामान्य कुटुंबात जन्मलेल्या राव यांनी प्रतिभाशक्ती आणि प्रचंड मेहनतीच्या जोरावर अंतराळ, उपग्रह प्रक्षेपण या क्षेत्रात नाव कमावलं.
प्राध्यापक राव हे इस्रोचे अध्यक्ष तसंच भारताचे अंतराळ सचिवही होते.
आर्यभट्ट हा पहिला भारतीय उपग्रह अंतराळात सोडण्यात राव यांच्या नेतृत्वाखालील चमूने महत्त्वाची कामगिरी बजावली होती. अंतराळात वीसहून अधिक उपग्रह प्रक्षेपित करणं आणि त्यांचं आरेखन यामध्ये राव यांचा वाटा आहे.
2013 मध्ये सॅटेलाईट प्रोफेशनल्सने प्राध्यापक राव यांना सॅटेलाईट हॉल ऑफ फेम वॉशिंग्टनमध्ये सहभागी केलं.
आंतरराष्ट्रीय अस्ट्रोनॉमिकल फेडरेशनने राव यांचा समावेश प्रतिष्ठेच्या आईएएफ हॉल ऑफ फेममध्ये केला.
अंतराळ विज्ञान क्षेत्रातील योगदानाकरता भारत सरकारने प्राध्यापक राव यांना 1976 मध्ये पद्मभूषण तसंच 2017मध्ये पद्मविभूषण पुरस्काराने गौरवण्यात आलं होतं.
24 जुलै 2017 रोजी 85व्या वर्षी प्राध्यापक राव यांचं निधन झालं.
हे वाचलंत का?
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त
(बीबीसी मराठीचे सर्व अपडेट्स मिळवण्यासाठी तुम्ही आम्हाला फेसबुक, इन्स्टाग्राम, यूट्यूब, ट्विटर वर फॉलो करू शकता.रोज रात्री8 वाजता फेसबुकवर बीबीसी मराठी न्यूज पानावर बीबीसी मराठी पॉडकास्ट नक्की पाहा.)
