Anthony Joshua vs Pulev: Anthony Joshua akụpụla Kubrat Pulev ọkwụrụ n'anya

Mkpuchi Na Eme Ozugbo

1. 10 Juun 2024Ụlọikpe atụọla mmadụ atọ nga maka ịkpaso Vinicius Jose Jr oke agbụrụ

   

   Vinicius Jose Jr na-agbara ndị Real Madrid bọọlụ ka ndị na-akwadọ otu egwu bọọlụ Valencia mesoro omume ịkpa oke agbụrụ.

   Nke a mere n’abalị 23 Mee 2023 n’ọgbọ egwuruegwu a kpọrọ Mestalla nke ndị Valencia.

   Ka ihe ahụ mechara, La Liga kpọpụrụ mmadụ atọ ndị na-akwadọ otu egwu bọọlụ valencia ụlọikpe ebe a mara ha ikpe ma tụọ ha nga ọnwa asatọ.

   Ụlọikpe machịrị mmadụ atọ ahụ ịbanye n’ọgbọ egwuruegwu nke La-liga maọbụ ebe ndị mba Spain na-agba bọọlụ rụọ afọ atọ, mana e mechara mee ya afọ abụọ.

   Ndị wegara okwu ahụ n’ụlọikpe bụ Vinicius Jr La Liga na Spanish Football Federation (RFEF).

   Onyeisioche La-Liga bụ Javier Tebas kwuru na ọ bụ ihe ga-enye aka ibuso ịkpa oke agbụrụ agha n’egwuruegwu bọọlụ ma nye aka iti Vinicius Jr aka n’obi.

   Ọ gara n’ihu kọwaa na nke ahụ ga-abụ ihe ịdọ aka na ntị dịịrị ndị na-aga n’ọgbọ egwuruegwu ịkpaarị ndị mmadụ.

   “La-liga ga-achọta onye ị bụ, kpọpụ gị ụlọikpe maka ntaramahụhụ ga-eso ya”.

   Ndị otu egwu bọọlụ Real Madrid kwuru na ha “ga ejisiike na-echekwa ihe njirimara ha, wepu ịkpa oke agbụrụ na ihe ịkpa oke ọbụla n’asọmpị bọolụ”.

2. 13 Mee 2024‘Egwuruegwu Invictus na-egosi m na ọ bụghị nanị m so’

3. 11 Eprel 2024Ihe atọ mere FIFA anaghị akpọ ndị ogbuopi Naịjirịa ọrụ

   

   Ebe foto si, Getty Images

   Otu mbaụwa na-ahụ maka egwuruegwu bọọlụ bụ FIFA ewepụtala aha ndị ogbuopi ga-eso gbuo opi n’asọmpi egwuruegwu Olympics nke ga-amalite n’ọnwa Julaị na Paris, mba France.

   Otu ahụ wepụtara aha ndị ogbuopi iri na abụọ ga-anọchiteanya mba Afrịka n’egwuruegwu ahụ.

   N’ime aha ndị ogbuopi ahụ ewepụtara, enweghị nke bụ nwaafọ Naịjirịa na-agbanyeghị na mba ahụ na-eto n’ike n’ike n’ihe banyere egwuruegwu bọọlụ.

   Ọ bụkwa ụdị ihe a ka e mere Naịjirịa n’oge asọmpi iko mbaụwa a haziri na Qatar n’afọ 2022.

   Ka osiladị, BBC jụrụ onye bụụrụ ogbuopi Naịjirịa ruru n’ogogo FIFA bụ Ibrahim Umar Fagge ajụjụ banyere ihe mere e ji eleghara ndị ogbuopi Naịjirịa anya n’ụdị egwuruegwu ndị ahụ gbara ọkpụrụkpụ.

   Ọ sịrị “e nwere ọtụtụ ihe mere ede jiri bee nwịị, nke mbụ bụ na ọ bụrụgodu na onye ntorobịa nwee ohere ị bụ onye ogbuopi FIFA, ha agaghị enweta ọzụzụ ndị kwesịrị ekwesị nke ga-eme ka ha gbuo opi n’egwuruegwu ndị gbara ọkpụrụkpụ dịka iko mbaụwa.

   “Nke abụọ bụ na ọtụtụ ndị ogbuopi nwere nsogbu ahụike nke mere na ha agaghị enwe ike ruo n’ebe a chọrọ.

   “E nwekwara nsogbu afọ ole ha gbara, ọtụtụ n’ime ndị ogbuopi anyị akaala nka. Etu obi ha si akụ nakwa etu ọbara si agazu ha ahụ ga-etinye ha n’ihe izendụ ọ bụrụ ma ha gaa n’ihu na-agba ọsọ.

   “Nke ikpeazụ bụ na Naịjirịa enwebughị akụrụngwa na-enyere onye ogbuopi aka a na-akpọ ‘Video Assistant Referee maọbụ VAR’ n’asụsụ Bekee,” ka Ibrahim Umar kwuru.

   Dịka iwu FIFA siri kwuo, mmadụ ọbụla agaghị egbu opi n’asọmpi gbara ọkpụrụkpụ ewezuga ma onye ahụ ọ maara nke o riri n’ụzọ esi eji VAR eme ihe.

4. 10 Eprel 2024Luke Fleurs: Anwụchiela mmadụ isii maka ogbugbu onye ọgbaabọọlụ mba South Africa

   

   Ebe foto si, KAIZER CHIEFS

   Anwụchiela mmadụ isii maka ogbugbu onye ọgbaabọọlụ mba South Africa bụ Luke Fleurs.

   Nwaokorobịa ahụ gbara afọ iri abụọ na anọ na-agbara otu egwu bọọlụ Kaizer Chiefs bụ onye ndị ohi ụgbọala gbagburu n’izuụka gara aga n’otu ọdụ mmanụ ụgbọala dị na Johannesburg.

   N’ozi ha wepụtara, ndị uweojii kwuru na mmadụ isii ahụ a na-enyo enyo bụ ndị anwụchiri na Soweto n’ụtụtụ Wenezde 10 Eprel 2024.

   Ndị uweojii kwuru na ha kwenyere na “ndị ahụ a na-enyo enyo so n’otu na-ezu ohi ụgbọala” na mpaghara Gauteng.

   Ha kwukwara na ha ebughachitela ụgbọala onye ọgbaabọọlụ ahụ nwụrụ anwụ n’ụbọchị Mọnde.

   Fleurs bụ onye kwụ n’ahịrị na-eche ka agbanyere ya mmanụ ụgbọala tupu ndị ojiegbe awụchaa ma nye ya iwu ka ọ pụta n’ụgbọala ya.

   Ọnụ na-ekwuru ndị uweojii Gauteng bụ Mavela Masondo gwara ndị ntaakụkọ n’ụbọchị ahụ na “ndị omekoome tụwara Fleurs egbe, kpọpụta ya n’ụgbọala ya ma gbaa ya egbe na mpaghara obi ya.”

5. 4 Eprel 2024Agbagbuola ọgbaabọọlụ mba South Africa bụ Luke Fleur

   

   Ebe foto si, KAIZER CHIEFS

   Agbagbuola otu onye ọgbaabọọlụ na mba Saụt Afrịka bụ Luke Fleurs n’oge ndị ohi gara izu ụgbọala ya.

   Dịka ndị uweojii siri kwuo, ọ bụ n’ụbọchị Wenezde 3 Eprel 2024 ka agbagburu Fleurs n’otu ọdụ mmanụ ụgbọala dị na Johannesburg.

   Nwaamadị ahụ na-agbara otu egwu bọọlụ Kaizer Chiefs bụ onye na-eche ka agbanyere ya mmanụ ụgbọala tupu ndị ojiegbe awụchaa ma nye ya iwu ka ọ pụta n’ụgbọala ya.

   Akụkọ kwuru na otu n’ime ndị omekoome ahụ buuru ụgbọala Fleur rie mbọmbọ n’oge ha gbagbuchara ya.

   Ọnụ na-ekwuru ndị uweojii Gauteng bụ Mavela Masondo gwara ndị ntaakụkọ na “ndị omekoome ahụ tụwara Fleurs egbe, kpọpụta ya n’ụgbọala ya ma gbaa ya egbe na mpaghara obi ya.”

   Otu egwu bọọlụ nwaamadị ahụ gbara afọ 24 bụ Kaizer Chiefs akọwaala ọnwụ ya dịka “nnukwu ihe mwute.”

   Ha kwuru na ndị uweojii na-elebara okwu ahụ anya dịkwa ka ha ga-ewepụta ozi rijuru afọ na mgbe oge ya ruru.

   Minista egwuruegwu bụ Zizi Kodwa kwuru na “obi adịghị ya mma na a tụfuru ndụ mmadụ ọzọ n’ihi ọnọdụ tigbuo zọgbuo.”

   Fleurs sonyere otu egwu bọọlụ Kaizer Chiefs n’afọ gara aga dịka ọ gbachaara SuperSport United.

6. 27 Maachị 2024Weekly exercise: Agwala ndị ọrụ Uganda ka ha na-emegharị ahụ kwa izuụka

   

   Gọọmenti Uganda agwala ndị ọrụ obodo niile ka ha were awa abụọ na-emegharị ahụ kwa izuụka.

   Ntụziaka ahụ dị na leta onyeisi ndị ọrụ obodo mba Uganda bụ Lucy Nakyobe zigaara ngalaba ụlọọrụ gọọmenti niile enwere na mba ahụ.

   Dịka Nakyobe siri dee na leta ahụ “imegharị kwa mgbe kwa mgbe ga-enye aka chekwaa ndụ ndị ọrụ ma belata ibu nrịanrịa.”

   N’ozi gọọmenti Uganda wepụtara n’ọbaozi X, ọ sịrị na atụmatụ ahụ “ga-ebelata iri elu nke ibu nrịanrịa ya na usoro obibi ndụ so aga” na mba ahụ.

   Atụmatụ a na-abịa dịka ọ gafechara afọ abụọ ihe nnyocha e mere banyere ahụike gosiri na ogo ndị mmadụ si ebufe ibu oke na mba ahụ agbagoola site na pasenti 17 ruo pasenti 26 n’ime afọ 17 gara aga.

   Mana nke a abụghị nke mbụ ya gọọmenti Uganda na-ewepụta ụdị atụmatụ dị etu a iji gbaa ndị mmadụ ume imegharị ahụ.

   N’afọ 2018, Uganda wepụtara ụbọchị maka mmegharịahụ zuru mba ahụ ọnụ bụ nke hụrụ na ahaziri ihe omume egwuruegwu gburugburu mba ahụ.

   Kọmịshọna na-ahụ maka ọrịa ndị na-adịghị efe efe bụ Dr. Charles Oyoo Akiya gwara ndị ọrụ mgbasaozi mba Uganda na mịnịstrị ahụike nọ kemgbe na-ahaziri ndị ọrụ ya ihe omume mmegharịahụ mana ha chọrọ ka ngalaba ụlọọrụ niile nabata ya.

7. 13 Febụwarị 2024Afcon 2023: A rọrọ m nrọ ka anyị meriri Asọmpị a

8. 11 Febụwarị 2024Ivory Coast abụrụla dike Afrịka ka ha mabuuru Iko AFCON 2023

9. 7 Febụwarị 2024Afcon 2023: Ugo Naịjirịa arachaala Saut Afrịka ka 'banana' Ore

10. 7 Febụwarị 2024Afcon: Ugo Naịjirịa na Bafana Bafana Saụt Afrịka achịpụwalaya

11. 4 Febụwarị 2024Afcon: Onye bụdị Lookman a nyeere Nigeria goolu mmeri?

12. 31 Jenụwarị 2024AFCON 2023: Lee etu tebulu asọmpi na mpụtara ya si kwụrụ ugbua

13. 31 Jenụwarị 2024Afcon 2023: Gbaa okwe a họpụta otu ị ga-akpọ gaa ọgụ ma ị bụrụ onye nchịkwa bọọlụ

14. 31 Jenụwarị 2024AFCON: Naịjirịa emeriela Ivory Coast

15. 6 Disemba 2023Victor Osimhen eturula ugo 'ọkachasị agba bọọlụ' n'asọmpi Serie A' nke Italy afọ 2023

16. 25 Nọvemba 2023Kedu etu Naịjirịa ga-esi kwalite onwe ha na njem itozu ikombaụwa?

17. 9 Nọvemba 2023"Ịlụ ọgụ na-amasị m, ana m alụchitere nwanne m nwoke ọgụ" - Chiamaka Nwaturuocha

18. 4 Ọktọba 2023Africa Eye: Etu ndị nhazi egwuregwu bọọlụ si emetọ ụmụntakịrị nwoke na mba Gabon

19. 24 Septemba 2023Desire Oparanozie Retires: Ihe mere m ji kpebie ịla ezumike n’egwurgwu bọọlụ n’oge

20. 24 Septemba 2023Afcon 2023: Kedụ mgbe asọmpi Iko Mba Afrịka ga-amalite?